ਟੀ-20 ਵਿਸ਼ਵ ਕੱਪ 'ਚ ਦੋ ਦਿਨਾਂ 'ਚ ਇਹ ਦੂਜਾ ਉਲਟਫੇਰ ਹੈ।
T20 World Cup 2024: ਨਿਕੋਲਸ ਕੀਰਟਨ (49) ਅਤੇ ਸ਼੍ਰੇਅਸ ਮੋਵਾ (37) ਵਿਚਾਲੇ ਪੰਜਵੇਂ ਵਿਕਟ ਲਈ 63 ਗੇਂਦਾਂ ਵਿਚ 75 ਦੌੜਾਂ ਦੀ ਸ਼ਾਨਦਾਰ ਸਾਂਝੇਦਾਰੀ ਤੋਂ ਬਾਅਦ ਕੈਨੇਡਾ ਨੇ ਆਈਸੀਸੀ ਟੀ-20 ਵਿਸ਼ਵ ਕੱਪ ਦੇ ਗਰੁੱਪ-ਏ ਮੈਚ ਵਿਚ ਜਿੱਤ ਦਰਜ ਕੀਤੀ। ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੇ ਸ਼ੁੱਕਰਵਾਰ ਨੂੰ ਆਇਰਲੈਂਡ ਨੂੰ 12 ਦੌੜਾਂ ਨਾਲ ਹਰਾਇਆ।
ਸੱਤ ਵਿਕਟਾਂ ’ਤੇ 137 ਦੌੜਾਂ ਬਣਾਉਣ ਤੋਂ ਬਾਅਦ, ਕੈਨੇਡਾ ਨੇ ਆਇਰਲੈਂਡ ਨੂੰ ਸੱਤ ਵਿਕਟਾਂ ’ਤੇ 125 ਦੌੜਾਂ ’ਤੇ ਰੋਕ ਕੇ ਟੀ-20 ਵਿਸ਼ਵ ਕੱਪ ਵਿਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ ਅਤੇ ਟੈਸਟ ਖੇਡਣ ਵਾਲੇ ਦੇਸ਼ ਖ਼ਿਲਾਫ਼ ਖੇਡ ਦੇ ਸਭ ਤੋਂ ਛੋਟੇ ਫਾਰਮੈਟ ਵਿਚ ਦੂਜੀ ਜਿੱਤ ਦਰਜ ਕੀਤੀ।
ਟੀ-20 ਵਿਸ਼ਵ ਕੱਪ 'ਚ ਦੋ ਦਿਨਾਂ 'ਚ ਇਹ ਦੂਜਾ ਉਲਟਫੇਰ ਹੈ। ਅਮਰੀਕਾ ਨੇ ਵੀਰਵਾਰ ਨੂੰ ਪਾਕਿਸਤਾਨ ਖਿਲਾਫ ਉਲਟਫੇਰ ਕੀਤਾ ਸੀ ਅਤੇ ਹੁਣ ਕੈਨੇਡਾ ਦੀ ਆਇਰਲੈਂਡ 'ਤੇ ਜਿੱਤ ਤੋਂ ਬਾਅਦ ਇਹ ਗਰੁੱਪ ਰੋਮਾਂਚਕ ਹੋ ਗਿਆ ਹੈ। ਆਇਰਲੈਂਡ ਦੀ ਇਹ ਲਗਾਤਾਰ ਦੂਜੀ ਹਾਰ ਹੈ। ਕੈਨੇਡਾ ਦੀ ਦੋ ਮੈਚਾਂ ਵਿਚ ਇਹ ਪਹਿਲੀ ਜਿੱਤ ਹੈ। ਇਸ ਦੇ ਨਾਲ ਹੀ ਟੀਮ ਗਰੁੱਪ ਅੰਕ ਸੂਚੀ ਵਿਚ ਅਮਰੀਕਾ ਅਤੇ ਭਾਰਤ ਤੋਂ ਬਾਅਦ ਤੀਜੇ ਸਥਾਨ 'ਤੇ ਹੈ।
ਟੀਚੇ ਦਾ ਪਿੱਛਾ ਕਰਦੇ ਹੋਏ ਆਇਰਲੈਂਡ ਦੀ ਟੀਮ 59 ਦੌੜਾਂ 'ਤੇ ਛੇ ਵਿਕਟਾਂ ਗੁਆ ਬੈਠੀ ਸੀ ਪਰ ਮਾਰਕ ਐਡਰ (34) ਅਤੇ ਜਾਰਜ ਡੌਕਰੇਲ (ਅਜੇਤੂ 30) ਨੇ ਸੱਤਵੀਂ ਵਿਕਟ ਲਈ 41 ਗੇਂਦਾਂ 'ਤੇ 62 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਮੈਚ ਨੂੰ ਰੋਮਾਂਚਕ ਬਣਾ ਦਿਤਾ। ਕੈਨੇਡਾ ਲਈ ਜੇਰੇਮੀ ਗੋਰਡਨ ਅਤੇ ਡੀਨੋਲ ਹੇਲਿੰਗਰ ਨੇ ਦੋ-ਦੋ ਵਿਕਟਾਂ ਲਈਆਂ। ਜੁਨੈਦ ਸਿੱਦੀਕੀ ਅਤੇ ਸਾਦ ਬਿਨ ਜ਼ਫਰ ਨੂੰ ਇਕ-ਇਕ ਸਫਲਤਾ ਮਿਲੀ।
ਪਿਛਲੇ ਮੈਚ 'ਚ ਅਮਰੀਕਾ ਖਿਲਾਫ 31 ਗੇਂਦਾਂ 'ਚ 51 ਦੌੜਾਂ ਬਣਾਉਣ ਵਾਲੇ ਕੀਰਟਨ ਇਕ ਦੌੜ ਨਾਲ ਅਪਣਾ ਅਰਧ ਸੈਂਕੜਾ ਪੂਰਾ ਕਰਨ ਤੋਂ ਖੁੰਝ ਗਏ ਪਰ ਉਨ੍ਹਾਂ ਨੇ ਅਪਣੀ 35 ਗੇਂਦਾਂ ਦੀ ਪਾਰੀ 'ਚ ਤਿੰਨ ਚੌਕੇ ਅਤੇ ਦੋ ਛੱਕੇ ਲਗਾ ਕੇ ਟੀਮ ਨੂੰ ਮੈਚ 'ਚ ਵਾਪਸ ਲਿਆਂਦਾ।
ਕੈਨੇਡੀਅਨ ਟੀਮ ਨੌਵੇਂ ਓਵਰ 'ਚ 53 ਦੌੜਾਂ 'ਤੇ ਚੌਥਾ ਵਿਕਟ ਗੁਆਉਣ ਤੋਂ ਬਾਅਦ ਮੁਸ਼ਕਲ 'ਚ ਸੀ ਪਰ ਮੈਨ ਆਫ ਦਿ ਮੈਚ ਕੀਰਟਨ ਅਤੇ ਵਿਕਟਕੀਪਰ ਮੋਵਾ ਨੇ ਮੁਸ਼ਕਲ ਪਿੱਚ 'ਤੇ ਟੀਮ ਨੂੰ ਸੰਘਰਸ਼ਪੂਰਨ ਸਕੋਰ ਤਕ ਪਹੁੰਚਾਇਆ। ਮੋਵਵਾ ਨੇ ਆਖਰੀ ਗੇਂਦ 'ਤੇ ਰਨ ਆਊਟ ਹੋਣ ਤੋਂ ਪਹਿਲਾਂ ਆਪਣੀ 36 ਗੇਂਦਾਂ ਦੀ ਪਾਰੀ 'ਚ ਤਿੰਨ ਚੌਕੇ ਲਗਾਏ।
ਆਇਰਲੈਂਡ ਲਈ ਕ੍ਰੇਗ ਯੰਗ ਅਤੇ ਬੈਰੀ ਮੈਕਕਾਰਟੀ ਨੇ ਦੋ-ਦੋ ਵਿਕਟਾਂ ਲਈਆਂ ਜਦਕਿ ਏਡਰ ਅਤੇ ਗੈਰੇਥ ਡੇਲਾਨੀ ਨੂੰ ਇਕ-ਇਕ ਵਿਕਟ ਮਿਲੀ। ਕੈਨੇਡਾ ਦੇ ਗੇਂਦਬਾਜ਼ਾਂ ਨੇ ਟੀਚੇ ਦਾ ਬਚਾਅ ਕੀਤਾ ਅਤੇ ਪਾਵਰਪਲੇ ਵਿਚ ਆਇਰਲੈਂਡ ਦੇ ਬੱਲੇਬਾਜ਼ਾਂ ਨੂੰ ਹਮਲਾਵਰ ਹੋਣ ਦਾ ਮੌਕਾ ਨਹੀਂ ਦਿਤਾ। ਪਹਿਲੇ ਪੰਜ ਓਵਰਾਂ ਵਿਚ ਟੀਮ ਬਿਨਾਂ ਕੋਈ ਵਿਕਟ ਗਵਾਏ ਸਿਰਫ਼ 25 ਦੌੜਾਂ ਹੀ ਬਣਾ ਸਕੀ।
ਰਨ ਰੇਟ ਵਧਾਉਣ ਦੀ ਕੋਸ਼ਿਸ਼ ਵਿਚ ਕਪਤਾਨ ਪਾਲ ਸਟਰਲਿੰਗ (ਨੌ) ਨੇ ਹਵਾ ਵਿਚ ਉੱਚਾ ਸ਼ਾਟ ਖੇਡਿਆ ਅਤੇ ਮੋਵਵਾ ਨੇ ਵਿਕਟ ਦੇ ਪਿੱਛੇ ਕੈਚ ਲੈਣ ਵਿਚ ਕੋਈ ਗਲਤੀ ਨਹੀਂ ਕੀਤੀ। ਇਸੇ ਓਵਰ 'ਚ ਐਂਡੀ ਬਲਬੀਰਨੀ ਨੇ ਅਪਣੀ ਪਾਰੀ ਦੇ ਪਹਿਲੇ ਚੌਕੇ ਜੜੇ ਪਰ ਅਗਲੇ ਓਵਰ 'ਚ ਸਿੱਦੀਕੀ ਨੇ 19 ਗੇਂਦਾਂ 'ਚ 17 ਦੌੜਾਂ ਬਣਾ ਕੇ ਉਸ ਦੀ ਪਾਰੀ ਦਾ ਅੰਤ ਕਰ ਦਿਤਾ।
(For more Punjabi news apart from T20 World Cup 2024 News Canada beat Ireland by 12 runs, stay tuned to Rozana Spokesman)
