4 arrested in 48 kg heroin seizure case
ਚੰਦੂ ਵਡਾਲਾ ਬਾਰਡਰ ਆਊਟ ਪੋਸਟ ਤੋਂ 48 ਕਿੱਲੋ ਹੈਰੋਇਨ ਬਰਾਮਦ ਹੋਣ ਦੇ ਮਾਮਲੇ ਵਿਚ ਪੁਲਿਸ ਨੇ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ
ਗੁਰਦਾਸਪੁਰ (ਨਿਤਿਨ ਲੂਥਰਾ): ਭਾਰਤ ਪਾਕਿਸਤਾਨ ਬਾਰਡਰ ਨੇੜੇ ਚੰਦੂ ਵਡਾਲਾ ਬਾਰਡਰ ਆਊਟ ਪੋਸਟ ਤੋਂ 48 ਕਿੱਲੋ ਹੈਰੋਇਨ ਬਰਾਮਦ ਹੋਣ ਦੇ ਮਾਮਲੇ ਵਿਚ ਪੁਲਿਸ ਨੇ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਦੌਰਾਨ ਜਾਣਕਾਰੀ ਮਿਲੀ ਹੈ ਕਿ ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀ ਪਹਿਲਾਂ ਵੀ 50 ਕਿੱਲੋ ਹੈਰੋਇਨ ਮੰਗਵਾ ਚੁੱਕੇ ਹਨ।
Border
ਇਹਨਾਂ ਵਿਚੋਂ ਇਕ ਵਿਅਕਤੀ ਅੰਮ੍ਰਿਤਸਰ ਜਦਕਿ ਤਿੰਨ ਗੁਰਦਾਸਪੁਰ ਜ਼ਿਲ੍ਹੇ ਨਾਲ ਸਬੰਧਤ ਦੱਸੇ ਜਾ ਰਹੇ ਹਨ। ਗ੍ਰਿਫ਼ਤਾਰ ਕੀਤੇ ਗਏ ਗਿਰੋਹ ਕੋਲੋਂ i10 ਕਾਰ, ਢਾਈ ਲੱਖ ਦੀ ਨਕਦੀ, ਛੇ ਮੋਬਾਈਲ ਫੋਨ ਅਤੇ ਹਥਿਆਰ ਬਰਾਮਦ ਕੀਤੇ ਗਏ ਹਨ।
Heroin
ਦੱਸ ਦਈਏ ਕਿ 28 ਜਨਵਰੀ ਨੂੰ ਗੁਰਦਾਸਪੁਰ ਅਧੀਨ ਚੰਦੂ ਵਡਾਲਾ ਬਾਰਡਰ ਆਊਟ ਪੋਸਟ ਤੋਂ ਬੀਐਸਐਫ ਜਵਾਨਾਂ ਵਲੋਂ 48 ਕਿੱਲੋ ਦੇ ਕਰੀਬ ਹੈਰੋਇਨ ਬਰਾਮਦ ਕੀਤੀ ਗਈ ਸੀ। ਇਸ ਦੌਰਾਨ ਨਸ਼ਾ ਤਸਕਰਾਂ ਅਤੇ ਬੀਐਸਐਫ ਦੇ ਜਵਾਨਾਂ ਵਿਚਾਲੇ ਮੁਠਭੇੜ ਵੀ ਹੋਈ ਸੀ, ਜਿਸ ਦੇ ਚਲਦਿਆਂ ਗੋਲੀ ਲੱਗਣ ਕਾਰਨ ਬੀਐਸਐਫ ਦਾ ਇਕ ਜਵਾਨ ਜ਼ਖਮੀ ਹੋ ਗਿਆ ਸੀ।
