Mohali News : ਕੰਪਨੀ ਦੇ ਗੇਟ ਦੇ ਬਾਹਰ ਦਿਤਾ ਜਾ ਰਿਹੈ ਧਰਨਾ
The issue of Cutting Down Mango trees in a Private Mall Being Built in Mohali Has Come to Light Latest News in Punjabi ਮੋਹਾਲੀ : ਗੁਰਦੁਆਰਾ ਅੰਬ ਸਾਹਿਬ ਦੇ ਨਾਲ ਬਣ ਰਹੇ ਇੱਕ ਨਿੱਜੀ ਮੌਲ ਦੇ ਵਿੱਚ ਅੰਬਾਂ ਦੇ ਪੇੜ ਦੀ ਕਟਾਈ ਦਾ ਮਾਮਲਾ ਗਰਮਾ ਗਿਆ ਹੈ। 85 ਸਾਲ ਦੇ ਬਜ਼ੁਰਗ ਲਾਭ ਸਿੰਘ ਨੇ ਵੀ ਸੰਘਰਸ਼ ਨੂੰ ਤਿੱਖਾ ਕੀਤਾ ਹੈ ਤੇ ਕੰਪਨੀ ਦੇ ਗੇਟ ਦੇ ਬਾਹਰ ਧਰਨਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਜੇ ਕੰਪਨੀ ਵਿਰੁਧ ਕਾਨੂੰਨੀ ਕਾਰਵਾਈ ਨਹੀਂ ਕੀਤੀ ਗਈ ਤਾਂ ਭੁੱਖ ਹੜਤਾਲ ਕੀਤੀ ਜਾਵੇਗੀ।
ਦੱਸ ਦਈਏ ਕਿ ਇਸ ਸਬੰਧੀ ਪ੍ਰਸ਼ਾਸਨ ਨੇ ਤਿੰਨ ਦਿਨ ਦਾ ਸਮਾਂ ਮੰਗਿਆ ਹੈ। ਉਨ੍ਹਾਂ ਕਿਹਾ ਕਿ ਤਿੰਨ ਦਿਨਾਂ ਦੇ ਵਿਚ ਨਿਜੀ ਮਾਲ ਵਿਰੁਧ ਅੰਬਾਂ ਦੀ ਕਟਾਈ ਨੂੰ ਲੈ ਕੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
ਬਜ਼ੁਰਗ ਲਾਭ ਸਿੰਘ ਨੇ ਕਿਹਾ ਕਿ ਜੇ ਤਿੰਨ ਦਿਨਾਂ ਵਿਚ ਕਾਨੂੰਨੀ ਕਾਰਵਾਈ ਨਹੀਂ ਕੀਤੀ ਗਈ ਤਾਂ ਸੰਘਰਸ਼ ਨੂੰ ਤੇਜ਼ ਕੀਤਾ ਜਾਵੇਗਾ। ਦੱਸ ਦਈਏ ਕਿ ਬਜ਼ੁਰਗ ਲਾਭ ਸਿੰਘ ਦੇ ਨਾਲ ਹੋਰ ਵੀ ਵਾਤਾਵਰਣ ਪ੍ਰੇਮੀ ਅੱਗੇ ਆਉਣ ਲੱਗੇ ਹਨ।
ਜ਼ਿਕਰਯੋਗ ਹੈ ਕਿ 100 ਤੋਂ 200 ਸਾਲ ਪੁਰਾਣੇ ਇਤਿਹਾਸਿਕ ਅੰਬਾਂ ਦੇ ਦਰੱਖ਼ਤ ਨਿੱਜੀ ਕੰਪਨੀ ਵਲੋਂ ਕੱਟ ਦਿੱਤੇ ਗਏ ਸਨ।
