ਸ਼੍ਰੀਜੇਸ਼ ਦੇ ਸ਼ਾਨਦਾਰ ਖੇਡ ਦੇ ਬਾਵਜੂਦ ਭਾਰਤ ਨੂੰ ਆਸਟਰੇਲੀਆ ਤੋਂ 1-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ 
Published : Apr 10, 2024, 10:00 pm IST
Updated : Apr 10, 2024, 10:00 pm IST
SHARE ARTICLE
File Photo.
File Photo.

ਮੇਜ਼ਬਾਨ ਆਸਟਰੇਲੀਆ ਨੇ ਪੰਜ ਮੈਚਾਂ ਦੀ ਸੀਰੀਜ਼ ’ਚ 3-0 ਦੀ ਅਜੇਤੂ ਲੀਡ ਹਾਸਲ ਕੀਤੀ

ਪਰਥ: ਤਜਰਬੇਕਾਰ ਗੋਲਕੀਪਰ ਪੀ.ਆਰ. ਸ਼੍ਰੀਜੇਸ਼ ਦੇ ਸ਼ਾਨਦਾਰ ਖੇਡ ਦੇ ਬਾਵਜੂਦ ਭਾਰਤ ਨੂੰ ਆਸਟਰੇਲੀਆ ਵਿਰੁਧ ਤੀਜੇ ਪੁਰਸ਼ ਹਾਕੀ ਟੈਸਟ ਮੈਚ ’ਚ 1-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਜਿੱਤ ਨਾਲ ਆਸਟਰੇਲੀਆ ਨੇ ਪੰਜ ਮੈਚਾਂ ਦੀ ਸੀਰੀਜ਼ ’ਚ 3-0 ਦੀ ਅਜੇਤੂ ਲੀਡ ਹਾਸਲ ਕਰ ਲਈ ਹੈ। 

ਪਹਿਲੇ ਦੋ ਟੈਸਟ ਮੈਚਾਂ ’ਚ 1-5 ਅਤੇ 2-4 ਨਾਲ ਹਾਰਨ ਵਾਲੀ ਭਾਰਤੀ ਟੀਮ ਦੀ ਡਿਫੈਂਸ ਅਤੇ ਫਾਰਵਰਡ ਲਾਈਨ ਨੇ ਬਿਹਤਰ ਪ੍ਰਦਰਸ਼ਨ ਕੀਤਾ। ਇਹ ਭਾਰਤੀ ਡਿਫੈਂਸ ਦੇ ਵਿਰੁਧ ਲਗਾਤਾਰ ਹਮਲਾ ਕਰਨ ਵਾਲੇ ਆਸਟਰੇਲੀਆ ਦੇ ਫਰੰਟ ਲਾਈਨ ਵਿਚਾਲੇ ਰਵਾਇਤੀ ਮੈਚ ਵਰਗਾ ਸੀ ਜਿਸ ਵਿਚ ਭਾਰਤੀ ਡਿਫੈਂਸ ਆਖਰਕਾਰ ਹਾਰ ਗਿਆ। ਜੁਗਰਾਜ ਸਿੰਘ ਨੇ ਮੈਚ ਦੇ 41ਵੇਂ ਮਿੰਟ ’ਚ ਪੈਨਲਟੀ ਕਾਰਨਰ ’ਤੇ ਗੋਲ ਕਰ ਕੇ ਭਾਰਤ ਨੂੰ ਲੀਡ ਦਿਵਾਈ ਪਰ ਜੇਰੇਮੀ ਹੇਵਰਡ (44ਵੇਂ ਅਤੇ 49ਵੇਂ ਮਿੰਟ) ਨੇ ਦੋ ਗੋਲ ਕਰ ਕੇ ਮਹਿਮਾਨ ਟੀਮ ਦੀਆਂ ਉਮੀਦਾਂ ’ਤੇ ਪਾਣੀ ਫੇਰ ਦਿਤਾ ਅਤੇ ਆਸਟਰੇਲੀਆ ਨੂੰ ਲਗਾਤਾਰ ਤੀਜੀ ਜਿੱਤ ਦਿਵਾਈ।

ਭਾਰਤ ਨੇ ਮੈਚ ਦੀ ਸ਼ੁਰੂਆਤ ਹਮਲਾਵਰ ਢੰਗ ਨਾਲ ਕੀਤੀ ਪਰ ਆਸਟਰੇਲੀਆ ਪਹਿਲੇ ਕੁਆਰਟਰ ਵਿਚ ਛੇ ਪੈਨਲਟੀ ਕਾਰਨਰ ਹਾਸਲ ਕਰਨ ਵਿਚ ਸਫਲ ਰਿਹਾ। ਆਸਟਰੇਲੀਆ ਦੀ ਟੀਮ ਹਾਲਾਂਕਿ ਭਾਰਤੀ ਡਿਫੈਂਸ ’ਚ ਘੁਸਪੈਠ ਕਰਨ ’ਚ ਅਸਫਲ ਰਹੀ। ਪਹਿਲੇ ਹਾਫ ’ਚ ਸ਼ਾਨਦਾਰ ਪ੍ਰਦਰਸ਼ਨ ਦਾ ਸਿਹਰਾ ਦੋਹਾਂ ਭਾਰਤੀ ਗੋਲਕੀਪਰਾਂ (ਸ਼੍ਰੀਜੇਸ਼ ਅਤੇ ਕ੍ਰਿਸ਼ਨ ਬਹਾਦੁਰ ਪਾਠਕ) ਨੂੰ ਦਿਤਾ ਜਾਣਾ ਚਾਹੀਦਾ ਹੈ। ਆਸਟਰੇਲੀਆ ਨੂੰ ਚੌਥੇ ਮਿੰਟ ’ਚ ਪੈਨਲਟੀ ਕਾਰਨਰ ਦੇ ਰੂਪ ’ਚ ਪਹਿਲਾ ਗੋਲ ਕਰਨ ਦਾ ਮੌਕਾ ਮਿਲਿਆ ਪਰ ਸ਼੍ਰੀਜੇਸ਼ ਨੇ ਸੱਜੇ ਪਾਸੇ ਸ਼ਾਨਦਾਰ ਗੋਤਾ ਲਗਾ ਕੇ ਹੈਵਰਡ ਦੀ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿਤਾ। ਪੰਜ ਮਿੰਟ ਬਾਅਦ ਆਸਟਰੇਲੀਆ ਨੂੰ ਤਿੰਨ ਹੋਰ ਪੈਨਲਟੀ ਕਾਰਨਰ ਮਿਲੇ ਪਰ ਟੀਮ ‘ਦਿ ਗ੍ਰੇਟ ਇੰਡੀਅਨ ਵਾਲ’ (ਸ਼੍ਰੀਜੇਸ਼) ਨੂੰ ਪਾਰ ਕਰਨ ’ਚ ਅਸਫਲ ਰਹੀ। ਭਾਰਤੀ ਖਿਡਾਰੀਆਂ ਨੇ ਵੀ ਇਸ ਤੋਂ ਬਾਅਦ ਗੇਂਦ ’ਤੇ ਚੰਗੀ ਪਕੜ ਬਣਾਈ ਅਤੇ ਪੈਨਲਟੀ ਕਾਰਨਰ ਵੀ ਮਿਲਿਆ ਪਰ ਕਪਤਾਨ ਹਰਮਨਪ੍ਰੀਤ ਸਿੰਘ ਦੀ ਕੋਸ਼ਿਸ਼ ਨੂੰ ਆਸਟਰੇਲੀਆਈ ਗੋਲਕੀਪਰ ਨੇ ਬਚਾ ਲਿਆ। 

ਆਸਟਰੇਲੀਆ ਨੇ ਪਹਿਲੇ ਕੁਆਰਟਰ ਵਿਚ ਦੋ ਹੋਰ ਮੌਕੇ ਬਣਾਏ ਪਰ ਭਾਰਤੀ ਡਿਫੈਂਸ ਮਜ਼ਬੂਤ ਸੀ। ਆਸਟਰੇਲੀਆ ਨੇ ਦੂਜੇ ਕੁਆਰਟਰ ’ਚ ਖੇਡ ਦੀ ਗਤੀ ਨੂੰ ਬਦਲਣ ਦੀ ਕੋਸ਼ਿਸ਼ ਕੀਤੀ ਅਤੇ ਤੇਜ਼ ਹਾਕੀ ਨਾਲ ਭਾਰਤ ’ਤੇ ਦਬਾਅ ਬਣਾਈ ਰੱਖਿਆ। ਗੋਲਕੀਪਿੰਗ ’ਚ ਸ਼੍ਰੀਜੇਸ਼ ਤੋਂ ਬਾਅਦ ਪਾਠਕ ਦੀ ਵਾਰੀ ਚੰਗਾ ਪ੍ਰਦਰਸ਼ਨ ਕਰਨ ਦੀ ਸੀ। ਉਸ ਨੇ ਪਹਿਲਾਂ ਆਸਟਰੇਲੀਆ ਦੇ ਕਪਤਾਨ ਅਰਾਨ ਜ਼ਲੇਵਸਕੀ ਦੀ ਕੋਸ਼ਿਸ਼ ਨੂੰ ਅਪਣੀ ਛਾਤੀ ਤੋਂ ਰੋਕਿਆ ਅਤੇ ਫਿਰ ਟਿਮ ਬ੍ਰਾਂਡ ਦੇ ਝਟਕੇ ਨੂੰ ਗੋਲ ਪੋਸਟ ਤੋਂ ਹਟਾ ਦਿਤਾ। ਆਸਟਰੇਲੀਆ ਨੇ ਅੰਤ ਬਦਲਣ ਤੋਂ ਬਾਅਦ ਵੀ ਖੇਡ ’ਤੇ ਦਬਦਬਾ ਜਾਰੀ ਰੱਖਿਆ ਅਤੇ ਜਲਦੀ ਹੀ ਇਕ ਹੋਰ ਸੈੱਟ ਪੀਸ ਹਾਸਲ ਕਰ ਲਿਆ ਪਰ ਜੋਏਲ ਰਿਨਤਾਲਾ ਦੀ ਫਲਿੱਕ ਕੰਮ ਨਹੀਂ ਕਰ ਸਕੀ।

ਭਾਰਤ ਨੇ ਅਪਣੇ ਦੂਜੇ ਪੈਨਲਟੀ ਕਾਰਨਰ ’ਤੇ ਜੁਗਰਾਜ ਦੇ ਬਿਜਲੀ ਦੀ ਤੇਜ਼ੀ ਵਰਗੇ ਸ਼ਾਟ ਨਾਲ ਲੀਡ ਹਾਸਲ ਕੀਤੀ। ਇਕ ਗੋਲ ਨਾਲ ਪਿੱਛੇ ਰਹਿਣ ਤੋਂ ਬਾਅਦ ਆਸਟਰੇਲੀਆ ਨੂੰ ਮਜ਼ਬੂਤ ਹਮਲੇ ਦੇ ਦਮ ’ਤੇ ਦੋ ਹੋਰ ਪੈਨਲਟੀ ਕਾਰਨਰ ਮਿਲੇ ਪਰ ਉਹ ਸ਼੍ਰੀਜੇਸ਼ ਨੂੰ ਹਰਾ ਨਹੀਂ ਸਕੇ। ਅਮਿਤ ਰੋਹਿਦਾਸ ਦੀ ਰੱਖਿਆਤਮਕ ਗਲਤੀ ਨੇ ਆਸਟਰੇਲੀਆ ਨੂੰ ਵਾਪਸੀ ਕਰਨ ਦਾ ਮੌਕਾ ਦਿਤਾ। ਰੋਹਿਦਾਸ ਸਰਕਲ ਦੇ ਅੰਦਰ ਰਹਿਣ ’ਚ ਅਸਫਲ ਰਿਹਾ ਅਤੇ ਆਸਟਰੇਲੀਆਈ ਸਟ੍ਰਾਈਕਰ ਨੂੰ ਰੋਕਣ ਲਈ ਪੈਨਲਟੀ ਸਟ੍ਰੋਕ ਮਨਜ਼ੂਰ ਕੀਤਾ। ਹੈਵਰਡ ਨੇ ਆਸਟਰੇਲੀਆ ਲਈ ਬਰਾਬਰੀ ਦਾ ਗੋਲ ਕੀਤਾ। ਆਸਟਰੇਲੀਆਈ ਖਿਡਾਰੀ ਨੇ ਆਖ਼ਰੀ ਕੁਆਰਟਰ ’ਚ ਦੋ ਹੋਰ ਪੈਨਲਟੀ ਕਾਰਨਰ ਹਾਸਲ ਕੀਤੇ ਅਤੇ ਦੂਜੇ ਸਥਾਨ ’ਤੇ ਹੈਵਰਡ ਨੇ ਸ਼੍ਰੀਜੇਸ਼ ਨੂੰ ਜ਼ਬਰਦਸਤ ਫਲਿੱਕ ਦੇ ਕੇ ਚਕਮਾ ਦਿਤਾ। ਹੂਟਰ ਵੱਜਣ ਤੋਂ ਅੱਠ ਮਿੰਟ ਪਹਿਲਾਂ ਲਲਿਤ ਉਪਾਧਿਆਏ ਦੇ ਗੋਲ ਨੂੰ ਆਸਟਰੇਲੀਆਈ ਗੋਲਕੀਪਰ ਨੇ ਰੋਕ ਦਿਤਾ। ਆਸਟਰੇਲੀਆ ਨੂੰ ਅਪਣਾ 12ਵਾਂ ਪੈਨਲਟੀ ਕਾਰਨਰ ਮਿਲਿਆ ਪਰ ਉਹ ਇਸ ਮੌਕੇ ’ਤੇ ਅਪਣੀ ਲੀਡ ਵਧਾਉਣ ਵਿਚ ਅਸਫਲ ਰਿਹਾ। ਸੀਰੀਜ਼ ਦਾ ਚੌਥਾ ਟੈਸਟ ਸ਼ੁਕਰਵਾਰ ਨੂੰ ਖੇਡਿਆ ਜਾਵੇਗਾ।

SHARE ARTICLE

ਏਜੰਸੀ

Advertisement

Punjab Weather Update : ਬੱਚਿਆਂ ਦੀ ਜਾਨ ਲੈ ਸਕਦੀਆਂ ਨੇ ਗਰਮ ਹਵਾਵਾਂ, ਡਾਕਟਰ ਨੇ ਦੱਸਿਆ ਬਚਾਅ !

19 May 2024 5:13 PM

Spokesman Live || Sidhi Gaal || Public Review Elections 2024

19 May 2024 4:41 PM

ਰੈਲੀ ਦੌਰਾਨ Karamjit Anmol ਕਰ ਗਏ ਵੱਡਾ ਦਾਅਵਾ Anmol ਦਾ ਸਾਥ ਦੇਣ ਲਈ ਪਹੁੰਚੇ ਵੱਡੇ ਪੰਜਾਬੀ ਕਲਾਕਾਰ.......

19 May 2024 4:26 PM

ਸ੍ਰੀ ਫ਼ਤਿਹਗੜ੍ਹ ਸਾਹਿਬ 'ਚ ਕੌਣ ਮਾਰੇਗਾ ਬਾਜ਼ੀ? ਕਿਹੜੇ ਉਮੀਦਵਾਰ ਦਾ ਪਲੜਾ ਭਾਰੀ?ਕੀ ਕਾਂਗਰਸ ਬਚਾਅ ਸਕੇਗੀ ਆਪਣਾ ਕਿਲ੍ਹ

19 May 2024 1:18 PM

2 ਤਰੀਕ ਨੂੰ ਵੱਜਣਗੇ ਛਿੱਤਰ,Hans Raj Hans ਨੇ ਬਣਾਈ List! ਵਾਲੀਬਾਲ ਤੇ ਚਿੱੜੀ ਛਿੱਕਾ ਵੀ ਖੇਡ ਲੈਦੇ ਨੇ ਚੰਨੀ ਸਾਬ੍ਹ

19 May 2024 12:52 PM
Advertisement