ਰਾਮਪੁਰਾ ਅਤੇ ਫੂਲ ਟਾਊਨ ਵਿਖੇ 'ਫਰਾਈ ਡੇ ਡਰਾਈ ਡੇ' ਦਿਵਸ ਮਨਾਇਆ ਗਿਆ।
ਰਾਮਪੁਰਾ ਫੂਲ: ਰਾਮਪੁਰਾ ਅਤੇ ਫੂਲ ਟਾਊਨ ਵਿਖੇ 'ਫਰਾਈ ਡੇ ਡਰਾਈ ਡੇ' ਦਿਵਸ ਮਨਾਇਆ ਗਿਆ। ਸਿਹਤ ਇੰਸਪੈਕਟਰ ਬਲਵੀਰ ਸਿੰਘ ਸੰਧੂ ਕਲਾਂ ਨੇ ਦਸਿਆ ਰਾਮਪੁਰਾ ਸ਼ਹਿਰ ਅਤੇ ਫੂਲ ਟਾਊਨ ਵਿਖੇ ਸਿਹਤ ਵਿਭਾਗ ਵਲੋਂ ਲੋਕਾਂ ਨੂੰ ਕੋਰੋਨਾ ਵਾਇਰਸ ਵਿਰੁੱਧ, ਡੇਂਗੂ, ਮਲੇਰੀਆ ਵਿਰੋਧੀ ਜਿੱਥੇ ਜਾਗਰੂਕ ਕੀਤਾ ਜਾ ਰਿਹਾ ਹੈ।
Mosquito
ਉੱਥੇ ਹੀ ਸ਼ਹਿਰ ਦੇ ਵੱਖ-ਵੱਖ ਧਾਰਮਿਕ ਅਸਥਾਨ, ਸਰਕਾਰੀ ਦਫਤਰਾਂ, ਗੈਰ ਸਰਕਾਰੀ ਸੰਸਥਾਵਾਂ ਅਤੇ ਜਨਤਕ ਥਾਵਾਂ ਤੇ ਜਾ ਕੇ ਸਬੰਧਿਤ ਵਿਅਕਤੀਆਂ ਨੂੰ ਮੱਛਰਾਂ ਦੇ ਫੈਲਣ ਵਾਲੀਆ ਥਾਵਾਂ ਤੋਂ ਜਾਣੂ ਕਰਵਾਇਆ ਗਿਆ।
Mosquitoes
ਇਸ ਮੌਕੇ ਮੱਛਰ ਦੇ ਵਾਧੇ ਵਾਲੀਆਂ ਥਾਵਾਂ ਦੀ ਸਨਾਖਤ ਕੀਤੀ ਅਤੇ ਕੁਝ ਥਾਵਾਂ ਉਪਰ ਮੱਛਰ ਦੇ ਪਨਪਣ ਦੇ ਆਸਾਰ ਸਨ। ਇਨਾਂ ਥਾਵਾਂ ਦੀ ਮੌਕੇ ਤੇ ਸਫਾਈ ਕਰਵਾਈ ਗਈ ਅਤੇ ਇਨ੍ਹਾਂ ਥਾਵਾਂ ਦੀ ਸਫਾਈ ਰੱਖਣ ਲਈ ਪ੍ਰੇਰਿਤ ਕੀਤਾ।
Mosquitoes
ਉਨਾਂ ਨੇ ਦੱਸਿਆ ਕਿ ਮੱਛਰਾਂ ਦੀ ਪੈਦਾਇਸ ਦੀਆਂ ਪਹਿਲੀਆਂ ਤਿੰਨ ਸਟੇਜਾਂ ਆਂਡਾ, ਲਾਰਵਾ, ਪਿਉਬਾ ਨੂੰ ਖਤਮ ਕਰਨਾ ਸਾਡੇ ਆਪਣੇ ਹੱਥ ਵੱਸ ਹੁੰਦਾ ਹੈ ਪਰ ਜਦੋਂ ਮੱਛਰ ਬਣ ਕੇ ਉੱਡ ਜਾਂਦਾ ਹੈ ਤਾਂ ਫਿਰ ਇਸ ਨੂੰ ਖਤਮ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ।
Mosquito bite
ਇਸ ਲਈ ਦਫ਼ਤਰਾਂ ਅਤੇ ਘਰਾਂ ਵਿਚਲੇ ਹਰ ਪਾਣੀ ਵਾਲੇ ਬਰਤਨ ਨੂੰ ਹਫ਼ਤੇ ਤੋਂ ਪਹਿਲਾਂ ਖ਼ਾਲੀ ਕਰ ਕੇ ਸੁਕਾਉਣਾ ਬਹੁਤ ਜ਼ਰੂਰੀ ਹੈ। ਦਫ਼ਤਰਾਂ ਅਤੇ ਘਰਾਂ ਦੇ ਆਲੇ-ਦੁਆਲੇ ਖੜ੍ਹੇ ਪਾਣੀ ਉਪਰ ਕਾਲਾ ਤੇਲ ਜਾਂ ਮਿੱਟੀ ਦੇ ਤੇਲ ਦਾ ਛਿੜਕਾਉ ਕਰ ਕੇ ਅਸੀਂ ਮੱਛਰਾਂ ਦੀ ਪੈਦਾਇਸ਼ ਨੂੰ ਰੋਕ ਸਕਦੇ ਹਾਂ।
ਇਸ ਮੌਕੇ ਸਿਹਤ ਕਰਮਚਾਰੀ ਨਰਪਿੰਦਰ ਸਿੰਘ ਗਿੱਲ ਕਲਾਂ, ਜਸਵਿੰਦਰ ਸਿੰਘ ਡਿੱਖ, ਗਗਨਦੀਪ ਸਿੰਘ ਜੇਠੂਕੇ ਮੌਜੂਦ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
