ਗੁਰਸੇਵਕ ਦੀ ਉਮਰ ਸਿਰਫ 13 ਸਾਲ ਹੈ ਪਰ ਉਸ ਦੀਆਂ ਗੱਲਾਂ...
ਚੰਡੀਗੜ੍ਹ: ਲਾਕਡਾਊਨ ਕਾਰਨ ਅੱਜ ਸਾਰੇ ਬੱਚੇ ਘਰਾਂ ਵਿਚ ਕੈਦ ਹਨ ਪਰ ਕੁੱਝ ਬੱਚੇ ਅਜਿਹੇ ਵੀ ਹਨ ਜੋ ਅਜ਼ਾਦ ਹਨ। ਉਦਾਹਰਨ ਦੇ ਤੌਰ ਤੇ ਨੂਰ। ਨੂਰ ਜੋ ਕਿ ਅੱਜ ਟਿਕਟਾਕ ਸਟਾਰ ਕਹਾਉਂਦੀ ਹੈ, ਉਸ ਨੇ ਸਾਰੇ ਲੋਕਾਂ ਨੂੰ ਹਸਾ-ਹਸਾ ਕੇ ਢਿੱਡੀ ਪੀੜਾਂ ਪਾਈਆਂ ਹਨ। ਪਰ ਉੱਥੇ ਹੀ ਇਕ ਅਜਿਹੀ ਹੀ ਜੋੜੀ ਛਾਈ ਹੋਈ ਹੈ ਜੋ ਕਿ ਅਪਣੀਆਂ ਗੱਲਾਂ ਨਾਲ ਲੋਕਾਂ ਦੇ ਕੰਨ ਖੋਲ੍ਹ ਦਿੰਦੀਆਂ ਹਨ। ਇਹਨਾਂ ਵਿਚੋਂ ਇਕ ਲੜਕਾ ਹੈ ਜਿਸ ਦਾ ਨਾਮ ਹੈ ਗੁਰਸੇਵਕ।
Interview
ਗੁਰਸੇਵਕ ਦੀ ਉਮਰ ਸਿਰਫ 13 ਸਾਲ ਹੈ ਪਰ ਉਸ ਦੀਆਂ ਗੱਲਾਂ ਸੁਣ ਕੇ ਸਾਰੇ ਹੈਰਾਨ ਰਹਿ ਜਾਂਦੇ ਹਨ। ਉਹਨਾਂ ਨਾਲ ਸਪੋਕਸਮੈਨ ਚੈਨਲ ਦੇ ਡੀਐਮ ਨਿਰਮਤ ਕੌਰ ਨੇ ਰਾਬਤਾ ਕਾਇਮ ਕੀਤਾ ਹੈ, ਇਸ ਵਿਚ ਉਹਨਾਂ ਨੇ ਸਾਰੇ ਤਰ੍ਹਾਂ ਦੇ ਸਮਾਜਿਕ ਮੁੱਦਿਆਂ ਤੇ ਬੇਬਾਕੀ ਨਾਲ ਗੱਲਬਾਤ ਕੀਤੀ। ਉਹਨਾਂ ਨੇ ਮੀਡੀਆ ਚੈਨਲਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਉਹ ਵੀ ਸੱਚ ਸਾਹਮਣੇ ਲਿਆਉਣ ਦੀ ਕੋਸ਼ਿਸ਼ ਕਰਨ ਕਿਉਂ ਕਿ ਮੀਡੀਆ ਵੀ ਇਕ ਯੋਧਾ ਦਾ ਰੋਲ ਅਦਾ ਕਰਦਾ ਹੈ।
Interview
ਮੀਡੀਆ ਰਾਹੀਂ ਕਿਸੇ ਗਰੀਬ ਦੀ ਪੁਕਾਰ ਸੁਣੀ ਜਾਂਦੀ ਹੈ। ਉਸ ਨੇ ਪੜ੍ਹਾਈ ਨੂੰ ਲੈ ਕੇ ਸਵਾਲ ਚੁੱਕਿਆ ਕਿ ਅੱਜ ਦੇ ਵਿਦਿਆਰਥੀ ਜੇ ਪੜ੍ਹ ਵੀ ਜਾਂਦੇ ਹਨ ਤਾਂ ਉਹਨਾਂ ਨੂੰ ਨੌਕਰੀ ਦੀ ਕੋਈ ਉਮੀਦ ਨਹੀਂ ਹੈ, ਉਹਨਾਂ ਦੀਆਂ ਡਿਗਰੀਆਂ ਰੁੱਲ ਜਾਂਦੀਆਂ ਹਨ, ਤੇ ਉਹਨਾਂ ਦੀ ਪੜ੍ਹਾਈ ਦੀ ਕੀਮਤ ਹੀ ਖਤਮ ਹੋ ਜਾਂਦੀ ਹੈ। ਇਕ ਵਾਰ ਉਸ ਨੂੰ ਸਟੇਜ ਤੇ ਬੋਲਣ ਦਾ ਮੌਕਾ ਮਿਲਿਆ ਸੀ ਜਿੱਥੇ ਕਿ 5 ਲੱਖ ਦੇ ਕਰੀਬ ਲੋਕ ਇਕੱਠੇ ਹੁੰਦੇ ਹਨ। ਉੱਥੇ ਉਸ ਨੇ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਨੂੰ ਲੈ ਕੇ ਭਾਸ਼ਣ ਦਿੱਤਾ ਸੀ।
Interview
ਇਸ ਦੇ ਲਈ ਉਸ ਨੇ ਆਪ ਹੀ ਭਾਸ਼ਣ ਤਿਆਰ ਕੀਤਾ ਸੀ। ਉਸ ਨੇ ਕਿਸਾਨਾਂ ਦੀਆਂ ਮਜ਼ਬੂਰੀਆਂ, ਮੁਸ਼ਕਿਲਾਂ ਨੂੰ ਨੇੜੇ ਤੋਂ ਜਾਣਿਆ ਸੀ। ਲੈਬਰ ਡੇ ਤੇ ਸਰਕਾਰ ਨੂੰ ਚਾਹੀਦਾ ਸੀ ਕਿ ਉਹ ਮਜ਼ਦੂਰਾਂ ਨੂੰ ਗਿਫਟ ਦਿੰਦੀ ਪਰ ਉਹਨਾਂ ਨੇ ਤਾਂ ਹੋਰ ਹੀ ਹਥੌੜਾ ਚਲਾ ਦਿੱਤਾ। ਸਰਕਾਰ ਨੇ ਉਹਨਾਂ ਦੀ ਡਿਊਟੀ 8 ਤੋਂ 12 ਘੰਟੇ ਕਰ ਦਿੱਤੀ। ਉਹ ਪੜ੍ਹਾਈ ਦੇ ਨਾਲ-ਨਾਲ ਸੀਨੀਅਰ ਲੀਡਰਾਂ ਕੋਲ ਜਾ ਕੇ ਉਹਨਾਂ ਤੋਂ ਸਾਰੇ ਮੁੱਦਿਆਂ ਦੀ ਸਿਖਿਆ ਲੈਂਦੇ ਹਨ।
Interview
ਉਹਨਾਂ ਨੇ ਡਿਬੇਟ ਵੀ ਕੀਤੀ ਹੋਈ ਹੈ। ਲਾਕਡਾਊਨ ਵਿਚ ਢਿੱਲ ਤੇ ਹਵਾਈ ਜਹਾਜ਼ਾਂ ਵਿਚ ਢਿੱਲ ਨੂੰ ਲੈ ਕੇ ਸਵਾਲ ਪੁੱਛਿਆ ਗਿਆ ਆਟੋ ਵਿਚ 2 ਜਾਂ ਤਿੰਨ ਸਵਾਰੀਆਂ ਚੜਾਉਣ ਦੀ ਆਗਿਆ ਹੈ ਪਰ ਹਵਾਈ ਜਹਾਜ਼ਾਂ ਵਿਚ ਵਧ ਗਿਣਤੀ ਵਿਚ ਸਵਾਰੀਆਂ ਦੀ ਆਗਿਆ ਦਿੱਤੀ ਗਈ ਹੈ।
Interview
ਇਸ ਤੇ ਉਹਨਾਂ ਕਿਹਾ ਕਿ ਹਮੇਸ਼ਾ ਸਾਮਰਾਜਵਾਦੀ ਹੀ ਹੋਈ ਹੈ, ਲੋਕਾਂ ਦੇ ਹਿੱਤਾਂ ਦੀ ਗੱਲ ਨਹੀਂ ਹੁੰਦੀ। ਗਰੀਬ ਲੋਕਾਂ ਨੂੰ ਹਮੇਸ਼ਾ ਮਾਰ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਤੋਂ ਬਾਅਦ ਉਹਨਾਂ ਵੱਲੋਂ ਡੀਐਮ ਨਿਰਮਤ ਕੌਰ ਨੂੰ ਸਵਾਲ ਜਵਾਬ ਕੀਤੇ ਗਏ ਜਿਹਨਾਂ ਦੇ ਉੱਤਰ ਉਹਨਾਂ ਵੱਲੋਂ ਬਾਖੂਬੀ ਦਿੱਤੇ ਗਏ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
