ਗੇਂਦ ਨਾਲ ਛੇੜਛਾੜ ਕਾਰਨ ਕੋਮਾਂਤਰੀ ਕ੍ਰਿਕੇਟ ਤੋਂ ਇਕ ਸਾਲ ਲਈ ਦੂਰ ਹੋਏ ਆਸਟ੍ਰੇਲੀਆਈ ਸਾਬਕਾ ਕਪਤਾਨ ਸਟੀਵਨ ਸਮਿੱਥ ਗਲੋਬਲ ਟੀ -20 ਲੀਗ ਦੁਆਰਾ ਵਾਪਸੀ ਕਰਦੇ ਹੋਏ ਵੱਡ...
ਨਵੀਂ ਦਿੱਲੀ : ਗੇਂਦ ਨਾਲ ਛੇੜਛਾੜ ਕਾਰਨ ਕੋਮਾਂਤਰੀ ਕ੍ਰਿਕੇਟ ਤੋਂ ਇਕ ਸਾਲ ਲਈ ਦੂਰ ਹੋਏ ਆਸਟ੍ਰੇਲੀਆਈ ਸਾਬਕਾ ਕਪਤਾਨ ਸਟੀਵਨ ਸਮਿੱਥ ਗਲੋਬਲ ਟੀ -20 ਲੀਗ ਦੁਆਰਾ ਵਾਪਸੀ ਕਰਦੇ ਹੋਏ ਵੱਡਾ ਐਲਾਨ ਕੀਤਾ ਹੈ। ਸਟੀਵਨ ਸਮਿਥ ਨੇ ਗਲੋਬਲ ਟੀ-20 ਲੀਗ ਦੀ ਸਾਰੀ ਫ਼ੀਸ ਕੈਨੇਡਾ ਵਿਚ ਕ੍ਰਿਕੇਟ ਦੇ ਵਿਕਾਸ ਲਈ ਦਾਨ ਦੇਣ ਦਾ ਫ਼ੈਸਲਾ ਕੀਤਾ ਹੈ।
Steve Smith match
ਗਲੋਬਲ ਟੀ-20 ਲੀਗ 28 ਜੂਨ ਤੋਂ ਖੇਡੀ ਜਾਵੇਗੀ। ਸਮਿੱਥ ਇਸ ਟੂਰਨਾਮੈਂਟ ਵਿਚ ਹਿੱਸਾ ਲੈਣ ਲਈ ਸਿਡਨੀ ਵਿਚ ਅਭਿਆਸ ਕਰ ਰਹੇ ਹਨ। ਸਟੀਵਨ ਸਮਿੱਥ ਨੇ ਇਸ ਸਾਲ ਮਾਰਚ ਵਿਚ ਦੱਖਣੀ ਅਫ਼ਰੀਕਾ ਵਿਰੁਧ ਕੇਪ ਟਾਊਨ ਟੈਸਟ ਦੌਰਾਨ ਗੇਂਦ ਨਾਲ ਛੇੜਛਾੜ ਦਾ ਦੋਸ਼ੀ ਪਾਇਆ ਸੀ ਅਤੇ ਆਸਟ੍ਰੇਲੀਅਨ ਕ੍ਰਿਕੇਟ ਬੋਰਡ ਨੇ ਉਹਨਾਂ ਦੀ ਕਪਤਾਨੀ ਦੇ ਨਾਲ ਨਾਲ ਕੋਮਾਂਤਰੀ ਮੈਚਾਂ ਤੇ ਵੀ ਪਾਬੰਦੀ ਲਗਾ ਦਿਤੀ ਸੀ।
Steve Smith practicing
ਸਮਿੱਥ ਤੋਂ ਇਲਾਵਾ ਆਸਟ੍ਰੇਲੀਅਨ ਬੋਰਡ ਨੇ ਉਪ ਕਪਤਾਨ ਡੇਵਿਡ ਵਾਰਨਰ ਨੂੰ ਕਿਸੇ ਵੀ ਟੀਮ ਦੀ ਕਪਤਾਨੀ ਨਾ ਕਰਨ ਦੇ ਨਾਲ ਨਾਲ ਕੋਮਾਂਤਰੀ ਕ੍ਰਿਕੇਟ ਖੇਡਣ 'ਤੇ ਵੀ ਪਾਬੰਦੀ ਲਗਾ ਦਿਤੀ ਸੀ। ਬੋਰਡ ਵਲੋਂ ਬੈਨਕਰੋਫ਼ 'ਤੇ ਵੀ 9 ਮਹੀਨੇ ਦੀ ਪਾਬੰਦੀ ਲਗਾਈ ਗਈ ਸੀ ਉਹ ਵੀ ਗੇਂਦ ਨਾਲ ਛੇੜਛਾੜ ਦੇ ਦੋਸ਼ੀ ਪਾਏ ਗਈ ਸੀ। ਇਸੇ ਪਾਬੰਦੀ ਦੇ ਚਲਦਿਆਂ ਸਟੀਵਨ ਸਮਿੱਥ ਅਤੇ ਡੇਵਿਡ ਵਾਰਨਰ ਆਈਪੀਐਲ 2018 ਵਿਚ ਵੀ ਨਹੀਂ ਖੇਡ ਸਕੇ ਸਨ।
