ਹਵਸ ਵਿਅਕਤੀ ਨੂੰ ਅੰਨ੍ਹਾ ਕਰ ਦਿੰਦੀ ਹੈ ਤੇ ਹਵਸ 'ਚ ਅੰਨ੍ਹਾ ਹੋਇਆ ਵਿਅਕਤੀ ਕੋਈ ਰਿਸ਼ਤਾ ਨਹੀਂ ਦੇਖਦਾ।
ਲੁਧਿਆਣਾ, 27 ਮਈ (ਸਸਸ): ਹਵਸ ਵਿਅਕਤੀ ਨੂੰ ਅੰਨ੍ਹਾ ਕਰ ਦਿੰਦੀ ਹੈ ਤੇ ਹਵਸ 'ਚ ਅੰਨ੍ਹਾ ਹੋਇਆ ਵਿਅਕਤੀ ਕੋਈ ਰਿਸ਼ਤਾ ਨਹੀਂ ਦੇਖਦਾ। ਇਸ ਤਰ੍ਹਾਂ ਦੀ ਆਪ ਬੀਤੀ ਇਕ ਨੌਜਵਾਨ ਕੁੜੀ ਨੇ ਪੁਲਿਸ ਨੂੰ ਦਿਤੀ ਸ਼ਿਕਾਇਤ ਵਿਚ ਸੁਣਾਈ ਹੈ। ਪੀੜਤਾ ਨੇ ਰੋ ਰੋ ਕੇ ਦਸਿਆ ਕਿ ਇਕ ਸਾਲ ਤੱਕ ਮੇਰੀ ਵੱਡੀ ਭੈਣ ਦਾ ਪਤੀ ਮੇਰੇ ਨਾਲ ਅਸ਼ਲੀਲ ਹਰਕਤਾਂ ਕਰਦਾ ਰਿਹਾ।
Sexual Assaultਭੈਣ ਦਾ ਘਰ ਨਾ ਉਜੜੇ, ਇਸ ਲਈ ਮੈਂ ਉਸ ਦੀਆਂ ਇਹ ਅਸ਼ਲੀਲ ਹਰਕਤਾਂ ਨਾ ਚਾਹੁੰਦੇ ਹੋਏ ਵੀ ਬਰਦਾਸ਼ਤ ਕਰਦੀ ਰਹੀ। ਕਰੀਬ 6 ਮਹੀਨੇ ਪਹਿਲਾਂ ਉਸ ਦੇ ਮੋਬਾਈਲ 'ਤੇ ਜੀਜੇ ਦਾ ਧਮਕੀ ਭਰਿਆ ਫੋਨ ਆਇਆ ਕਿ ਜੇਕਰ ਉਹ ਉਸ ਕੋਲ ਘਰ ਨਹੀਂ ਆਈ ਤਾਂ ਉਹ ਉਸ ਦੀ ਭੈਣ ਤੇ ਦੋਵੇਂ ਬੱਚਿਆਂ ਨੂੰ ਮਾਰ ਦੇਵੇਗਾ, ਜਿਸ 'ਤੇ ਉਹ ਸਹਿਮ ਗਈ ਅਤੇ ਜੀਜੇ ਦੇ ਘਰ ਚਲੀ ਗਈ। ਜਿਥੇ ਉਸ ਦੇ ਜੀਜੇ ਨੇ ਉਸ ਨਾਲ ਜਬਰ-ਜ਼ਨਾਹ ਕੀਤਾ ਤੇ ਮੂੰਹ ਬੰਦ ਰੱਖਣ ਦੀ ਧਮਕੀ ਦਿੱਤੀ। ਇਸ ਤੋਂ ਬਾਅਦ ਉਸ ਦੀ ਚੁੱਪ ਦਾ ਜੀਜੇ ਨੇ ਕਈ ਵਾਰ ਫ਼ਾਇਦਾ ਉਠਾਉਂਦਿਆਂ ਉਸ ਨੂੰ ਆਪਣੀ ਹਵਸ ਦਾ ਸ਼ਿਕਾਰ ਬਣਾਇਆ।
Sexual Assaultਪੀੜਤਾ ਨੇ ਦਸਿਆ ਕਿ ਦੁਖੀ ਹੋ ਕੇ ਉਸ ਨੇ ਅੰਤ ਵਿਚ ਆਪਣਾ ਦੁਖੜਾ ਆਪਣੀ ਭੈਣ ਅੱਗੇ ਰੋਇਆ। ਭੈਣ ਤੇ ਪਰਿਵਾਰ ਵੱਲੋਂ ਹਿੰਮਤ ਦੇਣ 'ਤੇ ਉਸ ਨੇ ਪੁਲਿਸ ਕੋਲ ਇਸ ਦੀ ਸ਼ਿਕਾਇਤ ਦਰਜ ਕਰਵਾਈ। ਜਿਸ ਦੀ ਸ਼ਿਕਾਇਤ 'ਤੇ ਸਲੇਮ ਟਾਬਰੀ ਪੁਲਿਸ ਨੇ ਸਤਵਿੰਦਰ ਸਿੰਘ ਵਾਸੀ ਗਗਨਦੀਪ ਕਾਲੋਨੀ ਭੱਟੀਆਂ ਬੇਟ ਖਿਲਾਫ ਕੇਸ ਦਰਜ ਕਰ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਜਾਂਚ ਅਧਿਕਾਰੀ ਏ. ਐੱਸ. ਆਈ. ਜਗਦੇਵ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਹੌਜ਼ਰੀ 'ਚ ਕੰਮ ਕਰਦਾ ਹੈ ਤੇ ਉਸ ਨੇ ਪੁਲਿਸ ਦੇ ਸਾਹਮਣੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ।
