ਵਿਆਹ ਦੇ ਬੰਧਨ 'ਚ ਬੱਝੇ ਸੁਪਰ ਸਿੰਘ
ਸੰਗਰੂਰ: ਕਹਿੰਦੇ ਨੇ ਹਿੰਮਤ ਤੇ ਹੌਸਲਾ ਸਿਰ ਚੜ੍ਹ ਬੋਲੇ ਤਾਂ ਕਿਹੜਾ ਓਹ ਮੁਕਾਮ ਹੈ ਜੋ ਹਾਸਲ ਨਹੀਂ ਕੀਤਾ ਜਾ ਸਕਦਾ। ਅਜਿਹਾ ਹੀ ਹੌਂਸਲੇ ਤੇ ਜਜ਼ਬੇ ਦੀ ਮਿਸਾਲ ਹੈ ਪਾਤੜਾਂ ਦਾ ਜਗਵਿੰਦਰ ਸਿੰਘ। ਜਿਸ ਨੇ ਆਪਣੀਆਂ ਦੋਹਾਂ ਬਾਹਾਂ ਤੋਂ ਸੱਖਣਾ ਹੋਣ ਦੇ ਬਾਵਜੂਦ ਵੀ ਸਾਈਕਲਿੰਗ ਦੀ ਦੁਨੀਆ ਵਿਚ ਅਜਿਹੀਆਂ ਮੱਲਾਂ ਮਾਰੀਆਂ ਕਿ ਹਰ ਕੋਈ ਸਲਾਮ ਕਰ ਰਿਹਾ। ਜਗਵਿੰਦਰ ਨੇ ਸਾਈਕਲਿੰਗ ਮੁਕਾਬਲਿਆਂ ਵਿਚ ਕਈ ਗੋਲਡ ਮੈਡਲ ਹਾਸਲ ਕੀਤੇ ਹਨ।
Painting
ਇਨ੍ਹਾਂ ਹੀ ਨਹੀਂ ਦੋਹਾ ਬਾਵਾਂ ਤੋਂ ਸੱਖਣਾ ਜਗਵਿੰਦਰ ਪੈਰਾਂ ਦੇ ਨਾਲ ਪੇਂਟਿੰਗ ਕੂਕਿੰਗ ਤੋਂ ਇਲਾਵਾ ਹੋਰ ਕਈ ਕੰਮ ਕਰ ਲੈਂਦਾ। ਹਾਲ ਹੀ ਵਿਚ ਜਗਵਿੰਦਰ ਦੀਆਂ ਉਪਲਬਧੀਆਂ ਤੋਂ ਪ੍ਰਭਾਵਿਤ ਹੋਈ ਮੋਗਾ ਦੀ ਸੁਖਪ੍ਰੀਤ ਕੌਰ ਨੇ ਜਗਵਿੰਦਰ ਨਾਲ ਜੀਵਨ ਭਰ ਦਾ ਨਾਤਾ ਜੋੜ ਲਿਆ ਭਾਵ ਜਗਵਿੰਦਰ ਤੇ ਸੁਖਪ੍ਰੀਤ ਵਿਆਹ ਦੇ ਬੰਧਨ ਵਿਚ ਬੱਝ ਚੁਕੇ ਨੇ। ਵਿਅਹ ਤੋਂ ਬਾਅਦ ਜਗਵਿੰਦ ਦੇ ਹੌਂਸਲਿਆਂ ਨੂੰ ਸੁਖਪ੍ਰੀਤ ਨੇ ਹੋਰ ਵੀ ਦੁਗਣਾ ਕਰ ਦਿੱਤਾ।
Sukhpreet Kaur
ਜਗਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਉਹਨਾਂ ਨੂੰ ਬਹੁਤ ਹੀ ਸਮਝਦਾਰ ਪਤਨੀ ਮਿਲੇਗੀ ਜੋ ਕਿ ਉਹਨਾਂ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਉਹਨਾਂ ਦੇ ਨਾਲ ਖੜ੍ਹੇ ਹਨ। ਅਜਿਹੇ ਲੋਕਾਂ ਨੂੰ ਸਮਾਜ ਨਾਲੋਂ ਅਲੱਗ ਹੀ ਵੇਖਿਆ ਜਾਂਦਾ ਹੈ। ਇਸ ਲਈ ਉਹਨਾਂ ਨੇ ਮਾਪਿਆਂ ਨੂੰ ਬੇਨਤੀ ਕੀਤੀ ਕਿ ਉਹ ਵੀ ਕਿਸੇ ਦੇ ਬੱਚੇ ਹੁੰਦੇ ਹਨ ਇਸ ਲਈ ਉਹ ਅਪਣੇ ਅਜਿਹੇ ਬੱਚਿਆਂ ਦਾ ਸਾਥ ਦੇਣ ਉਹਨਾਂ ਨੂੰ ਘਰੋਂ ਨਾ ਕੱਢਣ ਕਿਉਂ ਕਿ ਹਰ ਇਕ ਵਿਚ ਕੋਈ ਨਾ ਕੋਈ ਗੁਣ ਜ਼ਰੂਰ ਹੁੰਦਾ ਹੈ।
Jagwinder Singh and Sukhpreet Kaur
ਇਸ ਦੇ ਨਾਲ ਹੀ ਉਹਨਾਂ ਨੇ ਵਿਦੇਸ਼ਾਂ ਵਿਚ ਬੈਠੇ ਲੋਕਾਂ ਦਾ ਵੀ ਧੰਨਵਾਦ ਕੀਤਾ ਜੋ ਕਿ ਉਹਨਾਂ ਦਾ ਸਾਥ ਦੇ ਰਹੇ ਹਨ। ਉਹਨਾਂ ਨੇ ਅਪਣੀ ਸਾਈਕਲਿੰਗ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਹ ਇਕ ਐਕਟਰ ਵਜੋਂ ਵੀ ਕੰਮ ਕਰ ਚੁੱਕੇ ਹਨ। ਉਹਨਾਂ ਨੇ ਇਕ ਹਿੰਦੀ ਗੀਤ ਵਿਚ ਐਕਟਰ ਦਾ ਰੋਲ ਅਦਾ ਕੀਤਾ ਸੀ। ਉਸ ਤੋਂ ਬਾਅਦ ਉਹਨਾਂ ਨੇ ਸਟੇਟ ਗੋਲਡ ਮੈਡਲ ਵੀ ਜਿੱਤੇ ਹਨ। ਉਹਨਾਂ ਨੇ 1200 ਕਿਲੋ ਮੀਟਰ ਦੀ ਸਾਈਕਲਿੰਗ ਕੀਤੀ ਹੋਈ ਹੈ।
Jagwinder Singh
ਪੇਟਿੰਗ ਦਾ ਸ਼ੌਂਕ ਉਹਨਾਂ ਨੂੰ ਅਪਣੇ ਪਿਤਾ ਤੋਂ ਪਿਆ। ਪੇਟਿੰਗ ਵਿਚ ਉਹਨਾਂ ਨੇ ਸਟੇਟ ਅਤੇ ਹੋਰ ਕਈ ਪੱਧਰ ਦੇ ਮੈਡਲ ਤੇ ਦਰਜੇ ਹਾਸਲ ਕੀਤੇ ਹਨ। ਹੋਰ ਤੇ ਹੋਰ ਉਹਨਾਂ ਨੇ ਅਪਣੇ ਪੈਰਾਂ ਨਾਲ ਬਹੁਤ ਸਾਰੇ ਕੰਮ ਸਿੱਖੇ ਹੋਏ ਹਨ।
Jagwinder Singh
ਸੋ ਜਗਵਿੰਦਰ ਦੀਆਂ ਉਪਲਬਧੀਆਂ 'ਤੇ ਜਿੱਥੇ ਪਰਿਵਾਰ ਸੰਤੁਸ਼ਟ ਹੈ ਓਥੇ ਹੀ ਇਲਾਕੇ ਦੇ ਲੋਕ ਵੀ ਜਗਵਿੰਦਰ ਤੇ ਮਾਣ ਕਰਦੇ ਨਹੀਂ ਥੱਕ ਰਹੇ। ਸੋ ਉਮੀਦ ਹੈ ਸੁਖਪ੍ਰੀਤ ਵੱਲੋਂ ਦਿੱਤੇ ਸਾਥ ਸਦਕਾਂ ਜਗਵਿੰਦਰ ਆਪਣੇ ਅਧੂਰੇ ਸੁਪਨਿਆਂ ਨੂ ਵੀ ਪੂਰਾ ਕਰ ਸਕੇਗਾ ਤੇ ਹੋਰ ਉਚਾਈਆਂ ਛੋਹੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
