2024-25 ਅਕਾਦਮਿਕ ਸਾਲ ਲਈ 33 ਵਜ਼ੀਫੇ ਉਨ੍ਹਾਂ ਵਿਦਿਆਰਥੀਆਂ ਨੂੰ ਦਿਤੇ ਜਾਣਗੇ

UK Education : ਯੂਨੀਵਰਸਿਟੀ ਕਾਲਜ ਲੰਡਨ (ਯੂ.ਸੀ.ਐਲ.) ਨੇ ਭਾਰਤ ਦੇ 100 ਹੋਣਹਾਰ ਵਿਦਿਆਰਥੀਆਂ ਨੂੰ ਬਰਤਾਨੀਆਂ ’ਚ ਪੜ੍ਹਾਈ ਕਰਨ ਦਾ ਮੌਕਾ ਦੇਣ ਲਈ ਇਕ ਨਵੇਂ ਵਜੀਫ਼ੇ ਅਤੇ ਸਕੂਲੀ ਵਿਦਿਆਰਥੀਆਂ ਲਈ ਦੇਸ਼ ਦੇ ਪਹਿਲੇ ‘ਸਮਰ ਸਕੂਲ’ ਦਾ ਐਲਾਨ ਕੀਤਾ ਹੈ।

ਬਰਤਾਨੀਆਂ ਦੀਆਂ ਪ੍ਰਮੁੱਖ ਯੂਨੀਵਰਸਿਟੀਆਂ ’ਚੋਂ ਇਕ ਯੂ.ਸੀ.ਐਲ. ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਦੀ ਨਵੀਂ ‘ਇੰਡੀਆ ਐਕਸੀਲੈਂਸ ਸਕਾਲਰਸ਼ਿਪ’ ਬਿਹਤਰੀਨ ਅਕਾਦਮਿਕ ਰੀਕਾਰਡ ਵਾਲੇ ਭਾਰਤੀ ਵਿਦਿਆਰਥੀਆਂ ਨੂੰ ਸੰਸਥਾਨ ’ਚ ਫੁੱਲ-ਟਾਈਮ ਪੋਸਟ ਗ੍ਰੈਜੂਏਟ ਡਿਗਰੀਆਂ ਹਾਸਲ ਕਰਨ ’ਚ ਮਦਦ ਕਰੇਗੀ।

ਸੰਸਥਾ ਨੇ ਕਿਹਾ ਕਿ 2024-25 ਅਕਾਦਮਿਕ ਸਾਲ ਲਈ 33 ਵਜ਼ੀਫੇ ਉਨ੍ਹਾਂ ਵਿਦਿਆਰਥੀਆਂ ਨੂੰ ਦਿਤੇ ਜਾਣਗੇ ਜਿਨ੍ਹਾਂ ਨੇ ਪਹਿਲੀ ਸ਼੍ਰੇਣੀ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ ਜਾਂ ਉਸ ਦਿਸ਼ਾ ’ਚ ਅੱਗੇ ਵਧ ਰਹੇ ਹਨ। ਸੰਸਥਾ ਅਨੁਸਾਰ, ਬਾਕੀ ਬਚੇ 67 ਵਜ਼ੀਫੇ ਅਗਲੇ ਦੋ ਸਾਲਾਂ ’ਚ ਦਿਤੇ ਜਾਣਗੇ।

ਯੂ.ਸੀ.ਐਲ. ਦੇ ਮੁਖੀ ਡਾ. ਮਾਈਕਲ ਸਪੈਂਸ ਨੇ ਕਿਹਾ: ‘‘ਸਾਨੂੰ ਇਹ ਨਵੇਂ ਅਤੇ ਵੱਖੋ-ਵੱਖ ਮੌਕਿਆਂ ਦੀ ਪੇਸ਼ਕਸ਼ ਕਰ ਕੇ ਖੁਸ਼ੀ ਹੋ ਰਹੀ ਹੈ, ਜੋ ਭਾਰਤੀ ਵਿਦਿਆਰਥੀਆਂ ਪ੍ਰਤੀ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹਨ ਅਤੇ ਭਾਰਤ ਨਾਲ ਸਾਡੇ ਸਬੰਧਾਂ ਨੂੰ ਹੋਰ ਮਜ਼ਬੂਤ ਕਰਦੇ ਹਨ।’’

ਉਨ੍ਹਾਂ ਕਿਹਾ, ‘‘ਭਾਰਤੀ ਵਿਦਿਆਰਥੀ ਯੂ.ਸੀ.ਐਲ. ਦੇ ਗਲੋਬਲ ਕਮਿਊਨਿਟੀ ਦੇ ਮਹੱਤਵਪੂਰਨ ਮੈਂਬਰ ਹਨ ਅਤੇ ਅਸੀਂ ਇਨ੍ਹਾਂ ’ਚੋਂ ਕੁਝ ਹੁਸ਼ਿਆਰ ਵਿਦਿਆਰਥੀਆਂ ਦੀ ਯੂ.ਕੇ. ’ਚ ਸਾਡੇ ਨਾਲ ਅਪਣੇ ਗਿਆਨ ਅਤੇ ਮੁਹਾਰਤ ਨੂੰ ਸਾਂਝਾ ਕਰਨ ’ਚ ਮਦਦ ਕਰਨ ਲਈ ਵਧੇਰੇ ਸਰੋਤ ਅਤੇ ਸਹਾਇਤਾ ਪ੍ਰਦਾਨ ਕਰਨ ਲਈ ਸਮਰਪਿਤ ਹਾਂ।’’ 

(For more news apart from UK Education , stay tuned to Rozana Spokesman)