Canada News : ਘਰ ਵਿਚ ਦਾਖ਼ਲ ਹੋ ਕੇ ਕੀਤੀ ਗਈ ਸੀ ਗੋਲੀਬਾਰੀ
Canada News : Shooting in Brampton, One Punjabi Dead, One Injured Latest News in Punjabi ਕੈਨੇਡਾ ’ਚ ਬਰੈਂਪਟਨ ਦੇ ਵਾਰਡ 10, ਕੈਸਲਮੋਰ/ਗੋਰਵੇਅ ਇਲਾਕੇ ਵਿਚ 19 ਅਗੱਸਤ ਰਾਤ ਨੂੰ ਇਕ ਘਰ ਵਿਚ ਦਾਖ਼ਲ ਹੋ ਕੇ ਹੋਈ ਗੋਲੀਬਾਰੀ ਦੀ ਘਟਨਾ ਵਿਚ ਇਕ ਵਿਅਕਤੀ ਸੋਨੂੰ ਚੱਠਾ ਦੀ ਮੌਤ ਹੋ ਗਈ ਅਤੇ ਦੂਜਾ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਿਆ।
ਪੀਲ ਰੀਜਨਲ ਪੁਲਿਸ ਨੂੰ ਰਾਤ 8:40 ਵਜੇ ਦੇ ਕਰੀਬ ਬੇਹੈਂਪਟਨ ਡਰਾਈਵ, ਹੰਬਰਵੈਸਟ ਪਾਰਕਵੇਅ ਅਤੇ ਕੈਸਲਮੋਰ ਰੋਡ ਦੇ ਨੇੜੇ ਗੋਲੀਆਂ ਚੱਲਣ ਦੀ ਸੂਚਨਾ ਮਿਲੀ। ਪੁਲਿਸ ਅਨੁਸਾਰ, ਜਦੋਂ ਅਫ਼ਸਰ ਮੌਕੇ ’ਤੇ ਪਹੁੰਚੇ, ਉਨ੍ਹਾਂ ਨੂੰ ਦੋ ਵਿਅਕਤੀ ਗੰਭੀਰ ਹਾਲਤ ’ਚ ਮਿਲੇ, ਜਿਨ੍ਹਾਂ ਨੂੰ ਗੋਲੀਆਂ ਲੱਗੀਆਂ ਸਨ। ਇਕ ਵਿਅਕਤੀ ਨੂੰ ਮੌਕੇ ’ਤੇ ਹੀ ਮ੍ਰਿਤਕ ਐਲਾਨ ਦਿਤਾ ਗਿਆ, ਜਦਕਿ ਦੂਜੇ ਨੂੰ ਗੰਭੀਰ ਪਰ ਗੈਰ-ਜਾਨਲੇਵਾ ਜ਼ਖ਼ਮਾਂ ਨਾਲ ਹਸਪਤਾਲ ਲਿਜਾਇਆ ਗਿਆ।
ਪੁਲਿਸ ਦਾ ਮੰਨਣਾ ਹੈ ਕਿ ਇਹ ਇਕ ਨਿਸ਼ਾਨਾ ਬਣਾਈ ਗਈ ਘਟਨਾ ਸੀ ਅਤੇ ਆਮ ਲੋਕਾਂ ਲਈ ਕੋਈ ਤੁਰੰਤ ਖ਼ਤਰਾ ਨਹੀਂ ਹੈ। ਹਾਲੇ ਤਕ ਸ਼ੱਕੀਆਂ ਜਾਂ ਕਿਸੇ ਵਾਹਨ ਦੀ ਕੋਈ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ ਅਤੇ ਹੋਮੀਸਾਈਡ ਯੂਨਿਟ ਨੇ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਇਸ ਘਟਨਾ ਨੇ ਸਥਾਨਕ ਪੰਜਾਬੀ ਭਾਈਚਾਰੇ ਵਿਚ ਚਿੰਤਾ ਪੈਦਾ ਕਰ ਦਿਤੀ ਹੈ, ਜੋ ਕਿ ਇਸ ਇਲਾਕੇ ਵਿਚ ਸੰਘਣੀ ਵਸੋਂ ਵਾਲਾ ਹੈ।
(For more news apart from Canada News : Shooting in Brampton, One Punjabi Dead, One Injured Latest News in Punjabi stay tuned to Rozana Spokesman.)
