RCB News : RCB ਦੀ ਜੇਤੂ ਪਰੇਡ ’ਚ ਭਗਦੜ ਦੌਰਾਨ 11 ਲੋਕਾਂ ਦੀ ਹੋਈ ਸੀ ਮੌਤ
Will RCB be banned? Will BCCI take a decision? Latest News in Punjabi : ਬੰਗਲੁਰੂ : ਚਿੰਨਾਸਵਾਮੀ ਸਟੇਡੀਅਮ ਦੇ ਬਾਹਰ RCB ਦੀ ਜਿੱਤ ਪਰੇਡ ਦੌਰਾਨ ਹੋਈ ਭਗਦੜ, ਜਿਸ ਵਿਚ 11 ਲੋਕਾਂ ਦੀ ਮੌਤ ਹੋਈ, ਨੇ ਸਿਰਫ਼ ਕ੍ਰਿਕਟ ਜਗਤ ਹੀ ਨਹੀਂ, ਸਗੋਂ IPL ਤੇ ਇਸ ਦੇ ਪ੍ਰਸ਼ੰਸਕਾਂ ਨੂੰ ਗਹਿਰਾ ਸਦਮਾ ਲੱਗਿਆ ਹੈ। ਇਸ ਘਟਨਾ ਤੋਂ ਬਾਅਦ RCB, ਕਰਨਾਟਕ ਸਟੇਟ ਕ੍ਰਿਕਟ ਐਸੋਸੀਏਸ਼ਨ (KSCA) ਤੇ ਇਵੈਂਟ ਮੈਨੇਜਮੈਂਟ ਕੰਪਨੀ ਵਿਰੁਧ FIR ਦਰਜ ਹੋਈ ਹੈ ਤੇ RCB ਦੇ ਮਾਰਕੀਟਿੰਗ ਹੈੱਡ ਸਮੇਤ ਕੁੱਝ ਲੋਕਾਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਹੈ।
ਕਰਨਾਟਕ ਸਰਕਾਰ ਅਤੇ ਮੈਜਿਸਟਰੀਅਲ ਜਾਂਚ ਕਮੇਟੀ ਨੇ RCB, KSCA, ਇਵੈਂਟ ਆਰਗਨਾਈਜ਼ਰ ਅਤੇ ਪੁਲਿਸ ਉੱਤੇ ਨਿਗਰਾਨੀ ਰੱਖੀ ਹੈ। 15 ਦਿਨਾਂ ਵਿਚ ਜਾਂਚ ਰਿਪੋਰਟ ਆਉਣ ਦੀ ਉਮੀਦ ਹੈ, ਜਿਸ ਤੋਂ ਬਾਅਦ ਜ਼ਿੰਮੇਵਾਰੀ ਨਿਰਧਾਰਤ ਕੀਤੀ ਜਾਵੇਗੀ। RCB ਦੇ ਵਿਰੁਧ ਅਪਰਾਧਕ ਲਾਪਰਵਾਹੀ ਦੇ ਦੋਸ਼ਾਂ ਦੀ ਜਾਂਚ ਹੋ ਰਹੀ ਹੈ।
ਕੀ RCB ’ਤੇ IPL 2026 ਤੋਂ ਪਾਬੰਦੀ ਲੱਗ ਸਕਦੀ ਹੈ?
BCCI ਦੀ ਸਥਿਤੀ: BCCI ਨੇ ਇਸ ਘਟਨਾ ਤੋਂ ਪੂਰੀ ਤਰ੍ਹਾਂ ਦੂਰੀ ਬਣਾਈ ਹੈ ਅਤੇ ਇਸ ਨੂੰ ਫ੍ਰੈਂਚਾਈਜ਼ੀ ਦਾ ਪ੍ਰੋਗਰਾਮ ਕਰਾਰ ਦਿਤਾ ਹੈ ਪਰ ਜੇ ਜਾਂਚ ਵਿਚ RCB ਪ੍ਰਬੰਧਨ ਨੂੰ ਗੰਭੀਰ ਲਾਪਰਵਾਹੀ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾਂਦਾ ਹੈ, ਤਾਂ BCCI ਨੂੰ ਨਿਆਂ ਅਤੇ IPL ਦੀ ਭਰੋਸੇਯੋਗਤਾ ਲਈ ਵੱਡੀ ਕਾਰਵਾਈ ਕਰਨੀ ਪੈ ਸਕਦੀ ਹੈ, ਜਿਸ ਵਿਚ ਸੀਮਤ ਸਮੇਂ ਲਈ ਪਾਬੰਦੀ ਵੀ ਸ਼ਾਮਲ ਹੋ ਸਕਦੀ ਹੈ।
ਸੋਸ਼ਲ ਮੀਡੀਆ ਤੇ ਜਨਤਾ ਦਾ ਦਬਾਅ: ਸੋਸ਼ਲ ਮੀਡੀਆ 'ਤੇ RCB 'ਤੇ IPL 2026 ਤੋਂ ਪਾਬੰਦੀ ਦੀ ਮੰਗ ਤੇਜ਼ ਹੋ ਰਹੀ ਹੈ ਪਰ ਅੰਤਮ ਫ਼ੈਸਲਾ ਜਾਂਚ ਰਿਪੋਰਟ ’ਤੇ ਨਿਰਭਰ ਕਰੇਗਾ।
