ਜਿਹੜੇ ਅਰਥ ਨੂੰ ਗੁਰੂ ਨਾਨਕ ਪਾਤਸ਼ਾਹ ਨੇ ਨਹੀਂ...
ਚੰਡੀਗੜ੍ਹ: ਮਨਜੀਤ ਸਿੰਘ ਜੀ ਕੇ ਗੁਰਦੁਆਰਾ ਕਮੇਟੀ ਤੇ ਹੁਕਮਨਾਮੇ ਨੂੰ ਲੈ ਕੇ ਸਵਾਲ ਚੁੱਕੇ ਹਨ। ਉਹਨਾਂ ਕਿਹਾ ਕਿ ਪਿਛਲੇ ਮਹੀਨੇ ਭਗਤ ਰਾਮਦੇਵ ਜੀ ਦੀ ਬਾਣੀ ਦੇ ਇਕ ਹੁਕਮਨਾਮੇ ਦੀ ਵਿਆਖਿਆ ਦੇ ਅਰਥ ਗਲਤ ਲਿਖੇ ਸਨ। ਇਹ ਵਿਆਖਿਆ ਇਕ ਬੋਰਡ ਤੇ ਲਿਖੀ ਜਾਂਦੀ ਹੈ। ਜਿਹੜੀ ਗੱਲ ਨੂੰ ਕਦੇ ਭਗਤ ਰਾਮਦੇਵ ਨੇ ਨਹੀਂ ਮੰਨਿਆ ਸੀ ਉਹਨਾਂ ਨੇ ਉਹ ਅਰਥ ਕਰ ਦਿੱਤੇ।
ਜਿਹੜੇ ਅਰਥ ਨੂੰ ਗੁਰੂ ਨਾਨਕ ਪਾਤਸ਼ਾਹ ਨੇ ਨਹੀਂ ਮੰਨਿਆ ਉਹ ਅਰਥ ਕਰ ਦਿੱਤੇ ਗਏ। ਗੁਰੂ ਗ੍ਰੰਥ ਸਾਹਿਬ ਵਿਚ ਮੂਲ ਮੰਤਰ ਦੇ ਜਿਹੜੇ ਅਰਥ ਹਨ ਉਹਨਾਂ ਅਰਥਾਂ ਦੇ ਉਲਟ ਹੀ ਲਿਖਿਆ ਗਿਆ ਹੈ। ਇਸ ਤੋਂ ਇਲਾਵਾ ਗੁਰੂ ਅਰਜਨ ਪਾਤਸ਼ਾਹ ਦੀ ਸੰਪਾਦਕੀ ਤੇ ਵੀ ਪ੍ਰਸ਼ਨ ਚਿੰਨ ਲਗਾ ਦਿੱਤਾ ਗਿਆ ਹੈ।
ਗੁਰੂ ਅਰਜਨ ਦੇਵ ਜੀ ਨੇ ਜਦੋਂ ਗੁਰੂ ਗ੍ਰੰਥ ਸਾਹਿਬ ਦੀ ਸੰਪਾਦਨਾ ਕੀਤੀ ਸੀ ਤਾਂ ਉਹਨਾਂ ਨੇ ਕਈ ਭਗਤਾਂ, ਕਬੀਰਾਂ, ਪੈਗੰਬਰਾਂ ਦੀ ਬਾਣੀ ਇਕੱਠੀ ਕੀਤੀ ਤੇ ਇਕ ਕਸਵੱਟੀ ਬਣਾਈ ਸੀ ਕਿ ਕਿਸ ਕਸਵੱਟੀ ਤੇ ਬਾਣੀ ਦਰਜ ਹੋਵੇਗੀ ਤੇ ਜਿਹੜੀ ਬਾਣੀ ਕਸਵੱਟੀ ਤੇ ਨਹੀਂ ਉਤਰੇਗੀ ਉਹ ਗੁਰੂ ਗ੍ਰੰਥ ਸਾਹਿਬ ਵਿਚ ਨਹੀਂ ਦਰਜ ਨਹੀਂ ਕੀਤੀ ਜਾਵੇਗੀ।
ਜਿਹੜੀ ਚੀਜ਼ ਨੂੰ ਗੁਰੂ ਅਰਜਨ ਦੇਵ ਜੀ ਨੇ ਰੱਦ ਕੀਤਾ ਦਿੱਲੀ ਗੁਰਦੁਆਰਾ ਕਮੇਟੀ ਨੇ ਉਹੀ ਅਰਥ ਲਿਖ ਦਿੱਤੇ, ਜੋ ਨਾ ਗੁਰੂ ਗ੍ਰੰਥ ਸਾਹਿਬ ਵਿਚ ਆਉਂਦੇ ਹਨ ਅਤੇ ਗੁਰੂ ਅਰਜਨ ਦੇਵ ਜੀ ਦੀ ਸੰਪਾਦਕੀ ਤੇ ਵੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਅਜਿਹਾ ਕਰ ਕੇ ਉਹਨਾਂ ਨੇ ਬਹੁਤ ਵੱਡਾ ਅਨਰਥ ਕੀਤਾ ਹੈ। ਜਦੋਂ ਇਸ ਦਾ ਨੋਟਿਸ ਉਹਨਾਂ ਕੋਲ ਪਹੁੰਚਿਆ ਤਾਂ ਉਹਨਾਂ ਨੇ ਇਸ ਤੇ ਖੋਜ ਕੀਤੀ।
ਉਹਨਾਂ ਨੇ ਮਿਲ ਕੇ ਹੁਕਮਨਾਮੇ ਦੇ ਅਰਥ ਲੱਭਣੇ ਸ਼ੁਰੂ ਕਰ ਦਿੱਤੇ। ਉਹਨਾਂ ਨੂੰ ਉਹ ਸਾਈਟ ਮਿਲ ਗਈ ਜਿਸ ਵਿਚ ਇਹ ਅਰਥ ਮੌਜੂਦ ਸਨ। ਇਸ ਸਾਇਟ ਤੇ ਸਾਰੇ ਅਰਥ ਉਹੀ ਹਨ ਜਿਹੜੇ ਉਸ ਬੋਰਡ ਤੇ ਲਿਖੇ ਗਏ ਹਨ। ਉਹਨਾਂ ਨੇ ਇਹੋ ਜਿਹੀਆਂ ਸਾਈਟਾਂ ਜਿਹੜੀਆਂ ਗੁਰੂ ਗ੍ਰੰਥ ਸਾਹਿਬ ਦੇ ਫਲਸਫੇ ਤੇ ਜਾ ਰਹੀਆਂ ਹਨ ਇਹਨਾਂ ਪਿੱਛੇ ਕਿਹੜੀਆਂ ਤਾਕਤਾਂ ਹਨ ਜੋ ਅਜਿਹੇ ਗਲਤ ਅਰਥ ਕੱਢ ਰਹੇ ਹਨ।
ਉਹਨਾਂ ਕਿਹਾ ਕਿ ਉਹ ਇਸ ਅਤੇ ਹੋਰਨਾਂ ਸਾਇਟਾਂ ਖਿਲਾਫ ਐਫਆਈਆਰ ਦੇਣਗੇ। ਉਹ ਅਕਾਲ ਤਖ਼ਤ ਸਾਹਿਬ ਨੂੰ ਅਪੀਲ ਕਰਦੇ ਹਨ ਜਿਸ ਨੂੰ ਐਸਜੀਪੀਸੀ ਪ੍ਰਮਾਣਿਤ ਕਰੇ ਉਹ ਅਰਥ ਹੀ ਗੁਰੂ ਘਰ ਦੇ ਬਾਹਰ ਹੁਕਮਨਾਮੇ ਦੀ ਵਿਆਖਿਆ ਵਿਚ ਲਿਖੇ ਜਾਣੇ ਚਾਹੀਦੇ ਹਨ। ਜੇ ਅੱਜ ਇਹਨਾਂ ਚੀਜ਼ਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਆਉਣ ਵਾਲੇ ਸਮੇਂ ਵਿਚ ਬਾਣੀ ਦੇ ਉਹ ਅਰਥ ਲਿਖੇ ਜਾਣਗੇ ਜਿਹਨਾਂ ਦੀ ਗੁਰੂ ਵੱਲੋਂ ਨਿਖੇਧੀ ਕੀਤੀ ਗਈ ਸੀ। ਗੁਰੂ ਗ੍ਰੰਥ ਦੀ ਤਾਬਿਆ ਤੇ ਬੈਠ ਕੇ ਕਿਸੇ ਨੂੰ ਬਾਣੀ ਤੋਂ ਇਲਾਵਾ ਹੋਰ ਕੁੱਝ ਬੋਲਣ ਦਾ ਕੋਈ ਹੱਕ ਨਹੀਂ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।