ਜੇ ਰਾਤ 11 ਵਜੇ ਤਕ ਮੈਚ ਸ਼ੁਰੂ ਨਾ ਹੋਇਆ ਤਾਂ ਭਲਕੇ ਬੁਧਵਾਰ ਦੁਪਹਿਰ 3 ਵਜੇ ਮੈਚ ਸ਼ੁਰੂ ਹੋਵੇਗਾ
ਮੈਨਚੈਸਟਰ : ਵਿਸ਼ਵ ਕੱਪ 2019 ਦੇ ਪਹਿਲੇ ਸੈਮੀਫ਼ਾਈਨਲ 'ਚ ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਮੈਨਚੈਸਟਰ ਦੇ ਓਲਡ ਟ੍ਰੈਫਰਡ ਮੈਦਾਨ 'ਤੇ ਖੇਡਿਆ ਜਾ ਰਿਹਾ ਮੈਚ ਮੀਂਹ ਕਾਰਨ ਰੁੱਕ ਗਿਆ ਹੈ।
Wonder if they're getting Steve Waugh involved today ? #CWC19 | #INDvNZ pic.twitter.com/rVbv2ZPiZk
— Cricket World Cup (@cricketworldcup) 9 July 2019
ਨਿਊਜ਼ੀਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਦਾ ਫ਼ੈਸਲਾ ਕੀਤਾ। ਭਾਰਤ ਨੂੰ ਪਹਿਲੀ ਸਫਲਤਾ ਉਦੋਂ ਮਿਲੀ ਜਦੋਂ ਮਾਰਟਿਨ ਗੁਪਟਿਲ 1 ਦੌੜ ਦੇ ਨਿੱਜੀ ਸਕੋਰ 'ਤੇ ਬੁਮਰਾਹ ਦਾ ਸ਼ਿਕਾਰ ਬਣੇ। ਇਸ ਤੋਂ ਬਾਅਦ ਹੈਨਰੀ ਨਿਕੋਲਸ ਅਤੇ ਕੇਨ ਵਿਲੀਅਮਸਨ ਨੇ ਪਾਰੀ ਨੂੰ ਸੰਭਾਲਿਆ ਅਤੇ ਟੀਮ ਦੇ ਸਕੋਰ ਨੂੰ 50 ਦੇ ਪਾਰ ਲੈ ਗਏ। ਭਾਰਤ ਨੂੰ ਦੂਜੀ ਸਫ਼ਲਤਾ ਹੈਨਰੀ ਨਿਕੋਲਸ (28) ਦੇ ਰੂਪ ਵਿਚ ਰਵਿੰਦਰ ਜਡੇਜਾ ਨੇ ਦਿਵਾਈ।
ICC CWC 2019 : Ind vs NZ match rain stops play
ਇਸ ਦੌਰਾਨ ਕੇਨ ਵਿਲੀਅਮਸਨ ਨੇ ਕਪਤਾਨੀ ਪਾਰੀ ਖੇਡਦਿਆਂ ਆਪਣਾ ਅਰਧ ਸੈਂਕਡ਼ਾ ਪੂਰਾ ਕੀਤਾ ਪਰ ਉਹ ਵੀ ਆਪਣੀ 67 ਤੋਂ ਅੱਗੇ ਨਾ ਲਿਜਾ ਸਕੇ ਅਤੇ ਯੁਜਵੇਂਦਰ ਚਾਹਲ ਦੀ ਗੇਂਦ 'ਤੇ ਰਵਿੰਦਰ ਜਡੇਜਾ ਨੂੰ ਕੈਚ ਦੇ ਬੈਠੇ। ਇਸ ਤੋਂ ਬਾਅਦ ਨੀਸ਼ਮ ਵੀ ਕੁਝ ਖਾਸ ਨਾਲ ਕਰ ਸਕੇ ਅਤੇ 12 ਦੌਡ਼ਾਂ ਬਣਾ ਪੰਡਯਾ ਦੀ ਗੇਂਦ 'ਤੇ ਕਾਰਤਿਕ ਨੂੰ ਕੈਚ ਦੇ ਬੈਠੇ। ਇਕ ਪਾਸੇ ਰੌਸ ਟੇਲਰ ਨੇ ਪਾਰੀ ਸੰਭਾਲੀ ਰੱਖੀ ਅਤੇ ਆਪਣਾ ਅਰਧ ਸੈਂਕਡ਼ਾ ਪੂਰਾ ਕੀਤਾ।
ICC CWC 2019 : Ind vs NZ match rain stops play
ਮੀਂਹ ਕਾਰਨ ਖੇਡ ਰੁਕਣ ਤਕ ਨਿਊਜ਼ੀਲੈਂਡ ਟੀਮ ਨੇ 46.1 ਓਵਰਾਂ 'ਚ 5 ਵਿਕਟਾਂ ਗੁਆ ਕੇ 211 ਦੌੜਾਂ ਬਣਾ ਲਈਆਂ ਸਨ। ਜੇ ਰਾਤ 11 ਵਜੇ ਤਕ ਮੈਚ ਸ਼ੁਰੂ ਨਾ ਹੋਇਆ ਤਾਂ ਭਲਕੇ ਬੁਧਵਾਰ ਦੁਪਹਿਰ 3 ਵਜੇ ਮੈਚ ਸ਼ੁਰੂ ਹੋਵੇਗਾ।
