ਪੁਰਾ ਦੇਸ਼ ਜਿਥੇ ਅੱਜ 70ਵਾਂ ਗਣਤੰਤਰ ਮਨਾਉਣ ਵਿਚ ਲੱਗਿਆ ਹੋਇਆ ਹੈ....
ਤਪਾ ਮੰਡੀ : ਪੁਰਾ ਦੇਸ਼ ਜਿਥੇ ਅੱਜ 70ਵਾਂ ਗਣਤੰਤਰ ਮਨਾਉਣ ਵਿਚ ਲੱਗਿਆ ਹੋਇਆ ਹੈ ਉਥੇ ਹੀ ਚੋਰ ਚੋਰੀਆਂ ਨੂੰ ਅੰਜਾਮ ਦੇ ਰਹੇ ਹਨ। ਚੋਰੀ ਦਾ ਇਕ ਮਾਮਲਾ ਤਪਾ ਮੰਡੀ ਸਥਿਤ ਬੱਸ ਸਟੈਂਡ ਦੇ ਵਿਚ ਮੌਜੂਦ ਅਸਲੇ ਦੀ ਦੁਕਾਨ ਤੋਂ ਭਾਰੀ ਮਾਤਰਾ ਵਿਚ ਅਸਲਾ ਚੋਰੀ ਹੋਣ ਦਾ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ ਚੋਰਾਂ ਵਲੋਂ ਪਹਿਲਾ ਗੰਨ ਹਾਊਸ ਦੇ ਨਾਲ ਲੱਗਦੀ ਮੋਟਰਸਾਈਕਲਾਂ ਦੀ ਦੁਕਾਨ ਵਿਚ ਪਾੜ ਲਗਾਇਆ ਗਿਆ ਅਤੇ ਫਿਰ ਅਸਲੇ ਦੀ ਦੁਕਾਨ ਵਿਚ ਦਾਖਲ ਹੋ ਕੇ ਭਾਰੀ ਮਾਤਰਾ ਵਿਚ ਅਸਲਾ ਚੋਰੀ ਕਰਕੇ ਲੈ ਗਏ।
Punjab Police
ਚੋਰ 12 ਬੋਰ ਦੀਆਂ 10 ਰਾਈਫਲਾਂ, ਪੰਪ ਐਕਸ਼ਨ ਗੰਨ 1, ਪੁਆਇੰਟ ਟੂ ਪੁਆਇੰਟ ਗੰਨ ਇਕ, ਇਕ ਏਅਰ ਰਿਵਾਲਵਰ, ਰਿਵਾਲਵਰ ਦੇ 100 ਕਾਰਤੂਸ, ਪਿਸਟਲ ਦੇ 50 ਕਾਰਤੂਸ, ਬਾਰਾਂ ਬੋਰ ਦੇ 98 ਕਾਰਤੂਸ ਚੋਰੀ ਕਰਕੇ ਲੈ ਗਏ। ਇਸ ਤੋਂ ਇਲਾਵਾ ਚੋਰ ਗੰਨ ਹਾਊਸ ਵਿਚੋਂ ਮੌਜੂਦ ਕਰੀਬ ਡੇਢ ਲੱਖ ਰੁਪਏ ਦੀ ਨਕਦੀ ਵੀ ਚੋਰੀ ਕਰਕੇ ਲੈ ਗਏ। ਇਹ ਸੂਚਨਾ ਮਿਲਦੇ ਹੀ ਪੁਲਿਸ ਨੂੰ ਜਾਣਕਾਰੀ ਦਿਤੀ ਗਈ।
ਪੁਲਿਸ ਦੇ ਅਧਿਕਾਰੀਆਂ ਨੇ ਮੌਕੇ ਉਤੇ ਪਹੁੰਚ ਕੇ ਘਟਨਾ ਦੀ ਜਾਂਚ ਕਰਨੀ ਸ਼ੁਰੂ ਕਰ ਦਿਤੀ। ਪੁਲਿਸ ਦੇ ਅਧਿਕਾਰੀਆਂ ਨੇ ਦੁਕਾਨ ਦੇ ਨੇੜੇ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਵਿਚ ਵੀ ਚੋਰਾਂ ਨੂੰ ਲੱਭਣ ਦੀ ਭਾਲ ਸ਼ੁਰੂ ਕਰ ਦਿਤੀ ਹੈ।
