ਡਰੇ ਆਗੂਆਂ ਨੇ ਖੋਲ੍ਹਿਆ ਵੀਰਪਾਲ ਖਿਲਾਫ਼ ਮੋਰਚਾ
ਚੰਡੀਗੜ੍ਹ : ਸੌਦਾ ਸਾਧ ਦੇ ਜੇਲ੍ਹ ਜਾਣ ਬਾਅਦ ਡੇਰਾ ਸਿਰਸਾ ਅੰਦਰਲੀ ਗੁੱਟਬੰਦੀ ਦੀ ਕਨਸੋਅ ਆਉਣੀ ਸ਼ੁਰੂ ਹੋ ਗਈ ਹੈ। ਇਸ ਗੱਲ ਦੇ ਸੰਕੇਤ ਸੌਦਾ ਸਾਧ ਵਲੋਂ ਜੇਲ੍ਹ ਅੰਦਰੋਂ ਅਪਣੀ ਮਾਤਾ ਵੱਲ ਲਿਖੇ ਪੱਤਰ 'ਚੋਂ ਵੀ ਮਿਲਦੇ ਹਨ। ਸਿਰਸਾ ਡੇਰਾ ਪ੍ਰੇਮੀ ਵੀਰਪਾਲ ਕੌਰ ਬਰਗਾੜੀ ਦੇ ਡੇਰੇ ਸਬੰਧੀ ਦੋਸ਼ਾਂ ਨੂੰ ਸਹੀ ਮੰਨੀਏ ਤਾਂ ਸਿਰਸਾ ਡੇਰੇ ਅੰਦਰਲੀ ਗੁੱਟਬਾਜ਼ੀ ਵਿਚ ਹੋਰ ਵੀ ਡੂੰਘੇ ਰਾਜ਼ ਛੁਪੇ ਹੋਏ ਹਨ। ਰਹਿੰਦੀ ਕਸਰ ਵੀਰਪਾਲ ਨੇ ਮੀਡੀਆ ਅੱਗੇ ਬਿਆਨ ਦਾਗ ਕੇ ਕੱਢ ਦਿਤੀ ਹੈ। ਇਹੀ ਨਹੀਂ ਵੀਰਪਾਲ ਨੇ ਮੀਡੀਆ ਅੱਗੇ ਡੇਰੇ ਦੀ ਗੁਟਬਾਜ਼ੀ ਅਤੇ ਡੇਰੇ ਦੇ ਰਾਜਨੀਤਕ ਸਬੰਧਾਂ ਦਾ ਭਾਡਾਂ ਚੌਰਾਹੇ ਵਿਚ ਭੰਨ ਦਿਤਾ ਹੈ। ਜਿਸ ਕਾਰਨ ਪੰਜਾਬ ਦੇ ਵੱਡੇ ਰਾਜਨੀਤਕ ਆਗੂ ਹੁਣ ਵੀਰਪਾਲ ਵਿਰੁਧ ਮੈਦਾਨ ਵਿਚ ਉਤਰ ਆਏ ਹਨ।
Sauda Sadh
ਦੂਜੇ ਪਾਸੇ ਸਾਧਵੀ ਯੋਨ ਸ਼ੋਸ਼ਣ ਅਤੇ ਸਿਰਸਾ ਦੇ ਸਤਿਕਾਰਤ ਪੱਤਰਕਾਰ ਰਾਮ ਚੰਦਰ ਛਤਰਪਤੀ ਹਤਿਆਕਾਂਡ ਵਿੱਚ ਸੁਨਾਰਿਆ ਜੇਲ ਵਿਚ 20 ਸਾਲ ਦੀ ਦੂਹਰੀ ਸਜ਼ਾ ਕੱਟ ਰਹੇ ਡੇਰਾ ਸਿਰਸਾ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ ਨੇ ਪਹਿਲੀ ਵਾਰ ਅਪਣੀ ਹਮਰਾਜ਼ ਹਨੀਪ੍ਰੀਤ ਸਬੰਧੀ ਪੱਤਰ ਲਿਖ ਕੇ ਅਪਣੀ ਚੁੱਪੀ ਤੋੜੀ ਹੈ।
honeypreet
ਸੁਨਾਰੀਆ ਜੇਲ ਵਿਚ ਡੇਰਾ ਪ੍ਰਬੰਧਕਾਂ ਦੇ ਨਾਮ ਲਿਖੇ ਪੱਤਰ ਵਿਚ ਰਾਮ ਰਹੀਮ ਨੇ ਅਪਣੇ ਪਰਵਾਰਕ ਮੈਬਰਾਂ ਅਤੇ ਹਨੀਪ੍ਰੀਤ ਵਿਚ ਚੱਲ ਰਹੇ ਵਿਵਾਦ ਦੀ ਚਰਚਾ ਉਤੇ ਵਿਰਾਮ ਲਾਉਣ ਦਾ ਯਤਨ ਕੀਤਾ ਹੈ। ਡੇਰਾ ਮੁਖੀ ਨੇ ਪੱਤਰ ਵਿਚ ਸਪੱਸ਼ਟ ਕੀਤਾ ਹੈ ਕਿ ਡੇਰੇ ਦੇ ਪ੍ਰਬੰਧਕਾਂ ਅਤੇ ਪਰਵਾਰਕ ਮੈਬਰਾਂ ਅਤੇ ਹਨੀਪ੍ਰੀਤ ਵਿਚ ਕੋਈ ਵਿਵਾਦ ਨਹੀਂ ਹੈ।
Veerpal Insa
ਧਿਆਨ ਯੋਗ ਹੈ ਕਿ ਜੇਲ ਮੈਨੁਅਲ ਅਨੁਸਾਰ ਸਜ਼ਾ ਕੱਟ ਰਹੇ ਕੈਦੀ ਨੂੰ ਹਰ ਮਹੀਨੇ ਦੋ ਪੱਤਰ ਲਿਖਣ ਦਾ ਅਧਿਕਾਰ ਹੁੰਦਾ ਹੈ। ਡੇਰਾ ਮੁਖੀ ਨੇ ਕਰੀਬ 80 ਦਿਨਾਂ ਬਾਅਦ ਇਹ ਦੂਜਾ ਪੱਤਰ ਲਿਖਿਆ ਹੈ। ਰਾਮ ਰਹੀਮ ਨੇ ਅਪਣੀ ਮਾਂ ਸਮੇਤ ਡੇਰੇ ਦੇ ਹੋਰ ਸੇਵਾਦਾਰਾਂ ਨੂੰ ਭੇਜੇ ਪੱਤਰ ਵਿਚ ਲਿਖਿਆ ਹੈ ਕਿ ਮੈਨੂੰ ਖੁਸ਼ੀ ਹੈ ਕਿ ਮੇਰੇ ਪਰਵਾਰ ਸਮੇਤ ਡੇਰੇ ਵਿਚ ਰਹਿਣ ਵਾਲੇ ਸੇਵਾਦਾਰ, ਐਡਮ ਬਲਾਕ ਦੇ ਸੇਵਾਦਾਰਾਂ ਵਿਚ ਕਿਸੇ ਤਰ੍ਹਾਂ ਦੀ ਕੋਈ ਗੁਟਬਾਜ਼ੀ ਨਹੀਂ ਹੈ ਅਤੇ ਆਸ਼ਰਮ ਵਿਚ ਰਹਿਣ ਵਾਲੇ ਸਾਰੇ ਸੇਵਾਦਾਰ ਇਹ ਖਿਆਲ ਰੱਖਣ ਕਿ ਸਾਧ ਸੰਗਤ ਵਿਚ ਕੋਈ ਗੁਟਬਾਜ਼ੀ ਨਾ ਹੋਵੇ ਅਤੇ ਏਕਤਾ ਬਣੀ ਰਹੇ।
Dera Sacha Sauda
ਡੇਰਾ ਪ੍ਰੇਮੀ ਵੀਰਪਾਲ ਕੌਰ ਬਰਗਾੜੀ ਦੇ ਦੋਸ਼ਾਂ ਦੇ ਚਲਦੇ ਡੇਰਾ ਪ੍ਰਬੰਧਕ ਕਮੇਟੀ ਦੇ ਰਾਜਨੀਤਕ ਵਿੰਗ ਦੇ ਚੇਅਰਮੈਨ ਰਾਮ ਸਿੰਘ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਸਮੇਂ ਰਾਜਨੀਤਕ ਦਲ ਡੇਰੇ ਪ੍ਰਤੀ ਹੋਛੀ ਸਿਆਸਤ ਕਰ ਰਹੇ ਹਨ। ਧਿਆਨ ਰਹੇ ਕਿ ਪੰਜਾਬ ਵਿਚ ਕਰੀਬ 4 ਸਾਲ ਪਹਿਲਾਂ ਹੋਈ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬੇਅਦਬੀ ਕਾਂਡ ਵਿੱਚ ਡੇਰਾ ਪ੍ਰਮੁੱਖ ਨੂੰ ਨਾਮਜ਼ਦ ਕੀਤੇ ਜਾਣ ਤੇ ਪੰਜਾਬ ਹਰਿਆਣਾ ਦੀ ਸਿਆਸਤ ਵਿਚ ਭੂਚਾਲ ਆਇਆ ਹੋਇਆ ਹੈ। ਜਿਸ ਕਾਰਨ ਦੋਸ਼ ਪ੍ਰਤੀ ਦੋਸ਼ ਦਾ ਸਿਲਸਿਲਾ ਤੇਜ਼ ਹੋ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
