Punjab News : ਮੁਸੀਬਤ ਦੇ ਸਮੇਂ ਪੰਜਾਬ ਨੂੰ ਛੱਡ ਭਗਵੰਤ ਮਾਨ ਤਮਿਲਨਾਡੂ ਦੇ ਮੁੱਖ ਮੰਤਰੀ ਨਾਲ ਮੁਸਕੁਰਾਉਂਦੇ ਹੋਏ ਨਾਸ਼ਤਾ ਕਰ ਰਹੇ ਹਨ: ਅਸ਼ਵਨੀ ਸ਼ਰਮਾ
Punjab News in Punjabi : ਲਗਭਗ ਅੱਧਾ ਪੰਜਾਬ ਹੜ੍ਹ ਦੀ ਚਪੇਟ ਵਿਚ ਹੈ। ਕਿਸਾਨ, ਖੇਤ ਮਜ਼ਦੂਰ, ਪਿੰਡ-ਪਿੰਡ ਦੀ ਆਮ ਜਨਤਾ ਪਾਣੀ ਵਿੱਚ ਡੁੱਬੀ ਹੋਈ ਪਰੇਸ਼ਾਨ ਹੈ। ਹੜ੍ਹ ਨੇ ਲੋਕਾਂ ਦੇ ਚੂਲ੍ਹੇ ਠੰਡੇ ਕਰ ਦਿੱਤੇ ਹਨ, ਖਾਣਾ ਤੱਕ ਮਿਲਣਾ ਮੁਸ਼ਕਲ ਹੋ ਗਿਆ ਹੈ। ਪਰ ਅਜਿਹੀ ਬਿਪਤਾ ਦੇ ਗੰਭੀਰ ਸਮੇਂ ਵਿੱਚ ਮੁੱਖ ਮੰਤਰੀ ਭਗਵੰਤ ਮਾਨ ਤਮਿਲਨਾਡੂ ਦੇ ਮੁੱਖ ਮੰਤਰੀ ਐਮ.ਕੇ. ਸਟਾਲਿਨ ਨਾਲ ਮੁਸਕੁਰਾਉਂਦੇ ਹੋਏ ਨਾਸ਼ਤਾ ਕਰਨ ਵਿੱਚ ਵਿਅਸਤ ਹਨ। ਇਹ ਨਜ਼ਾਰਾ ਪੰਜਾਬੀਆਂ ਪ੍ਰਤੀ ਉਨ੍ਹਾਂ ਦੀ ਅਸੰਵੇਦਨਸ਼ੀਲਤਾ ਨੂੰ ਬੇਨਕਾਬ ਕਰਦਾ ਹੈ। ਇਹ ਕਹਿਣਾ ਹੈ ਭਾਰਤੀ ਜਨਤਾ ਪਾਰਟੀ ਪੰਜਾਬ ਪ੍ਰਦੇਸ਼ ਦੇ ਕਾਰਜਕਾਰੀ ਪ੍ਰਧਾਨ ਅਸ਼ਵਨੀ ਸ਼ਰਮਾ ਦਾ।
ਸ਼ਰਮਾ ਨੇ ਕਿਹਾ ਕਿ ਇਸ ਆਪਦਾ ਦੀ ਘੜੀ ਵਿੱਚ ਮੁੱਖ ਮੰਤਰੀ ਮਾਨ ਨੂੰ ਆਪਣੇ ਸਾਰੇ ਪ੍ਰੋਗਰਾਮ ਰੱਦ ਕਰਕੇ ਹੜ੍ਹ ਦੀ ਮਾਰ ਹੇਠ ਇਲਾਕਿਆਂ ਵਿੱਚ ਪਹੁੰਚ ਕੇ ਪੀੜਤਾਂ ਦੀ ਮਦਦ ਕਰਨੀ ਚਾਹੀਦੀ ਸੀ। ਪਰ ਉਨ੍ਹਾਂ ਨੇ ਇਸ ਤਰ੍ਹਾਂ ਕਰਨ ਦੀ ਬਜਾਏ ਪੰਜਾਬੀਆਂ ਨੂੰ ਸੰਕਟ ਵਿੱਚ ਇਕੱਲਾ ਛੱਡ ਦਿੱਤਾ। ਇਸ ਤੋਂ ਸਾਫ਼ ਹੈ ਕਿ ਉਨ੍ਹਾਂ ਦੇ ਦਿਲ ਵਿੱਚ ਨਾ ਸੰਵੇਦਨਾ ਹੈ ਤੇ ਨਾ ਹੀ ਆਪਣਾਪਣ।
ਉਨ੍ਹਾਂ ਕਿਹਾ, “ਅੱਜ ਪੰਜਾਬ ਦੀ ਜਨਤਾ ਦੇਖ ਰਹੀ ਹੈ ਕਿ ਭਗਵੰਤ ਮਾਨ ਨੂੰ ਨਾ ਪੰਜਾਬ ਨਾਲ ਕੋਈ ਲਗਾਵ ਹੈ, ਨਾ ਪੰਜਾਬੀਆਂ ਨਾਲ ਕੋਈ ਪਿਆਰ। ਉਨ੍ਹਾਂ ਨੂੰ ਸਿਰਫ਼ ਆਪਣੀ ਕੁਰਸੀ ਅਤੇ ਮੁੱਖ ਮੰਤਰੀ ਪਦ ਦੀ ਸ਼ਾਨ-ਸ਼ੌਕਤ ਨਾਲ ਹੀ ਮੋਹ ਹੈ।”
(For more news apart from Punjab devastated floods, stoves cold, but Bhagwant Mann is smiling and having breakfast with Stalin: Ashwani Sharma News in Punjabi, stay tuned to Rozana Spokesman)
