Hardik Pandya News: ਤੇਜ਼ ਗੇਂਦਬਾਜ਼ ਕ੍ਰਿਸ਼ਨਾ ਲੈਣਗੇ ਜਗ੍ਹਾ
Hardik Pandya Ruled Out of ICC World Cup 2023 News: :ਵਿਸ਼ਵ ਕੱਪ-2023 ਵਿਚਾਲੇ ਟੀਮ ਇੰਡੀਆ ਨੂੰ ਵੱਡਾ ਝਟਕਾ ਲੱਗਾ ਹੈ। ਟੀਮ ਦੇ ਸਟਾਰ ਆਲਰਾਊਂਡਰ ਹਾਰਦਿਕ ਪਾਂਡਿਆ ਸੱਟ ਕਾਰਨ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਹਨ। ਤੇਜ਼ ਗੇਂਦਬਾਜ਼ ਪ੍ਰਸਿਧ ਕ੍ਰਿਸ਼ਨਾ ਉਨ੍ਹਾਂ ਦੀ ਥਾਂ ਲੈਣਗੇ। ਬੰਗਲਾਦੇਸ਼ ਖਿਲਾਫ ਮੈਚ 'ਚ ਗੇਂਦਬਾਜ਼ੀ ਕਰਦੇ ਸਮੇਂ ਹਾਰਦਿਕ ਜ਼ਖ਼ਮੀ ਹੋ ਗਏ ਸਨ। ਉਹ ਆਪਣੇ ਓਵਰਾਂ ਦਾ ਪੂਰਾ ਕੋਟਾ ਵੀ ਨਹੀਂ ਸੁੱਟ ਸਕੇ ਸਨ। ਹਾਰਦਿਕ ਪਾਂਡਿਆ ਦਾ ਟੂਰਨਾਮੈਂਟ ਤੋਂ ਬਾਹਰ ਹੋਣਾ ਟੀਮ ਇੰਡੀਆ ਲਈ ਵੱਡਾ ਝਟਕਾ ਹੈ।
ਇਹ ਵੀ ਪੜ੍ਹੋ: Urfi Javed News: ਫਰਜ਼ੀ ਵੀਡੀਓ ਬਣਾ ਕੇ ਉਰਫੀ ਜਾਵੇਦ ਨੇ ਪੁਲਿਸ ਨੂੰ ਕੀਤਾ ਬਦਨਾਮ, ਹੁਣ ਸੱਚਮੁੱਚ ਹੋਈ FIR ਦਰਜ
ਹਾਰਦਿਕ ਟੀਮ ਨੂੰ ਸੰਤੁਲਨ ਦਿੰਦੇ ਹਨ। ਉਹ ਛੇਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਆਉਂਦਾ ਅਤੇ ਟੀਮ ਨੂੰ ਛੇਵੇਂ ਗੇਂਦਬਾਜ਼ ਦਾ ਵਿਕਲਪ ਵੀ ਦਿੰਦਾ ਹੈ। ਹਾਰਦਿਕ ਦੇ ਜ਼ਖ਼ਮੀ ਹੋਣ ਤੋਂ ਬਾਅਦ ਸੂਰਿਆਕੁਮਾਰ ਯਾਦਵ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਸੀ। ਉਸ ਨੇ ਇੰਗਲੈਂਡ ਖਿਲਾਫ਼ ਮੈਚ 'ਚ 49 ਦੌੜਾਂ ਦੀ ਅਹਿਮ ਪਾਰੀ ਖੇਡੀ ਸੀ।
ਸੱਟ ਕਾਰਨ ਹਾਰਦਿਕ ਨਿਊਜ਼ੀਲੈਂਡ, ਇੰਗਲੈਂਡ ਅਤੇ ਸ਼੍ਰੀਲੰਕਾ ਖਿਲਾਫ ਨਹੀਂ ਖੇਡ ਸਕੇ ਸਨ। ਬੀਸੀਸੀਆਈ ਅਤੇ ਟੀਮ ਪ੍ਰਬੰਧਨ ਨੂੰ ਭਰੋਸਾ ਸੀ ਕਿ ਹਾਰਦਿਕ ਸੈਮੀਫਾਈਨਲ ਲਈ ਫਿੱਟ ਹੋ ਜਾਵੇਗਾ, ਜਿਸ ਲਈ ਭਾਰਤ ਨੇ ਕੁਆਲੀਫਾਈ ਕੀਤਾ ਸੀ, ਪਰ ਹੁਣ ਉਹ ਸਮੇਂ ਸਿਰ ਉਭਰਨ ਵਿਚ ਅਸਫਲ ਰਿਹਾ ਹੈ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਹਾਰਦਿਕ 10-15 ਦਿਨਾਂ 'ਚ ਠੀਕ ਹੋ ਜਾਣਗੇ ਪਰ ਅਜਿਹਾ ਨਹੀਂ ਹੋਇਆ।
ਇਹ ਵੀ ਪੜ੍ਹੋ: Noida News: ਬਾਲਕੋਨੀ 'ਚ ਡਿੱਗੇ ਰੁਮਾਲ ਲਈ ਔਰਤ ਨੇ ਨਹੀਂ ਕੀਤੀ ਜਾਨ ਦੀ ਪਰਵਾਹ, 12ਵੀਂ ਮੰਜ਼ਿਲ 'ਤੇ ਲਟਕੀ
ਕ੍ਰਿਸ਼ਨਾ ਦੀ ਗੱਲ ਕਰੀਏ ਤਾਂ ਉਹ ਵਿਸ਼ਵ ਕੱਪ ਤੋਂ ਪਹਿਲਾਂ ਆਸਟ੍ਰੇਲੀਆ ਖਿਲਾਫ ਖੇਡੀ ਗਈ ਵਨਡੇ ਸੀਰੀਜ਼ 'ਚ ਟੀਮ ਦਾ ਹਿੱਸਾ ਸੀ। ਉਨ੍ਹਾਂ ਦੇ ਨਾਂ 33 ਅੰਤਰਰਾਸ਼ਟਰੀ ਵਿਕਟਾਂ ਹਨ। ਹਾਲਾਂਕਿ ਉਸ ਦੇ ਪਲੇਇੰਗ 11 'ਚ ਜਗ੍ਹਾ ਮਿਲਣ ਦੀ ਸੰਭਾਵਨਾ ਘੱਟ ਹੈ। ਕ੍ਰਿਸ਼ਨਾ ਨੇ ਹੁਣ ਤੱਕ 17 ਵਨਡੇ ਮੈਚ ਖੇਡੇ ਹਨ। ਜਿਸ 'ਚ ਉਸ ਨੇ 29 ਵਿਕਟਾਂ ਲਈਆਂ ਹਨ। ਇਹ ਉਨ੍ਹਾਂ ਦਾ ਪਹਿਲਾ ਵਿਸ਼ਵ ਕੱਪ ਹੋਵੇਗਾ।
