ਜਿਸ ਤਰ੍ਹਾਂ ਦੇ ਸ਼੍ਰੋਮਣੀ ਅਕਾਲੀ ਦਲ ਦੇ ਭਾਜਪਾ ਨਾਲ ਅੱਜ-ਕੱਲ ਤਲਖੀ ਵਾਲੇ ਹਾਲਾਤ ਚੱਲ ਰਹੇ...
ਚੰਡੀਗੜ੍ਹ: ਜਿਸ ਤਰ੍ਹਾਂ ਦੇ ਸ਼੍ਰੋਮਣੀ ਅਕਾਲੀ ਦਲ ਦੇ ਭਾਜਪਾ ਨਾਲ ਅੱਜ-ਕੱਲ ਤਲਖੀ ਵਾਲੇ ਹਾਲਾਤ ਚੱਲ ਰਹੇ ਹਨ, ਉਨ੍ਹਾਂ ਨੂੰ ਦੇਖ ਕੇ ਅਕਾਲੀ ਦਲ ਕੋਈ ਹੋਰ ਮੁਸੀਬਤ ਗਲ਼ ਪੈਣ ਤੋਂ ਡਰੇਗਾ ਕਿਉਂਕਿ ਪੰਜਾਬ ਅਤੇ ਦਿੱਲੀ 'ਚ ਇਹ ਰਾਜਸੀ ਹਵਾ ਉੱਡ ਰਹੀ ਹੈ ਕਿ ਕਿਧਰੇ ਭਾਜਪਾ ਢੀਂਡਸਾ ਨੂੰ ਕੇਂਦਰੀ ਮੰਤਰੀ ਨਾ ਬਣਾ ਦੇਵੇ।
Parminder Singh Dhindsa
ਭਾਵੇਂ ਇਸ ਵਿਚ ਭੋਰਾ ਵੀ ਸਚਾਈ ਲੱਗਦੀ ਨਹੀਂ ਪਰ ਅਕਾਲੀਆਂ ਨੂੰ ਡਰ ਜ਼ਰੂਰ ਲਗ ਰਿਹਾ ਹੋਵੇਗਾ। ਇਸ ਲਈ ਪੰਡਤਾਂ ਨੇ ਕਿਹਾ ਕਿ ਢੀਂਡਸਾ ਖਿਲਾਫ ਅਜੇ ਇਹ ਬਿਆਨਬਾਜ਼ੀ ਤਾਂ ਚੱਲਦੀ ਰਹਿ ਸਕਦੀ ਹੈ ਪਰ ਪਿਉ-ਪੁੱਤਰ ਨੂੰ ਮੱਖਣ 'ਚੋਂ ਵਾਲ ਵਾਂਗ ਕੱਢਣਾ ਅਕਾਲੀ ਦਲ ਲਈ ਖਾਲਾ ਜੀ ਦਾ ਵਾੜਾ ਨਹੀਂ ਹੋਵੇਗਾ।
Sukhdev Singh Dhindsa
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਪਾਰਟੀ ਵਿਰੁੱਧ ਬਿਆਨਬਾਜ਼ੀ ਤੋਂ ਇਲਾਵਾ ਉਸ ਦੀ ਪ੍ਰਧਾਨਗੀ ਨੂੰ ਚੁਣੌਤੀ ਦੇਣ ਵਾਲੇ ਸਾਬਕਾ ਕੇਂਦਰੀ ਮੰਤਰੀ ਸੁਖਦੇਵ ਸਿੰਘ ਢੀਂਡਸਾ ਅਤੇ ਉਨ੍ਹਾਂ ਦੇ ਸਪੁੱਤਰ ਪਰਮਿੰਦਰ ਸਿੰਘ ਢੀਂਡਸਾ ਨੂੰ ਜੋ 14 ਦਿਨਾਂ ਦਾ ਜਵਾਬ ਤਲਬੀ ਨੋਟਿਸ ਭੇਜਣ ਦਾ ਰੌਲਾ ਪਿਆ ਸੀ, ਲੱਗਦਾ ਹੈ ਉਸ ਦਾ ਰਾਜਸੀ ਭੋਗ ਪੈ ਗਿਆ ਹੈ।
akali dal
ਕਿਉਂਕਿ ਸੁਖਦੇਵ ਸਿੰਘ ਢੀਂਡਸਾ ਨੇ ਸਪੱਸ਼ਟ ਕੀਤਾ ਕਿ ਅਜੇ ਤੱਕ ਅਕਾਲੀ ਦਲ ਵਲੋਂ ਘੱਲਿਆ ਨੋਟਿਸ ਉਨ੍ਹਾਂ ਨੂੰ ਨਹੀਂ ਮਿਲਿਆ ਅਤੇ ਨਾ ਹੀ ਮਿਲਣ ਦੀ ਆਸ ਹੈ। ਉਨ੍ਹਾਂ ਦੇ ਸ਼ਬਦਾਂ ਤੋਂ ਲੱਗ ਰਿਹਾ ਸੀ ਕਿ ਢੀਂਡਸਾ ਨੂੰ ਨੋਟਿਸ 'ਤੇ ਪਾਰਟੀ 'ਚੋਂ ਕੱਢਣਾ ਅਕਾਲੀ ਦਲ ਲਈ 'ਖਾਲਾ ਜੀ ਦਾ ਵਾੜਾ' ਨਹੀਂ ਹੋਵੇਗਾ।
Daljeet Cheema
ਜਦੋਂ ਨੋਟਿਸ ਦੀ ਪੁਸ਼ਟੀ ਲਈ ਪਾਰਟੀ ਦੇ ਸਕੱਤਰ ਡਾ. ਦਲਜੀਤ ਸਿੰਘ ਚੀਮਾ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਅਜੇ ਸਭ ਵਿਚਾਰ ਅਧੀਨ ਹੈ ਅਤੇ ਨੋਟਿਸ ਜਲਦੀ ਜਾਰੀ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੂੰ ਜਦੋਂ ਪੁੱਛਿਆ ਕਿ 15 ਦਿਨ ਹੋ ਗਏ ਹਨ ਹੁਣ ਤੱਕ ਨੋਟਿਸ ਜਾਰੀ ਕਿਉਂ ਨਹੀਂ ਕੀਤਾ ਤਾਂ ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਲੌੜੀਂਦੀ ਕਾਰਵਾਈ ਜ਼ਰੂਰੀ ਹੁੰਦੀ ਹੈ।
