ਬੱਚੀ ਦੇ ਪਿਤਾ ਨਾਲ ਗੱਲਬਾਤ ਕਰਨ ਤੇ ਉਹਨਾਂ ਦਸਿਆ ਕਿ ਉਹਨਾਂ...
ਅੰਮ੍ਰਿਤਸਰ: ਪਿਛਲੇ ਦਿਨੀਂ ਸੋਸ਼ਲ ਮੀਡੀਆ ਤੇ ਕੁੱਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਸਨ ਜਿਸ ਵਿਚ ਇਕ ਛੋਟੀ ਬੱਚੀ ਜੋ ਕਿ ਅੰਮ੍ਰਿਤਸਰ ਦੀ ਰਹਿਣ ਵਾਲੀ ਹੈ ਤੇ ਉਸ ਦੇ ਵੱਲੋਂ ਅਪਣੇ ਹੀ ਘਰ ਦੀ ਛੱਤ ਤੇ ਇਕ ਵੱਖਰਾ ਹੀ ਟਰੈਕ ਤਿਆਰ ਕੀਤਾ ਗਿਆ ਹੈ। ਇਸ ਬਹੁਤ ਹੀ ਆਸਾਨ ਤਰੀਕੇ ਨਾਲ ਤਿਆਰ ਕੀਤਾ ਗਿਆ ਹੈ ਜਿਸ ਤੇ ਇਹ ਬੱਚੀ ਬੜੇ ਆਰਾਮ ਨਾਲ ਕਸਰਤ ਕਰਦੀ ਹੈ।
Little Girl
ਬੱਚੀ ਦੇ ਪਿਤਾ ਨਾਲ ਗੱਲਬਾਤ ਕਰਨ ਤੇ ਉਹਨਾਂ ਦਸਿਆ ਕਿ ਉਹਨਾਂ ਨੂੰ ਇਹ ਟ੍ਰੈਕ ਤਿਆਰ ਕਰਨ ਵਿਚ 3 ਦਿਨ ਲੱਗ ਗਏ ਸਨ। ਉਹਨਾਂ ਨੇ ਕਿਸੇ ਤੋਂ ਇਸ ਦਾ ਆਈਡੀਆ ਜ਼ਰੂਰ ਲਿਆ ਸੀ ਪਰ ਉਸ ਤੋਂ ਬਿਹਤਰ ਬਣਾ ਦਿੱਤਾ ਹੈ। ਅਜਿਹਾ ਉਹਨਾਂ ਨੇ ਲਾਕਡਾਊਨ ਦੇ ਚਲਦੇ ਕੀਤਾ ਹੈ ਕਿਉਂ ਕਿ ਇਸ ਸਮੇਂ ਬੱਚੇ ਗਾਰਡਨ ਜਾਂ ਜਿਮ ਵਿਚ ਨਹੀਂ ਜਾ ਸਕਦੇ ਇਸ ਲਈ ਉਹਨਾਂ ਨੇ ਇਸ ਨੂੰ ਜਾਰੀ ਰੱਖਣ ਲਈ ਘਰ ਵਿਚ ਹੀ ਇਸ ਦਾ ਇੰਤਜ਼ਾਮ ਕਰ ਦਿੱਤਾ।
Little Girl
ਉਹਨਾਂ ਦੀ ਬੱਚੀ ਬੈਡਮਿੰਟਨ ਦੀ ਖਿਡਾਰਨ ਹੈ ਤੇ ਬੱਚੀ ਰਾਜ ਪੱਧਰ ਤੇ ਵੀ ਬੈਡਮਿੰਟਨ ਦੀ ਵਿਨਰ ਰਹੀ ਹੈ ਅਤੇ ਅੱਗੇ ਵੀ ਉਹ ਮਿਹਨਤ ਕਰ ਰਹੀ ਹੈ। ਉਹਨਾਂ ਦੀ ਬੇਟੀ ਸਵੇਰੇ ਅਤੇ ਸ਼ਾਮ ਕਸਰਤ ਕਰਦੀ ਹੈ। ਬੱਚੀ ਦਾ ਕਹਿਣਾ ਹੈ ਕਿ ਉਸ ਨੇ ਯੂਟਿਊਬ ਤੇ ਅਜਿਹੀ ਵੀਡੀਓ ਦੇਖੀ ਸੀ ਜਿਸ ਬਾਰੇ ਉਸ ਨੇ ਅਪਣੇ ਪਿਤਾ ਨੂੰ ਦਸਿਆ। ਇਸ ਬੱਚੀ ਨੇ ਹੋਰਨਾਂ ਬੱਚਿਆਂ ਨੂੰ ਵੀ ਇਹੀ ਸਲਾਹ ਦਿੱਤੀ ਹੈ ਕਿ ਉਹ ਵੀ ਇਸ ਸਮੇਂ ਦਾ ਪੂਰਾ-ਪੂਰਾ ਲਾਭ ਲੈਣ ਤੇ ਕਿਸੇ ਚੰਗੇ ਪਾਸੇ ਲਗ ਕੇ ਅਪਣਾ ਅਤੇ ਅਪਣੇ ਪਰਿਵਾਰ ਦਾ ਨਾਮ ਰੌਸ਼ਨ ਕਰਨ।
Little Girl
ਦਸ ਦਈਏ ਕਿ ਕੋਰੋਨਾ ਮਹਾਂਮਾਰੀ ਕਾਰਨ ਬਹੁਤ ਸਾਰੀਆਂ ਅਜਿਹੀਆਂ ਗਤੀਵਿਧੀਆਂ ਹਨ ਜਿਹਨਾਂ ਨੂੰ ਅਜੇ ਤਕ ਲਾਗੂ ਨਹੀਂ ਕੀਤਾ ਗਿਆ ਉਹਨਾਂ ਨੂੰ ਲਾਕਡਾਊਨ ਕਾਰਨ ਬੰਦ ਰੱਖਿਆ ਗਿਆ ਹੈ। ਇਸ ਵਿਚ ਸਭ ਤੋਂ ਵੱਧ ਚਿੰਤਾ ਦਾ ਵਿਸ਼ਾ ਜਿਮ ਬਣੇ ਹੋਏ ਹਨ। ਜਿਮ ਨੂੰ ਲੈ ਕੇ ਨੌਜਵਾਨਾਂ ਵਿਚ ਰੋਸ ਪਾਇਆ ਜਾ ਰਿਹਾ ਹੈ ਤੇ ਉਹਨਾਂ ਵੱਲੋਂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਲਗਾਤਾਰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਜਲਦ ਤੋਂ ਜਲਦ ਜਿਮ ਖੋਲ੍ਹੇ ਜਾਣ।
Little Girl
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਲਾਈਵ ਹੋ ਕਿ ਇਸ ਬਾਰੇ ਸਪੱਸ਼ਟ ਕੀਤਾ ਹੈ ਕਿ ਉਹ ਜਿਮ ਕਿਉਂ ਨਹੀਂ ਖੋਲ੍ਹ ਰਹੇ। ਉਹਨਾਂ ਦਸਿਆ ਕਿ ਲਾਕਡਾਊਨ ਦਾ ਫ਼ੈਸਲਾ ਕੇਂਦਰ ਸਰਕਾਰ ਵੱਲੋਂ ਲਿਆ ਗਿਆ ਹੈ ਤੇ ਜਿਮ ਵੀ ਨੈਸ਼ਨਲ ਡਿਸਾਸਟਰ ਐਕਟ ਦੇ ਅਧੀਨ ਆਉਂਦੇ ਹਨ।
Man
ਜੇ ਡਿਸਾਸਟਰ ਐਕਟ ਪੰਜਾਬ ਦੇ ਹੱਥ ਹੁੰਦਾ ਤਾਂ ਉਹ ਜਿਮ ਜ਼ਰੂਰ ਖੋਲ੍ਹਦੇ। ਕੇਂਦਰ ਨੇ ਪੰਜਾਬ ਸਰਕਾਰ ਨੂੰ ਸਾਫ਼ ਤੌਰ ਤੇ ਨੋਟਿਸ ਭੇਜਿਆ ਸੀ ਕਿ ਜਿਮ ਨਹੀਂ ਖੋਲ੍ਹੇ ਜਾਣਗੇ। ਇਸ ਨੂੰ ਬੰਦ ਕਰਨ ਦਾ ਇਹੀ ਕਾਰਨ ਹੈ ਕਿ ਜਿਮ ਵਿਚ ਮਸ਼ੀਨਾਂ ਦਾ ਇਸਤੇਮਾਲ ਕਈ ਲੋਕਾਂ ਵੱਲੋਂ ਕੀਤਾ ਜਾਂਦਾ ਹੈ।
ਇਕ ਤੋਂ ਬਾਅਦ ਇਕ ਇਸ ਦੀ ਵਰਤੋਂ ਕਰਦਾ ਹੈ। ਜਿਮ ਕਰਦੇ ਸਮੇਂ ਪਸੀਨਾ ਵੀ ਆਉਂਦਾ ਹੈ ਤੇ ਜੇ ਉਸ ਨੂੰ ਕਿਸੇ ਦਾ ਹੱਥ ਲੱਗ ਜਾਵੇ ਤਾਂ ਕਿਟਾਣੂ ਫੈਲ ਸਕਦੇ ਹਨ ਇਸ ਲਈ ਇਸ ਦੇ ਮੱਦੇਨਜ਼ਰ ਇਹ ਫ਼ੈਸਲਾ ਲਿਆ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
