ਇੱਕ ਸਾਲ ਪਹਿਲਾਂ ਹੀ ਮਾਸਕਟ ਗਿਆ ਸੀ ਨੌਜਵਾਨ
Punjabi Dies in Muscat: ਇੱਥੋਂ ਨੇੜਲੇ ਪਿੰਡ ਮੁੰਧੋਂ ਸੰਗਤੀਆਂ ਦੇ ਨੌਜਵਾਨ ਦੀ ਮਾਸਕਟ ’ਚ ਮੌਤ ਹੋਣ ਜਾਣ ਤੇ ਪਰਿਵਾਰ ਨੇ ਸਰਕਾਰ ਅਤੇ ਸੰਸਥਾਵਾਂ ਤੋਂ ਮਿਤ੍ਰਕ ਦੇਹ ਘਰ ਲਿਆਉਣ ਲਈ ਸਹਾਇਤਾ ਦੀ ਮੰਗ ਕੀਤੀ ਹੈ। ਇਸ ਸਬੰਧੀ ਪਿੰਡ ਮੁੰਧੋਂ ਸੰਗਤੀਆਂ ਦੇ ਵਸਨੀਕ ਬਲਵਿੰਦਰ ਸਿੰਘ ਨੇ ਦਸਿਆ ਕਿ ਉਸਨੇ ਆਪਣੇ ਸਪੁੱਤਰ ਸੁੱਖਰਾਜ ਸਿੰਘ ਉਮਰ 24 ਸਾਲ ਨੂੰ ਰੋਜ਼ਗਾਰ ਲਈ ਬਹੁਤ ਮੁਸ਼ਕਿਲ ਨਾਲ ਪੈਸੇ ਦਾ ਪ੍ਰਬੰਧ ਕਰਕੇ ਇੱਕ ਸਾਲ ਪਹਿਲਾਂ ਹੀ ਮਾਸਕਟ ਵਿਚ ਭੇਜਿਆ ਸੀ।
ਜਿੱਥੇ ਜਾ ਕੇ ਉਹ ਗੱਡੀ ਚਲਾਉਦਾ ਸੀ। ਬੀਤੇ ਦਿਨੀਂ ਉਸ ਨੂੰ ਉਥੋਂ ਸੂਚਨਾ ਮਿਲੀ ਕਿ ਸੁੱਖਰਾਜ ਸਿੰਘ ਗੱਡੀ ਵਿਚੋਂ ਮਿਤ੍ਰਕ ਹਾਲਤ ਵਿਚ ਮਿਲੀ ਹੈ। ਉਥੋਂ ਦੀ ਪੁਲਿਸ ਨੇ ਡਾਕਟਰੀ ਰਿਪੋਰਟ ਅਨੁਸਾਰ ਇਸ ਦਾ ਕਾਰਨ ਹਾਰਟ ਅਟੈਕ ਦਸਿਆ ਹੈ।
ਪਿਤਾ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਉਸ ਕੋਲ ਉਸਦੀ ਮਿਤ੍ਰਕ ਦੇਹ ਵਾਪਿਸ ਲਿਆਉਣ ਦੀ ਸਮਰੱਥਾ ਨਹੀਂ ਹੈ। ਇਸ ਲਈ ਉਨ੍ਹਾਂ ਸਮੇਤ ਪਿੰਡ ਦੇ ਮੋਹਤਬਰ ਵਸਨੀਕ ਭਾਈ ਸਤਨਾਮ ਸਿੰਘ, ਜਗਮੋਹਨ ਸਿੰਘ, ਚਰਨਜੀਤ ਸਿੰਘ ਤੇ ਲੋਕ ਹਿੱਤ ਮਿਸ਼ਨ ਦੇ ਆਗੂ ਸੁੱਖਦੇਵ ਸਿੰਘ ਸੁੱਖਾ ਕੰਸਾਲਾ, ਗੁਰਮੀਤ ਸਿੰਘ ਸਾਂਟੂ ਤੇ ਰਵਿੰਦਰ ਸਿੰਘ ਬਜੀਦਪੁਰ ਨੇ ਕੇਂਦਰ ਸਰਕਾਰ, ਪੰਜਾਬ ਸਰਕਾਰ, ਸ. ਓਬਰਾਏ, ਬਾਬਾ ਸੀਚੇਵਾਲ ਤੇ ਹੋਰ ਸੰਸਥਾਵਾਂ ਤੋਂ ਇਸ ਨੌਜਵਾਨ ਦੀ ਦੇਹ ਘਰ ਲਿਆਉਣ ਲਈ ਚਾਰਾਜੋਈ ਕਰਨ ਅਤੇ ਸਹਾਇਤਾ ਦੀ ਅਪੀਲ ਕੀਤੀ ਹੈ।
