ਜੇ ਇਹ ਧੀ ਕਿਸੇ ਲੀਡਰ ਦੀ ਹੁੰਦੀ ਤਾਂ ਜ਼ਰੂਰ ਇਸ...
ਬਟਾਲਾ: ਇਕ 18 ਮਹੀਨਿਆਂ ਦੀ ਬੱਚੀ ਜਿਸ ਦਾ ਕਿ ਟੋਕੇ ਵਿਚ ਹੱਥ ਕੱਟਿਆ ਜਾਂਦਾ ਹੈ। ਤੇ ਉਸ ਨੂੰ ਪਰਿਵਾਰ ਨਵਤੇਜ ਗੁੱਗੂ ਦੇ ਹਸਪਤਾਲ ਲੈ ਕੇ ਆਉਂਦਾ ਹੈ। ਉਸ ਤੋਂ ਬਾਅਦ ਨਵਤੇਜ ਗੁੱਗੂ ਨੇ 25 ਹਜ਼ਾਰ ਰੁਪਏ ਦੇ ਕੇ ਪਰਿਵਾਰ ਨੂੰ ਚੰਡੀਗੜ੍ਹ ਪੀਜੀਆਈ ਹਸਪਤਾਲ ਭੇਜ ਦਿੱਤਾ। ਨਾਲ ਹੀ ਉਹਨਾਂ ਨੇ ਡਾਕਟਰ ਨੂੰ ਕਿਹਾ ਕਿ ਇਸ ਬੱਚੀ ਦਾ ਹੱਥ ਜਿਸ ਤਰ੍ਹਾਂ ਵੀ ਹੋ ਸਕੇ ਜੋੜਿਆ ਜਾਵੇ ਉਹ ਹੋਰ ਪੈਸੇ ਵੀ ਭੇਜ ਦੇਣਗੇ।
ਪਰ ਪੀਜੀਆਈ ਚੋਂ ਬੱਚੀ ਦਾ ਹੱਥ ਕੱਟ ਦਿੱਤਾ ਜਾਂਦਾ ਹੈ। ਜਦੋਂ ਨਵਤੇਜ ਗੁੱਗੂ ਨੂੰ ਇਸ ਘਟਨਾ ਬਾਰੇ ਪਤਾ ਚੱਲਿਆ ਤਾਂ ਉਹਨਾਂ ਨੇ ਇਸ ਤੇ ਬਹੁਤ ਹੀ ਦੁਖ ਪ੍ਰਗਟ ਕੀਤਾ ਜਿਸ ਤੋਂ ਬਾਅਦ ਉਹਨਾਂ ਨੇ ਲਾਈਵ ਹੋ ਕੇ ਚੰਡੀਗੜ੍ਹ ਪੀਜੀਆਈ ਤੇ ਸਵਾਲ ਖੜ੍ਹੇ ਕੀਤੇ ਹਨ। ਉਹਨਾਂ ਆਖਿਆ ਕਿ ਪੀਜੀਆਈ ਵਿਚ ਏਐਸਆਈ ਹਰਜੀਤ ਸਿੰਘ ਦਾ ਹੱਥ ਜੋੜਿਆ ਜਾ ਸਕਦਾ ਹੈ ਤਾਂ ਇਸ ਬੱਚੀ ਦਾ ਕਿਉਂ ਨਹੀਂ?
ਜੇ ਇਹ ਧੀ ਕਿਸੇ ਲੀਡਰ ਦੀ ਹੁੰਦੀ ਤਾਂ ਜ਼ਰੂਰ ਇਸ ਵੱਲ ਗੌਰ ਕੀਤਾ ਜਾਂਦਾ ਪਰ ਹੁਣ ਇਸ ਦਾ ਇਲਾਜ ਇਸ ਲਈ ਨਹੀਂ ਕੀਤਾ ਗਿਆ ਕਿਉਂ ਕਿ ਇਹ ਇਕ ਗਰੀਬ ਦੀ ਧੀ ਹੈ। ਜਦੋਂ ਪਰਿਵਾਰ ਹਸਤਪਾਲ ਪਹੁੰਚਿਆ ਸੀ ਤਾਂ ਉਸ ਸਮੇਂ ਬੱਚੀ ਦੀ ਮਾਂ ਨੇ ਬੱਚੀ ਨੂੰ 3 ਘੰਟੇ ਅਪਣੀ ਗੋਦ ਵਿਚ ਹੀ ਰੱਖਿਆ, ਸਟਾਫ ਜਾਂ ਡਾਕਟਰਾਂ ਨੇ ਉਹਨਾਂ ਦੀ ਕੋਈ ਸਾਰ ਨਹੀਂ ਲਈ। ਪਿਛਲੇ ਦਿਨੀਂ ਜੋ ਉਹਨਾਂ ਨਾਲ ਘਟਨਾ ਹੋਈ ਸੀ ਜੇ ਉਹ ਨਾ ਹੁੰਦੀ ਤਾਂ ਇਸ ਬੱਚੀ ਦਾ ਹੱਥ ਇਸੇ ਹਸਪਤਾਲ ਵਿਚ ਜੋੜਿਆ ਜਾਣਾ ਸੀ।
ਉਸ ਘਟਨਾ ਤੋਂ ਬਾਅਦ ਇਸ ਹਸਪਤਾਲ ਦਾ ਸਟਾਫ ਅਜੇ ਤਕ ਇਸ ਹਸਪਤਾਲ ਵਿਚ ਨਹੀਂ ਆਇਆ ਇਸ ਲਈ ਉਹਨਾਂ ਨੂੰ ਮਜ਼ਬੂਰਨ ਬੱਚੀ ਨੂੰ ਪੀਜੀਆਈ ਭੇਜਣਾ ਪਿਆ। ਇਸ ਦੇ ਨਾਲ ਹੀ ਉਹਨਾਂ ਨੇ ਉਸ ਬੱਚੀ ਦੀ ਸਹੁੰ ਚੁਕਦਿਆਂ ਅਤੇ ਚੈਲੰਜ ਕਰਦਿਆਂ ਆਖਿਆ ਕਿ ਉਹ 5 ਸਾਲਾਂ ਦੇ ਅੰਦਰ ਪੀਜੀਆਈ ਤੋਂ ਵੀ ਵੱਡਾ ਹਸਪਤਾਲ ਤਿਆਰ ਕਰਨਗੇ। ਇਸ ਮਾਸੂਮ ਬੱਚੀ ਨੂੰ ਨਵਤੇਜ ਗੁੱਗੂ ਨੇ 51 ਹਜ਼ਾਰ ਦਾ ਚੈੱਕ ਵੀ ਦਿੱਤਾ ਤੇ ਅਗਲੇ ਮਹੀਨਿਆਂ ਵਿਚ ਇਕ ਲੱਖ ਦਾ ਚੈੱਕ ਦੇਣ ਬਾਰੇ ਵੀ ਆਖਿਆ ਹੈ।
ਦਸ ਦਈਏ ਕਿ ਬੀਤੇ ਦਿਨੀਂ ਪਟਿਆਲਾ ਸਬਜੀ ਮੰਡੀ ਵਿਚ ਕਰਫਿਊ ਦੌਰਾਨ ਨਿਹੰਗਾਂ ਨੇ ਏਐਸਆਈ ਹਰਜੀਤ ਸਿੰਘ ਉਤੇ ਹਮਲਾ ਕਰਕੇ ਉਨ੍ਹਾਂ ਦਾ ਹੱਥ ਵੱਢ ਦਿੱਤਾ ਸੀ। ਉਨ੍ਹਾਂ ਦੇ ਪੁੱਤਰ ਅਰਸ਼ਪ੍ਰੀਤ ਸਿੰਘ ਨੂੰ ਪੰਜਾਬ ਪੁਲਿਸ ਵਿਚ ਕਾਂਸਟੇਬਲ ਬਣਾਇਆ ਗਿਆ ਹੈ।
ਡੀਜੀਪੀ ਦਿਨਕਰ ਗੁਪਤਾ ਨੇ ਖ਼ੁਦ ਪੁੱਤਰ ਦਾ ਨਿਯੁਕਤੀ ਪੱਤਰ ਹਰਜੀਤ ਸਿੰਘ ਨੂੰ ਸੌਂਪਿਆ। ਦੱਸਣਯੋਗ ਹੈ ਕਿ ਪੀਜੀਆਈ ਡਾਕਟਰਾਂ ਨੇ ਤਕਰੀਬਨ ਅੱਠ ਘੰਟਿਆਂ ਦੇ ਆਪ੍ਰੇਸ਼ਨ ਵਿਚ ਏਐਸਆਈ ਦੇ ਹੱਥ ਜੋੜ ਦਿੱਤਾ ਸੀ। ਹਰਜੀਤ ਸਿੰਘ ਨੂੰ ਆਪਣੀ ਬਹਾਦਰੀ ਲਈ ਸਬ ਇੰਸਪੈਕਟਰ ਦੇ ਅਹੁਦੇ ਲਈ ਤਰੱਕੀ ਮਿਲੀ ਹੈ।
ਪੁਲਿਸ ਦੇ ਅਨੁਸਾਰ 'ਨਿਹੰਗਾਂ' ਦਾ ਇੱਕ ਸਮੂਹ (ਸਿੱਖ ਰਵਾਇਤੀ ਹਥਿਆਰਾਂ ਰੱਖਣ ਅਤੇ ਨੀਲੀਆਂ ਲੰਮੀਆਂ ਕਮੀਜ਼ਾਂ ਪਾਉਣ ਵਾਲੇ ਸਿੱਖ) ਚਿੱਟੇ ਰੰਗ ਦੀ ਕਾਰ ਵਿਚ ਮੰਡੀ ਆਏ ਸਨ। ਮੰਡੀ ਬੋਰਡ ਦੇ ਅਧਿਕਾਰੀਆਂ ਨੇ ਉਸਨੂੰ ਗੇਟ ਉਤੇ ਰੋਕ ਲਿਆ ਅਤੇ ਉਸਨੂੰ ਕਰਫਿਊ ਪਾਸ ਦਿਖਾਉਣ ਲਈ ਕਿਹਾ। ਨਿਹੰਗਾਂ ਨੇ ਬੈਰੀਕੇਡਾਂ ਨੂੰ ਤੋੜਿਆ ਅਤੇ ਤਾਲਾਬੰਦੀ ਦੀ ਉਲੰਘਣਾ ਕਰਦਿਆਂ ਅੱਗੇ ਵੱਧੇ। ਇਸ ਦੌਰਾਨ ਪੁਲਿਸ ‘ਤੇ ਵੀ ਹਮਲਾ ਕੀਤਾ ਗਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।