ਹੁਸ਼ਿਆਰਪੁਰ  : ਤੁਸੀ ਸਕੂਲਾਂ ਕਾਲਜਾਂ ਦੇ ਵਿਦਿਆਰਥੀ ਤਾਂ ਆਪਸ ਵਿਚ ਲੜਦੇ ਦੇਖੇ ਹੀ ਹੋਣਗੇ ਅੱਜ ਅਸੀਂ ਤੁਹਾਨੂੰ ਪ੍ਰੋਫੈਸਰ ਡਾਂਗਾਂ ਸੋਟਿਆਂ ਨਾਲ ਲੜਦੇ ਦਿਖਾਉਂਦੇ ਹਾਂ। ਹੁਸ਼ਿਆਰਪੁਰ ਸਥਿਤ ਆਈ.ਟੀ.ਆਈ. 'ਚ ਛੋਟੀ ਜਿਹੀ ਗੱਲ ਨੂੰ ਲੈ ਕੇ ਇੱਥੋਂ ਦੇ ਪ੍ਰੋਫੈਸਰ ਆਪਸ ਵਿਚ ਭਿੜ ਗਏ। ਇਹ ਸਾਰਾ ਮਾਮਲਾ ਕਾਲਜ ਵਿਚ ਹਾਜ਼ਰੀ ਲਾਉਣ ਨੂੰ ਲੈ ਕੇ ਵਧਿਆ।

Fight between ITI professor

ਜਿਸ ਪਿੱਛੋਂ ਤਿੰਨ ਪ੍ਰੋਫੈਸਰਾਂ ਵਿਚਾਲੇ ਰੱਜ ਕੇ ਡਾਂਗਾਂ ਸੋਟੇ ਚੱਲੇ। ਦਰਅਸਲ, ਕਾਲਜ ’ਚ ਬਾਇਓਮੈਟ੍ਰਿਕ ਹਾਜ਼ਰੀ ਲਗਾਉਣ ਦੌਰਾਨ ਦੋ ਪ੍ਰੋਫੈਸਰਾਂ 'ਚ ਤਕਰਾਰ ਹੋ ਗਈ। ਬਾਅਦ ਵਿਚ ਮਾਮਲਾ ਠੰਢਾ ਹੋ ਗਿਆ ਪਰ ਬਾਅਦ 'ਚ ਹਾਜ਼ਰੀ ਦੌਰਾਨ ਦੋਵੇਂ ਪ੍ਰੋਫੈਸਰ ਇਕ ਵਾਰ ਫਿਰ ਆਪਸ 'ਚ ਭਿੜ ਗਏ। ਇਹ ਲੜਾਈ ਇੰਨੀ ਵਧ ਗਈ ਕਿ ਦੋਵਾਂ ਦੇ ਹੱਥ ਜਿਹੜੀ ਚੀਜ਼ ਲੱਗੀ।

Fight between ITI professor

ਉਹੀ ਵਰ੍ਹਾਈ ਗਈ ਸਾਥੀ ਪ੍ਰੋਫੈਸਰ ਦੋਵਾਂ ਨੂੰ ਛੁਡਾਉਣ ਦੀਆਂ ਕੋਸ਼ਿਸ਼ਾਂ ਕਰਦੇ ਰਹੇ। ਲੜਾਈ ਦੌਰਾਨ ਦੋਵੇਂ ਲਹੂ-ਲੁਹਾਨ ਹੋ ਗਏ ਪਰ ਲੜਾਈ ਨਹੀਂ ਛੱਡੀ। ਦੋਵਾਂ ਨੂੰ ਜ਼ਖਮੀ ਹਾਲਤ ਵਿਚ ਸਿਵਲ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਇਸ ਦੌਰਾਨ ਕਿਸੇ ਵਿਦਿਆਰਥੀ ਨੇ ਲੜਾਈ ਨੂੰ ਆਪਣੇ ਮੋਬਾਈਲ ਦੇ ਕੈਮਰੇ 'ਚ ਕੈਦ ਕਰ ਲਿਆ। ਦੱਸ ਦਈਏ ਕਿ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖ਼ੂਬ ਵਾਇਰਲ ਹੋ ਰਹੀ ਹੈ। ਜਿਸ ਤੇ ਪ੍ਰੋਫੈਸਰਾਂ ਦੀ ਸ਼ਾਨ ਲਈ ਤਰ੍ਹਾਂ ਤਰ੍ਹਾਂ ਦੇ ਕੁਮੈਟ ਵੀ ਆ ਰਹੇ ਹਨ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।