Advertisement
  ਖ਼ਬਰਾਂ   ਪੰਜਾਬੀ ਪਰਵਾਸੀ  21 Aug 2020  ਪਾਕਿਸਤਾਨ ਦੇ ਪਹਿਲੇ ਪਗੜੀਧਾਰੀ ਸਿੱਖ ਐਂਕਰ ਨੇ ਮੁੜ ਰਚਿਆ ਇਤਿਹਾਸ

ਪਾਕਿਸਤਾਨ ਦੇ ਪਹਿਲੇ ਪਗੜੀਧਾਰੀ ਸਿੱਖ ਐਂਕਰ ਨੇ ਮੁੜ ਰਚਿਆ ਇਤਿਹਾਸ

ਏਜੰਸੀ
Published Aug 21, 2020, 4:57 pm IST
Updated Aug 21, 2020, 7:32 pm IST
ਨੈਸ਼ਨਲ ਪ੍ਰੈੱਸ ਕਲੱਬ ਦੀ ਗਵਰਨਿੰਗ ਬਾਡੀ ਦਾ ਮੈਂਬਰ ਬਣਿਆ 
Harmeet Singh
 Harmeet Singh

ਇਸਲਾਮਾਬਾਦ - ਪਾਕਿਸਤਾਨ ਵਿਚ ਨੈਸ਼ਨਲ ਪ੍ਰੈੱਸ ਕਲੱਬ, ਇਸਲਾਮਾਬਾਦ ਦੀ ਪ੍ਰਬੰਧਕੀ ਕਮੇਟੀ ਦੀਆਂ ਬੀਤੇ ਦਿਨੀਂ ਚੋਣਾਂ ਹੋਈਆਂ ਹਨ। ਇਹਨਾਂ ਚੋਣਾਂ ਵਿਚ ਪਹਿਲਾਂ ਪਾਕਿਸਤਾਨੀ ਸਿੱਖ ਮੈਂਬਰ ਚੁਣਿਆ ਗਿਆ ਹੈ ਜਿਸਦਾ ਨਾਮ ਹਰਮੀਤ ਸਿੰਘ ਹੈ। ਹਰਮੀਤ ਸਿੰਘ ਨੇ ਕੁੱਲ 75 ਵੋਟਾਂ ਹਾਸਲ ਕਰ ਕੇ 7ਵਾਂ ਸਥਾਨ ਹਾਸਲ ਕੀਤਾ।

Harmeet SinghHarmeet Singh

ਨੈਸ਼ਨਲ ਪ੍ਰੈਸ ਕਲੱਬ ਰਾਵਲਪਿੰਡੀ ਅਤੇ ਪਾਕਿਸਤਾਨ ਦੀ ਸੰਘੀ ਰਾਜਧਾਨੀ ਇਸਲਾਮਾਬਾਦ ਸਥਿਤ ਪੱਤਰਕਾਰਾਂ ਦੀ ਪ੍ਰਤੀਨਿਧ ਸੰਸਥਾ ਹੈ। ਇਹ ਸੰਸਥਾ 2500 ਤੋਂ ਵੱਧ ਪੱਤਰਕਾਰਾਂ ਨੂੰ ਦਰਸਾਉਂਦੀ ਹੈ। ਇਸ ਮੌਕੇ ਹਰਮੀਤ ਸਿੰਘ ਨੇ ਕਿਹਾ ਕਿ ਇਹਨਾਂ ਚੋਣਾਂ ਵਿਚ 15 ਮੈਂਬਰ ਹੀ ਬਣਦੇ ਹਨ ਅਤੇ ਮੁਕਾਬਲਾ ਕਾਫ਼ੀ ਸਖ਼ਤ ਰਿਹਾ ਹੈ। ਉਹਨਾਂ ਨੇ ਕਿਹਾ ਕਿ ਇਹ ਪਾਕਿਸਤਾਨ ਦਾ ਸਭ ਤੋਂ ਵੱਡਾ ਪ੍ਰੈੱਸ ਕਲੱਬ ਹੈ, ਇਸ ਵਿਚ ਈਸਾਈ ਅਤੇ ਹਿੰਦੂ ਘੱਟ ਗਿਣਤੀ ਭਾਈਚਾਰੇ ਵਿਚੋਂ ਕਈ ਵਾਰ ਮੈਂਬਰ ਬਣੇ ਹਨ ਪਰ ਸਿੱਖਾਂ ਵਿਚੋਂ ਪਹਿਲੀ ਵਾਰ ਉਹਨਾਂ ਨੇ ਚੋਣ ਲੜੀ ਅਤੇ ਜਿੱਤ ਵੀ ਹਾਸਲ ਕੀਤੀ।

Harmeet SinghHarmeet Singh

ਹਰਮੀਤ (30) ਸਾਲ 2018 ਵਿਚ 24X7 ਉਰਦੂ ਚੈਨਲ, “ਪਬਲਿਕ ਨਿਊਜ਼” ਨਾਲ ਨਵੇਂ ਐਂਕਰ ਵਜੋਂ ਬ੍ਰੇਕ ਪਾਉਣ ਦੀ ਪੇਸ਼ਕਸ਼ ਤੋਂ ਬਾਅਦ ਸੁਰਖੀਆਂ ਵਿਚ ਆ ਗਿਆ ਸੀ। ਅਜਿਹੇ ਸਮੇਂ ਵਿਚ ਜਦੋਂ ਪਾਕਿਸਤਾਨ ਵਿਚ ਘੱਟ ਗਿਣਤੀਆਂ ਆਪਣੇ ਹੱਕਾਂ ਲਈ ਲੜੀਆਂ ਸਨ, ਤਾਂ ਗਲੋਬਲ ਪੱਧਰ 'ਤੇ ਆਪਣੇ ਭਾਈਚਾਰੇ ਦੀ ਨੁਮਾਇੰਦਗੀ ਕਰਨ ਦਾ ਇਹ ਉਸ ਲਈ ਸਹੀ ਮੌਕਾ ਸੀ, ਜੋ ਉਸ ਨੂੰ ਮਿਲਿਆ ਸੀ। 

Harmeet SinghHarmeet Singh

ਹਰਮੀਤ ਸਿੰਘ ਦਾ ਕਹਿਣਾ ਹੈ ਕਿ ਉਹ ਪਾਬੰਦੀਆਂ ਦੇ ਬਾਵਜੂਦ ਸਕਾਰਾਤਮਕ ਦ੍ਰਿਸ਼ਟੀਕੋਣ ਦੇ ਨਾਲ ਮੁੱਖ ਧਾਰਾ ਵਿਚ ਰਹਿ ਕੇ ਆਪਣੇ ਪਰਿਵਾਰ, ਪਾਕਿਸਤਾਨ ਵਿਚ ਆਪਣੀ ਕਮਿਊਨਿਟੀ ਨੂੰ ਮਾਣ ਮਹਿਸੂਸ ਕਰਵਾਉਣਾ ਚਾਹੁੰਦਾ ਹੈ। ਉਹਨਾਂ ਨੇ ਕਿਹਾ,“ਇਸਲਾਮਾਬਾਦ ਪ੍ਰੈਸ ਕਲੱਬ ਇਕ ਪ੍ਰਮੁੱਖ ਮੰਚ ਹੈ ਜਿੱਥੋਂ ਮੈਂ ਪਾਕਿਸਤਾਨ ਦੇ ਮੰਤਰਾਲੇ ਨਾਲ ਘੱਟਗਿਣਤੀ ਮੁੱਦੇ ਉਠਾ ਸਕਦਾ ਹਾਂ। ਨਿਊਜ਼ ਐਂਕਰ ਦੇ ਤੌਰ ਤੇ ਪਹਿਲੇ ਪੱਗੜੀਦਾਰੀ ਸਿੱਖ ਹੋਣ ਦੇ ਇਤਿਹਾਸ ਨੂੰ ਲਿਖਣ ਤੋਂ ਬਾਅਦ, ਮੈਂ ਖੁਸ਼ ਹਾਂ ਕਿ ਅਜ਼ਾਦ ਪੱਤਰਕਾਰ ਪੈਨਲ ਤੋਂ ਹੁਣ ਪ੍ਰੈਸ ਕਲੱਬ ਵਿਚ ਚੁਣਿਆ ਗਿਆ ਮੈਂ ਪਹਿਲਾ ਸਿੱਖ ਹਾਂ।”

Harmeet SinghHarmeet Singh

ਹਰਮੀਤ ਨੇ ਉਰਦੂ ਯੂਨੀਵਰਸਿਟੀ, ਕਰਾਚੀ ਤੋਂ ਪੱਤਰਕਾਰੀ ਵਿਚ ਮਾਸਟਰੀ ਕੀਤੀ ਹੈ। ਉਹ ਚਾਹੁੰਦਾ ਹੈ ਕਿ ਉਸ ਦਾ ਦੋ ਸਾਲਾ ਬੇਟਾ ਹਰਮਨਵੀਰ ਸਿੰਘ ਸ਼ੁਰੂ ਤੋਂ ਹੀ ਸਿੱਖ ਧਰਮ ਦੀ ਪਾਲਣਾ ਕਰੇ। ਉਸ ਨੇ ਕਿਹਾ,''ਪੱਗ ਨੇ ਮੇਰੀ ਸ਼ਖਸੀਅਤ ਨੂੰ ਨਾ ਸਿਰਫ ਵਧਾਇਆ, ਬਲਕਿ ਮੈਨੂੰ ਭੀੜ ਵਿਚ ਵਿਸ਼ੇਸ਼ ਮਹਿਸੂਸ ਕਰਵਾਇਆ। ਮੈਨੂੰ ਕਈ ਵਾਰ ਮਹਿਸੂਸ ਹੁੰਦਾ ਹੈ ਕਿ ਮੇਰੇ ਮਾਪਿਆਂ ਨੇ ਮੈਨੂੰ ਬਚਪਨ ਤੋਂ ਹੀ ‘ਸਿੱਖੀ ਸਰੂਪ’ ਕਿਉਂ ਨਹੀਂ ਦਿੱਤਾ।”

Harmeet SinghHarmeet Singh

ਉਸ ਨੂੰ ਅਫਸੋਸ ਹੈ ਕਿ ਵੀਜ਼ਾ ਪਾਬੰਦੀਆਂ ਕਾਰਨ ਉਸ ਨੂੰ ਕਦੇ ਵੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਣ ਦਾ ਮੌਕਾ ਨਹੀਂ ਮਿਲ ਸਕਿਆ। ਹਰਮੀਤ ਸਿੰਘ ਨੇ ਕਿਹਾ,“ਇਹ ਮੇਰੀ ਇੱਛਾ ਹੈ ਕਿ ਮੈਂ ਆਪਣੇ ਪਰਿਵਾਰ ਸਮੇਤ ਸ਼੍ਰੀ ਹਰਿਮੰਦਰ ਸਾਹਿਬ ਮੱਥਾ ਟੇਕਾ।” ਪਾਕਿਸਤਾਨ ਦੇ ਖੈਬਰ-ਪਖਤੂਨਖਵਾ ਪ੍ਰਾਂਤ ਦੇ ਸ਼ਾਂਗਲਾ ਜ਼ਿਲ੍ਹੇ ਦੇ ਕਸਬੇ ਚੱਕਸਰ ਦੇ ਰਹਿਣ ਵਾਲੇ, ਹਰਮੀਤ ਨੂੰ ਪਸ਼ਤੋ ਬੋਲਣ ਦੀ ਮੁਹਾਰਤ ਹੈ।

Harmeet SinghHarmeet Singh

ਇਸ ਤੋਂ ਇਲਾਵਾ ਉਸ ਨੂੰ ਪੰਜਾਬੀ, ਉਰਦੂ, ਹਿੰਦੀ ਅਤੇ ਅੰਗਰੇਜ਼ੀ ਭਾਸ਼ਾਵਾਂ ਵਿਚ ਮੁਹਾਰਤ ਹਾਸਲ ਹੈ। ਉਸ ਦੇ ਪਿਤਾ ਇਕ ਸਰਕਾਰੀ ਹਸਪਤਾਲ ਵਿਚ ਡਿਸਪੈਂਸਰ ਸਨ ਅਤੇ ਉਹ ਆਪਣੇ ਪਰਿਵਾਰ ਵਿਚ ਇਕਲੌਤਾ ਵਿਅਕਤੀ ਹੈ ਜਿਸ ਨੇ ਪੇਸ਼ੇ ਵਜੋਂ ਪੱਤਰਕਾਰੀ ਨੂੰ ਚੁਣਿਆ। ਜਨਵਰੀ ਵਿਚ, ਉਸ ਨੇ ਆਪਣੇ 25 ਸਾਲਾ ਭਰਾ ਪਰਵਿੰਦਰ ਸਿੰਘ ਨੂੰ ਗਵਾ ਦਿੱਤਾ, ਜਿਸ ਦਾ ਨਿੱਜੀ ਕਾਰਨਾਂ ਕਰਕੇ ਪੇਸ਼ਾਵਰ ਵਿਚ ਕਤਲ ਕਰ ਦਿੱਤਾ ਗਿਆ ਸੀ।  

Advertisement
Advertisement

 

Advertisement
Advertisement