ਜੈਪਾਲ ਭੁੱਲਰ ਦੇ ਦੁਬਾਰਾ ਹੋਏ ਪੋਸਟਮਾਰਟਮ ਦੀ ਰੀਪੋਰਟ ਤੋਂ ਵੀ ਅਸੰਤੁਸ਼ਟ ਪਰਵਾਰ

ਪਿਤਾ ਨੇ ਰੀਪੋਰਟ ਅਤੇ ਸਿਸਟਮ 'ਤੇ ਕੀਤੇ ਕਈ ਸਵਾਲ ਖੜੇ

ਫ਼ਿਰੋਜ਼ਪੁਰ, 23 ਜੂਨ (ਪ੍ਰੇਮ ਨਾਥ ਸ਼ਰਮਾ) : ਪਿਛਲੀ 9 ਤਾਰੀਖ ਨੂੰ  ਕਲਕੱਤਾ ਵਿਚ ਪੁਲਿਸ ਨੇ ਜੈਪਾਲ ਅਤੇ ਉਸ ਦੇ ਸਾਥੀ ਨੂੰ  ਗੋਲੀਆਂ ਮਾਰ ਕੇ ਐਨਕਾਊਾਟਰ ਕੀਤਾ ਸੀ, ਜਿਸ ਦੇ ਜੈਪਾਲ ਦੇ ਪਿਤਾ ਨੇ ਕਈ ਸਵਾਲ ਖੜੇ ਕਰ ਦਿਤੇ ਹਨ | ਜੈਪਾਲ ਦੇ ਪਿਤਾ ਨੇ ਪੁਲਿਸ 'ਤੇੇ ਦੋਸ਼ ਲਗਾਏ ਸਨ ਕਿ ਉਸ ਦੇ ਲੜਕੇ ਨੂੰ  ਗੋਲੀਆਂ ਮਾਰਨ ਤੋਂ ਪਹਿਲਾ ਤਸ਼ੱਦਦ ਕੀਤਾ ਗਿਆ, ਜਿਸ ਕਾਰਨ ਉਹ ਦੁਬਾਰਾ ਪੋਸਟਮਾਰਟਮ ਕਰਵਾਉਣ ਦੀ ਮੰਗ ਕਰ ਰਹੇ ਸਨ | ਸਿਵਲ ਪ੍ਰਸ਼ਾਸਨ ਵਲੋਂ ਮੰਗ ਨਾ ਮੰਨਣ 'ਤੇ ਜੈਪਾਲ ਦੇ ਪਿਤਾ ਨੇ ਕੋਰਟ ਦਾ ਸਹਾਰਾ ਲਿਆ ਅਤੇ ਕੋਰਟ ਦੇ ਫ਼ੈਸਲੇ ਤੋਂ ਬਾਅਦ ਜੈਪਾਲ ਦਾ ਦੁਬਾਰਾ ਪੋਸਟ ਮਾਰਟਮ ਕਰਵਾਇਆ | ਦੇਰ ਰਾਤ ਮਿਲੀ ਰੀਪੋਰਟ 'ਤੇ ਜੈਪਾਲ ਦੇ ਪਿਤਾ ਨੇ ਪੋਸਟਮਾਰਟਮ ਰੀਪੋਰਟ 'ਤੇ ਅਸੰਤੁਸ਼ਟੀ ਜਤਾਈ | ਦੁੁਬਾਰਾ ਪੋਸਟਮਾਰਟਮ ਤੋਂ ਬਾਅਦ ਅੱਜ ਜੈਪਾਲ ਦਾ ਦੁਪਹਿਰ ਸਮੇਂ ਸਸਕਾਰ ਕੀਤਾ ਗਿਆ | ਉਸ ਤੋਂ ਪਹਿਲਾ ਜੈਪਾਲ ਦੇ ਪਿਤਾ ਨੇ ਪੋਸਟਮਾਰਟਮ ਰੀਪੋਰਟ ਅਤੇ ਸਿਸਟਮ 'ਤੇ ਸਵਾਲ ਖੜੇ ਕਰਦਿਆਂ ਕਿਹਾ ਕਿ ਇਕ ਪਾਸੇ ਡਾਕਟਰਾਂ ਨੇ ਰੀਪੋਰਟ ਵਿਚ ਜੈਪਾਲ ਦੇ ਸਰੀਰ 'ਤੇ 22 ਜ਼ਖ਼ਮ ਦੱਸੇ ਹਨ ਅਤੇ ਦੂਜੇ ਪਾਸੇ ਰੀਪੋਰਟ ਦੇ ਆਖਰ ਵਿਚ ਇਹ ਲਿਖ ਦਿਤਾ ਕਿ ਕੋਈ ਵੀ ਉਸ ਨਾਲ ਫ਼ਿਜ਼ੀਕਲ ਟਾਰਚਰ ਨਹੀਂ ਕੀਤਾ ਗਿਆ | ਜੋ ਸਾਫ਼ ਤੌਰ 'ਤੇ ਜ਼ਾਹਰ ਹੁੰਦਾ ਹੈ ਕਿ ਮਿ੍ਤਕ ਦੀ ਰੀਪੋਰਟ ਤਿਆਰ ਕਰਨ ਲਈ ਡਾਕਟਰਾਂ 'ਤੇ ਵੀ ਕਿੰਨਾ ਦਬਾਅ ਹੋਵੇਗਾ |
ਫੋਟੋ ਫਾਈਲ: 23 ਐੱਫਜੈੱਡਆਰ 21
ਕੈਪਸ਼ਨ: ਜਾਣਕਾਰੀ ਦਿੰਦੇ ਹੋਏ ਜੈਪਾਲ ਭੁੱਲਰ ਦੇ ਪਿਤਾ |