ਯੂਐਸ ਓਪਨ ਚੈਂਪੀਅਨ ਐਚ ਐਸ ਪ੍ਰਣਬ ਕਲ ਤੋਂ ਇਥੇ ਸ਼ੁਰੂ ਹੋ ਰਹੇ ਨਿਊ²ਜ਼ੀਲੈਂਡ ਗ੍ਰਾਂ ਪੀ ਗੋਲਡ ਬੈਡਮਿੰਟਨ ਵਿਚ ਪੁਰਸ਼ ਸਿੰਗਲ ਵਰਗ ਵਿਚ ਅਪਣੇ ਇਸ ਫ਼ਾਰਮ ਨੂੰੰ ਬਰਕਰਾਰ ਰਖਣ ਦੇ

ਆਕਲੈਂਡ, 31 ਜੁਲਾਈ:  ਯੂਐਸ ਓਪਨ ਚੈਂਪੀਅਨ ਐਚ ਐਸ ਪ੍ਰਣਬ ਕਲ ਤੋਂ ਇਥੇ ਸ਼ੁਰੂ ਹੋ ਰਹੇ ਨਿਊ²ਜ਼ੀਲੈਂਡ ਗ੍ਰਾਂ ਪੀ ਗੋਲਡ ਬੈਡਮਿੰਟਨ ਵਿਚ ਪੁਰਸ਼ ਸਿੰਗਲ ਵਰਗ ਵਿਚ ਅਪਣੇ ਇਸ ਫ਼ਾਰਮ ਨੂੰੰ ਬਰਕਰਾਰ ਰਖਣ ਦੇ ਇਰਾਦੇ ਨਾਲ ਉਤਰਨਗੇ।
ਅਪਣੇ ਕਰੀਅਰ ਵਿਚ ਸੱਟਾਂ ਨਾਲ ਜੂਝਦੇ ਰਹੇ ਪ੍ਰਣਬ ਨੇ ਇਕ ਸਾਲ ਚਾਰ ਮਹੀਨੇ ਤੋਂ ਚਲਿਆ ਆ ਰਿਹਾ ਖ਼ਿਤਾਬ ਦਾ ਸੋਕਾ ਖ਼ਤਮ ਕਰਦੇ ਹੋਏ ਪਿਛਲੇ ਸਾਲ ਮਾਰ ਵਿਚ ਸਿਵਸ ਓਪਨ ਜਿਤਿਆ ਸੀ।
ਯੂਐਸ ਓਪਨ ਜਿੱਤਣ ਤੋਂ ਬਾਅਦ ਵਿਸ਼ਵ ਰੈਂਕਿੰਗ ਵਿਚ 17ਵੇਂ ਸਥਾਨ 'ਤੇ ਪਹੁੰਚੇ ਪ੍ਰਣਬ ਦਾ ਸਾਹਮਣੇ ਪਹਿਲੇ ਦੌਰ ਵਿਚ ਇੰਡੋਨੇਸ਼ੀਆ ਦੇ ਸ਼ੇਸਾਰ ਹਿਰੇਨ ਰੂਸਤਾਵਿਤੋ ਨਾਲ ਹੋਵੇਗਾ।
ਦੂਜੇ ਪਾਸੇ ਯੂਐਸ ਓਪਨ ਫ਼ਾਈਨਲ ਤਕ ਪਹੁੰਚੇ ਕਸ਼ਅਪ ਇਸ ਪ੍ਰਦਰਸ਼ਨ ਨੂੰ ਬਰਕਰਾਰ ਰਖਣਾ ਚਾਹੁੰਣਗੇ। ਰਾਸ਼ਟਰਮੰਡਲ ਖੇਡ ਚੈਂਪੀਅਨ ਕਸ਼ਅਪ 12 ਪੜਾਅ ਚੜ੍ਹ ਕੇ 47ਵੇਂ ਸਥਾਨ 'ਤੇ ਹਨ। ਉਹ ਪਹਿਲੇ ਦੌਰ ਵਿਚ ਇੰਡੋਨੇਸ਼ੀਆ ਦੇ ਡਿਯੋਨਿਸਿਯਸ ਹੇਯੋਮ ਆਰ ਨਾਲ ਖੇਡਣਗੇ।
ਅਗਲੇ ਮਹੀਨੇ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਹਿੱਸਾ ਲੈ ਰਹੇ ਅਜੇ ਜੈਰਾਮ ਪਹਿਲੇ ਦੌਰ ਵਿਚ ਚੀਨੀ ਤਾਇਪੈ ਦੇ ਚਿਯਾ ਹੁੰਗ ਨਾਲ ਖੇਡਣਗੇ। ਪਿਛਲੇ ਸਾਲ ਚੀਨ ਤਾਇਪੇ ਗ੍ਰਾਂ ਪੀ ਗੋਲਡ ਜਿੱਤਣ ਵਾਲੇ ਸਾਬਕਾ ਰਾਸ਼ਟਰੀ ਚੈਂਪੀਅਨ ਸੌਰਵ ਵਰਮਾ ਆਸਟ੍ਰੇਲੀਆ ਦੇ ਨਾਥਨ ਤਾਂਗ ਨਾਲ ਖੇਡਣਗੇ।
ਨੌਜਵਾਨ ਸਿਰਿਲ ਵਰਮਾ ਦਾ ਸਾਹਮਣਾ ਇੰਡੋਨੇਸ਼ੀਆ ਦੇ ਰਿਯਾਂਤੋ ਸੁਬਾਜੋ ਨਾਲ ਹੋਵੇਗਾ ਜਦਕਿ ਪ੍ਰਤੁਲ ਜੋਸ਼ੀ ਸਥਾਨਕ ਖਿਡਾਰੀ ਡੈਕਸੋਨ ਵੋਂਗ ਨਾਲ ਖੇਡਣਗੇ। (ਪੀਟੀਆਈ)