ਪੰਜਾਬੀ ਫਾਸਟ ਫੂਡ ਵਰਕਰਾਂ ਨੂੰ ਵੀ ਹੋਵੇਗਾ ਫ਼ਾਇਦਾ
US News: ਕੈਲੀਫੋਰਨੀਆ ਵਿਚ ਸੋਮਵਾਰ ਤੋਂ ਇਕ ਨਵਾਂ ਨਿਯਮ ਲਾਗੂ ਹੋਣ ਵਾਲਾ ਹੈ। ਇਸ ਨਿਯਮ ਤੋਂ ਬਾਅਦ ਕੈਲੀਫੋਰਨੀਆ ਵਿਚ ਜ਼ਿਆਦਾਤਰ ਫਾਸਟ ਫੂਡ ਵਰਕਰਾਂ ਨੂੰ ਘੱਟੋ-ਘੱਟ 20 ਡਾਲਰ ਪ੍ਰਤੀ ਘੰਟੇ ਦਾ ਭੁਗਤਾਨ ਕੀਤਾ ਜਾਵੇਗਾ।
ਦਰਅਸਲ ਕੈਲੀਫੋਰਨੀਆ ’ਚ ਘੱਟ ਤਨਖ਼ਾਹ ਵਾਲੇ ਪੇਸ਼ਿਆਂ ਨੂੰ ਵਧੇਰੇ ਵਿੱਤੀ ਸੁਰੱਖਿਆ ਪ੍ਰਦਾਨ ਕਰਨ ਲਈ ਸੋਮਵਾਰ ਤੋਂ ਨਵਾਂ ਉਜਰਤ ਕਾਨੂੰਨ ਲਾਗੂ ਕੀਤਾ ਜਾਵੇਗਾ। ਇਸ ਨਾਲ ਪੰਜਾਬੀ ਫਾਸਟ ਫੂਡ ਵਰਕਰਾਂ ਨੂੰ ਵੀ ਕਾਫੀ ਫ਼ਾਇਦਾ ਹੋਵੇਗਾ।
ਰਾਜ ਵਿਧਾਨ ਸਭਾ ’ਚ ਡੈਮੋਕ੍ਰੇਟਸ ਨੇ ਪਿਛਲੇ ਸਾਲ ਇਹ ਮਾਨਤਾ ਦੇਣ ਲਈ ਕਾਨੂੰਨ ਪਾਸ ਕੀਤਾ ਸੀ। ਫਾਸਟ ਫੂਡ ਰੈਸਟੋਰੈਂਟਾਂ ’ਚ ਕੰਮ ਕਰਨ ਵਾਲੇ 5 ਲੱਖ ਤੋਂ ਵੱਧ ਲੋਕਾਂ ’ਚੋਂ ਬਹੁਤ ਸਾਰੇ ਅਜਿਹੇ ਬਾਲਗ ਨਹੀਂ ਹਨ, ਜੋ ਅਪਣੇ ਪਰਵਾਰ ਦਾ ਗੁਜ਼ਾਰਾ ਚਲਾਉਣ ਵਿਚ ਸਹਾਇਤਾ ਕਰਦੇ ਹਨ।
ਜ਼ਿਕਰਯੋਗ ਹੈ ਕਿ ਕੈਲੀਫੋਰਨੀਆ ’ਚ ਫਾਸਟ ਫੂਡ ਵਰਕਰਾਂ ਵਲੋਂ ਪ੍ਰਤੀ ਘੰਟਾ ਤਨਖ਼ਾਹ ’ਚ ਵਾਧੇ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਸੜਕਾਂ ’ਤੇ ਧਰਨੇ-ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ।
(For more Punjabi news apart from 20 dollar minimum wage for fast food workers in California set to start Monday, stay tuned to Rozana Spokesman)
