ਵਰਲਡ ਕੱਪ ਵਿਚ ਨਹੀਂ ਮਿਲੀ ਸੀ ਜਗ੍ਹਾ
ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਅੰਬਾਤੀ ਰਾਇਡੂ ਨੇ ਅਪਣੇ ਸੰਨਿਆਸ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਦੇ ਲਈ ਰਾਇਡੂ ਨੇ ਬੀਸੀਸੀਆਈ ਨੂੰ ਖ਼ਤ ਲਿਖਿਆ ਹੈ। ਉਹਨਾਂ ਨੇ ਕ੍ਰਿਕਟ ਦੇ ਸਾਰੇ ਫਾਰਮੈਟ ਤੋਂ ਸੰਨਿਆਸ ਲੈਣ ਦਾ ਫ਼ੈਸਲਾ ਕੀਤਾ ਹੈ। ਹਾਲਾਂਕਿ ਰਾਇਡੂ ਨੇ ਹੁਣ ਤਕ ਇਹ ਸਾਫ਼ ਨਹੀਂ ਕੀਤਾ ਕਿ ਉਹਨਾਂ ਨੇ ਸੰਨਿਆਸ ਲੈਣ ਦਾ ਫ਼ੈਸਲਾ ਕਿਉਂ ਕੀਤਾ ਪਰ ਕਿਹਾ ਜਾ ਰਿਹਾ ਹੈ ਕਿ ਵਰਲਡ ਕੱਪ ਟੀਮ ਵਿਚ ਜਗ੍ਹਾ ਨਾ ਮਿਲਣ ਦੇ ਚਲਦੇ ਰਾਇਡੂ ਨੇ ਇਹ ਫ਼ੈਸਲਾ ਲਿਆ ਹੈ।
Ambati Rrayudu
ਸੂਤਰਾਂ ਮੁਤਾਬਕ ਭਾਰਤੀ ਕ੍ਰਿਕਟ ਟੀਮ ਦੇ ਮਿਡਲ ਆਰਡਰ ਬੱਲੇਬਾਜ਼ ਰਾਇਡੂ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਇਲਾਵਾ ਪ੍ਰੀਮੀਅਰ ਲੀਗ ਵੀ ਨਾ ਖੇਡਣ ਦਾ ਫ਼ੈਸਲਾ ਕੀਤਾ ਹੈ ਜਿਸ ਤੋਂ ਬਾਅਦ ਹੁਣ ਉਹ ਕ੍ਰਿਕਟ ਦੇ ਕਿਸੇ ਵੀ ਫਾਰਮੈਟ ਵਿਚ ਖੇਡਦੇ ਨਜ਼ਰ ਨਹੀਂ ਆਉਣਗੇ। ਅੰਬਾਤੀ ਰਾਇਡੂ ਨੇ ਭਾਰਤ ਲਈ ਕੁੱਲ 50 ਵਨਡੇ ਮੈਚ ਖੇਡੇ ਹਨ। ਰਾਇਡੂ ਨੇ 47.05 ਦੀ ਔਸਤ ਨਾਲ ਕੁੱਲ 1694 ਦੌੜਾਂ ਬਣਾਈਆਂ ਸਨ।
Agarwal has three professional wickets at 72.33 so at least @RayuduAmbati can put away his 3D glasses now. He will only need normal glasses to read the document we have prepared for him. Come join us Ambati. We love the Rayudu things. #BANvIND #INDvBAN #CWC19 pic.twitter.com/L6XAefKWHw
— Iceland Cricket (@icelandcricket) July 1, 2019
ਵਰਲਡ ਕੱਪ ਵਿਚ ਬੱਲੇਬਾਜ਼ ਅੰਬਾਤੀ ਰਾਇਡੂ ਨੂੰ ਜਗ੍ਹਾ ਮਿਲਣ ਤੋਂ ਬਾਅਦ ਆਈਸਲੈਂਡ ਕ੍ਰਿਕਟ ਬੋਰਡ ਨੇ ਉਹਨਾਂ ਨੂੰ ਖੇਡਣ ਦਾ ਆਫ਼ਰ ਦਿੱਤਾ ਸੀ। ਆਈਸਲੈਂਡ ਕ੍ਰਿਕਟ ਵੱਲੋਂ ਇਕ ਟਵੀਟ ਕੀਤਾ ਗਿਆ ਜਿਸ ਵਿਚ ਰਾਇਡੂ ਨੂੰ ਉੱਥੇ ਖੇਡਣ ਤੋਂ ਇਲਾਵਾ ਨਾਗਰਿਕਤਾ ਵੀ ਆਫ਼ਰ ਕੀਤੀ ਗਈ। ਪਰ ਇਸ ਤੋਂ ਪਹਿਲਾਂ ਹੀ ਉਹਨਾਂ ਨੇ ਅਪਣੇ ਸੰਨਿਆਸ ਦਾ ਐਲਾਨ ਕਰ ਦਿੱਤਾ।
ਆਈਸਲੈਂਡ ਕ੍ਰਿਕਟ ਵੱਲੋਂ ਰਾਇਡੂ ਲਈ ਦਸਤਾਵੇਜ਼ਾਂ ਦੀ ਜਾਣਕਾਰੀ ਵੀ ਦਿੱਤੀ ਗਈ। ਰਾਇਡੂ ਨੂੰ ਦਸਿਆ ਗਿਆ ਕਿ ਕਿਵੇਂ ਉਹ ਉੱਥੋਂ ਦੀ ਨਾਗਰਿਕਤਾ ਨੂੰ ਹਾਸਲ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਆਈਸਲੈਂਡ ਨੇ ਮਯੰਕ ਅਗਰਵਾਲ ਨੂੰ ਬੁਲਾਏ ਜਾਣ 'ਤੇ ਵੀ ਨਿਸ਼ਾਨਾ ਲਾਇਆ ਅਤੇ ਕਿਹਾ ਕਿ ਅੰਬਾਤੀ ਰਾਇਡੂ ਹੁਣ ਅਪਣੇ ਥ੍ਰੀ ਡੀ ਗਲਾਸ ਹਟਾ ਸਕਦੇ ਹਨ।
