ਰੂਸ 'ਚ 14 ਜੂਨ ਤੋਂ 21ਵੇਂ ਫ਼ੁਟਬਾਲ ਵਿਸ਼ਵਕਪ ਦੀ ਸ਼ੁਰੂਆਤ ਹੋ ਜਾਵੇਗੀ। 32 ਦੇਸ਼ਾਂ ਦੇ ਖਿਡਾਰੀ 12 ਸਟੇਡਿਅਮ ਵਿਚ ਟੂਰਨਾਮੈਂਟ ਜਿੱਤਣ ਲਈ ਮੈਦਾਨ 'ਤੇ ਉਤਰਣਗੇ....
ਨਵੀਂ ਦਿੱਲੀ : ਰੂਸ 'ਚ 14 ਜੂਨ ਤੋਂ 21ਵੇਂ ਫ਼ੁਟਬਾਲ ਵਿਸ਼ਵਕਪ ਦੀ ਸ਼ੁਰੂਆਤ ਹੋ ਜਾਵੇਗੀ। 32 ਦੇਸ਼ਾਂ ਦੇ ਖਿਡਾਰੀ 12 ਸਟੇਡਿਅਮ ਵਿਚ ਟੂਰਨਾਮੈਂਟ ਜਿੱਤਣ ਲਈ ਮੈਦਾਨ 'ਤੇ ਉਤਰਣਗੇ। ਹਰ ਵਾਰ ਵਿਸ਼ਵਕਪ ਤੋਂ ਪਹਿਲਾਂ ਮੈਚਾਂ ਦੌਰਾਨ ਇਸਤੇਮਾਲ 'ਚ ਲਿਆਈ ਜਾਣ ਵਾਲੀ ਗੇਂਦ ਦੀਆਂ ਚਰਚਾਵਾਂ ਤੇਜ਼ ਹੋ ਜਾਂਦੀਆਂ ਹਨ। ਵਿਸ਼ਵਕਪ ਗੇਂਦ ਦੇ ਡਿਜ਼ਾਇਨ 'ਚ ਸਮੇਂ ਦੇ ਨਾਲ - ਨਾਲ ਬਹੁਤ ਬਦਲਾਅ ਹੋਇਆ।
2010 'ਚ ਦੱਖਣ ਅਫ਼ਰੀਕਾ ਵਿਚ ਜਾਬੁਲਾਨੀ ਤਾਂ 2014 'ਚ ਬ੍ਰਾਜ਼ੀਲ ਵਿਚ ਬਰਾਜ਼ੂਕਾ ਗੇਂਦ ਫ਼ੁਟਬਾਲ ਮਾਹਰਾਂ 'ਚ ਚਰਚਾ ਵਿਚ ਰਹੀ। ਉਥੇ ਹੀ, ਇਸ ਵਾਰ 1970 ਅਤੇ 1974 ਵਿਸ਼ਵਕਪ 'ਚ ਇਸਤੇਮਾਲ ਕੀਤੇ ਗਏ ਟੇਲਸਟਰ ਬਾਲ ਦੀ ਵਾਪਸੀ ਹੋਈ ਹੈ। ਇਸ 'ਚ 32 ਜੀ ਜਗ੍ਹਾ 6 ਪੈਨਲ ਹੋਣਗੇ। ਸੱਭ ਤੋਂ ਖ਼ਾਸ ਗੱਲ ਤਾਂ ਇਹ ਹੈ ਕਿ ਇਸ ਵਿਚ ਚਿਪ ਲਗਾਈ ਗਈ ਹੈ। ਇਸ ਦੇ ਜ਼ਰੀਏ ਗੇਂਦ ਨੂੰ ਸਮਾਰਟਫ਼ੋਨ ਨਾਲ ਜੋੜ ਕੇ ਖੇਡ ਨਾਲ ਜੁਡ਼ੇ ਕਈ ਅਹਿਮ ਸਟੈਟ ਹਾਸਲ ਕੀਤੇ ਜਾ ਸਕਦੇ ਹਨ।
ਇਹ ਗੇਂਦ ਆਮ ਲੋਕਾਂ ਅਤੇ ਖਿਡਾਰੀਆਂ ਦੇ ਖ਼ਰੀਦਣ ਲਈ ਉਪਲਬਧ ਹੈ। ਇਸ ਨੂੰ ਪਾਕਿਸਤਾਨ ਵਿਚ ਬਣਾਇਆ ਗਿਆ ਹੈ। ਟੇਲਸਟਰ-18 ਦੀ ਵਰਤੋਂ ਰੂਸ 'ਚ ਵਰਲਡਕਪ ਮੈਚਾਂ ਦੌਰਾਨ ਕੀਤਾ ਜਾਵੇਗਾ। 1970 ਟੇਲਸਟਰ ਗੇਂਦ ਦੀ ਤਰ੍ਹਾਂ ਹੀ ਇਸ ਦਾ ਡਿਜ਼ਾਇਨ ਕੀਤਾ ਗਿਆ ਹੈ। ਗੇਂਦ 'ਚ ਸਿਰਫ਼ ਛੇ ਪੈਨਲ ਤਹਿਆਂ ਹਨ ਜਦਕਿ ਪੁਰਾਣੇ ਟੇਲਸਟਰ ਵਿਚ 32 ਪੈਨਲ ਤਹਿਆਂ ਇਕੱਠੀਆਂ ਸਨ। ਇਸ ਵਾਰ ਇਸ ਦੀ ਤਹਿਆਂ ਨੂੰ ਵੀ 3ਡੀ ਡਿਜ਼ਾਇਨ ਵਿਚ ਬਣਾਇਆ ਗਿਆ ਹੈ। ਟੇਲਸਟਰ-18 ਵਿਚ ਐਨਐਫ਼ਸੀ ਮਾਈਕ੍ਰੋਚਿਪ ਲਗਿਆ ਹੋਇਆ ਹੈ।
ਇਸ ਨਾਲ ਐਡਿਡਾਸ ਕੰਪਨੀ ਦੇ ਖ਼ਪਤਕਾਰ ਮੋਬਾਇਲ ਨੂੰ ਸਿੱਧੇ ਗੇਂਦ ਨਾਲ ਜੋੜ ਸਕਦੇ ਹਨ, ਜੋਕਿ ਉਨ੍ਹਾਂ ਨੂੰ ਪੈਰ ਤੋਂ ਲੱਗੇ ਸ਼ਾਟ ਅਤੇ ਹੈਡਰ ਸਮੇਤ ਹੋਰ ਜਾਣਕਾਰੀਆਂ ਦੇਵੇਗਾ। 1994 ਵਿਚ ਅਮਰੀਕਾ 'ਚ ਹੋਏ ਵਿਸ਼ਵਕਪ ਤੋਂ ਬਾਅਦ ਪਹਿਲੀ ਵਾਰ ਗੇਂਦ ਸਿਰਫ਼ ਕਾਲੇ ਅਤੇ ਚਿੱਟੇ ਰੰਗ ਵਿਚ ਹੋਵੇਗਾ। ਗੇਂਦ ਵਿਚ ਛੇ ਪੈਨਲ ਵਾਲ ਹੋਣ ਨਾਲ ਉਸ ਦੀ ਫ਼ਲਾਇਟ ਸਥਿਰਤਾ ਵੱਧ ਜਾਵੇਗੀ। ਮੰਨਿਆ ਇਹ ਵੀ ਜਾ ਰਿਹਾ ਹੈ ਕਿ 3ਡੀ ਤਹਿਆਂ ਹੋਣ ਕਾਰਨ ਗੇਂਦ ਨੂੰ ਕਾਬੂ ਕਰਨਾ ਅਸਾਨ ਹੋਵੇਗਾ।
ਕਾਲੇ ਅਤੇ ਚਿੱਟੇ ਰੰਗ ਕਾਰਨ ਗੇਂਦ ਟੀਵੀ 'ਤੇ ਸਾਫ਼ - ਸਾਫ਼ ਦਿਖੇਗੀ ਅਤੇ ਦਰਸ਼ਕਾਂ ਦੀਆਂ ਅੱਖਾਂ ਨੂੰ ਰਾਹਤ ਦੇਵੇਗੀ। ਟੇਲਸਟਰ-18 ਕਿਕ ਲੱਗਣ ਤੋਂ ਬਾਅਦ ਹਵਾ ਵਿਚ ਕਾਫ਼ੀ ਦੇਰ ਤਕ ਲਹਰਾਵੇਗੀ, ਜਿਸ ਨਾਲ ਇਸ ਦੀ ਰਫ਼ਤਾਰ ਨੂੰ ਪਰਖ਼ਣਾ ਆਸਾਨ ਨਹੀਂ ਹੋਵੇਗਾ।