ਪੰਜਾਬ ਸਰਕਾਰ ਦੇ ਜੇਲ ਮੰਤਰੀ ਸੁਖਿੰਦਰ ਸਿੰਘ ਰੰਧਾਵਾ ਆਪਣੀ ਟੀਮ ਦੇ ਨਾਲ ਪਟਿਆਲਾ ਜੇਲ ਪਹੁੰਚੇ ਅਤੇ ਉਨ੍ਹਾਂ ਜੇਲ ਦੇ ਅੰਦਰ....
ਪੰਜਾਬ ਵਿਚ ਆਉਣ ਵਾਲੇ ਸਮੇਂ ਵਿਚ ਗੈਂਗਸਟਰਾਂ ਨੂੰ ਵੇਖ ਕੇ ਹੋਰ ਨੌਜਵਾਨ ਉਨ੍ਹਾਂ ਵਰਗਾ ਨਾ ਬਣੇ ਇਸ ਨੂੰ ਲੈ ਕੇ ਪੰਜਾਬ ਸਰਕਾਰ ਸਖ਼ਤ ਕਦਮ ਅਤੇ ਨਵੀਂ ਰਣਨੀਤੀ ਲੈ ਕੇ ਆ ਰਹੀ ਹੈ। ਜਿਸ ਤਹਿਤ ਗੈਂਗਸਟਰਾਂ ਅਤੇ ਹੋਰ ਹਾਰਡ ਕੌਰ ਮੁਲਜ਼ਮ ਦੀ ਪੇਸ਼ੀ ਅਦਾਲਤ ਦੇ ਬਜਾਏ ਜੇਲ੍ਹਾਂ ਵਿਚ ਹੀ ਕਰਨ ਨੂੰ ਲੈ ਕੇ ਜੇਲ੍ਹਾਂ ਵਿਚ ਕੋਰਟ ਰੂਮ ਬਣਾਉਣ ਬਾਰੇ ਸੋਚ ਰਹੀ ਹੈ ਇਸ ਕਹਿਣਾ ਹੈ ਪੰਜਾਬ ਦੇ ਨਵੇਂ ਜੇਲ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦਾ ਜੋ ਪਟਿਆਲਾ ਦੇ ਜੇਲ ਵਿਚ ਅਚਨਚੇਤ ਚੈਕਿੰਗ ਕਰਨ ਲਈ ਪਹੁੰਚੇ ਸਨ।
Center jail patiala
ਪੰਜਾਬ ਸਰਕਾਰ ਦੇ ਜੇਲ ਮੰਤਰੀ ਸੁਖਿੰਦਰ ਸਿੰਘ ਰੰਧਾਵਾ ਆਪਣੀ ਟੀਮ ਦੇ ਨਾਲ ਪਟਿਆਲਾ ਜੇਲ ਪਹੁੰਚੇ ਅਤੇ ਉਨ੍ਹਾਂ ਜੇਲ ਦੇ ਅੰਦਰ ਹਾਲਾਤਾਂ ਦਾ ਜਾਇਜਾ ਲਿਆ ਇਸਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਜੋ ਵੀ ਕਮੀਆਂ ਪੰਜਾਬ ਦੀਆਂ ਜੇਲ੍ਹਾਂ ਵਿਚ ਹਨ ਉਨ੍ਹਾਂ ਨੂੰ ਜਲਦ ਪੂਰਾ ਕਰ ਲਿਆ ਜਾਵੇਗਾ। ਉਨ੍ਹਾਂ ਨੇ ਇਸ ਗੱਲ 'ਤੇ ਵੀ ਜ਼ੋਰ ਦਿੱਤਾ ਕਿ ਜੇਲ੍ਹਾਂ ਵਿਚ ਕੋਰਟ ਰੂਮ ਬਣਾਏ ਜਾ ਸਕਦੇ ਹਨ ਕਿਉਂਕਿ ਜਦੋ ਕੋਈ ਗੈਂਗਸਟਰ ਪੇਸ਼ੀ 'ਤੇ ਜਾਂਦਾ ਹੈ ਅਤੇ ਮੀਡੀਆ ਨੂੰ ਜਦੋ ਨੌਜਵਾਨ ਵੇਖਦੇ ਹਨ ਤਾਂ ਉਹ ਉਨ੍ਹਾਂ ਤੋਂ ਆਕਰਸ਼ਿਤ ਹੁੰਦੇ ਹਨ ਅਤੇ ਕਈ ਵਾਰ ਉਹ ਉਨ੍ਹਾਂ ਨੂੰ ਆਪਣਾ ਹੀਰੋ ਤਕ ਮਨ ਲੈਂਦੇ ਹਨ।
Center jail patiala
ਇਨ੍ਹਾਂ ਚੀਜਾਂ ਨੂੰ ਰੋਕਣ ਦੇ ਲਈ ਅਸੀਂ ਜੇਲ੍ਹਾਂ ਵਿਚ ਅਦਾਲਤ ਬਣਾਉਣ ਬਾਰੇ ਸੋਚ ਰਹੇ ਹਾਂ। ਜਿਸ ਨਾਲ ਇਸ ਤਰ੍ਹਾਂ ਦੇ ਹਾਰਡ ਕੌਰ ਮੁਜ਼ਲਮਾਂ ਦਾ ਕੇਸ ਇਥੇ ਹੀ ਚੱਲੇ। ਇਸਦੇ ਨਾਲ ਉਨ੍ਹਾਂ ਕਿਹਾ ਕਿ ਜੇਲ ਅੰਦਰ ਬਣਨ ਵਾਲੇ ਸਮਾਨ ਨੂੰ ਬਾਹਰ ਵੇਚਣ ਦੇ ਲਈ ਉਹ ਕਾਰਪੋਰੇਸ਼ਨ ਮਨਿਸਟਰ ਨਾਲ ਵੀ ਗੱਲ ਕਰਨਗੇ ਜਿਸ ਨਾਲ ਇਥੇ ਦਾ ਸਮਾਨ ਬਾਹਰ ਵਿਕ ਸਕੇ ਅਤੇ ਹੈਲਥ ਸੁਵਿਧਾ 'ਤੇ ਉਨ੍ਹਾਂ ਕਿਹਾ ਕਿ ਉਹ ਹੈਲਥ ਮਨਿਸਟਰ ਨਾਲ ਗੱਲ ਕਰ ਕੇ ਜੋ ਦਵਾਈਆਂ ਸਰਕਾਰ ਬਾਹਰ ਫ੍ਰੀ ਦਿੰਦੀ ਹੈ।
Center jail patiala
ਉਸਦਾ ਪ੍ਰਬੰਧ ਜੇਲ੍ਹਾਂ ਵਿਚ ਵੀ ਕੀਤਾ ਜਾਵੇ ਤਾਂ ਜੋ ਬਿਮਾਰ ਹੋਣ ਤੇ ਕੈਦੀਆਂ ਦਾ ਇਲਾਜ ਹੋ ਸਕੇ। ਉਨ੍ਹਾਂ ਕਿਹਾ ਕਿ ਇਹ ਪਹਿਲੀ ਵਿਜਿਟ ਸੀ ਉਨ੍ਹਾਂ ਦੀ ਅਤੇ ਆਉਣ ਵਾਲੇ ਸਮੇਂ ਵਿਚ ਉਹ ਜੇਲ੍ਹਾਂ ਦੇ ਸੁਧਾਰ ਲਈ ਪੂਰੀ ਕੋਸ਼ਿਸ਼ ਕਰਦੇ ਰਹਿਣਗੇ।
