ਕ੍ਰਿਕਟਰ ਜਸਪ੍ਰੀਤ ਬੁਮਰਾਹ ਨੇ ਸਟਾਰ ਸਪੋਰਟਸ ਪ੍ਰੇਜੇਂਟਰ ਸੰਜਨਾ ਗਨੇਸ਼ਨ ਦੇ ਨਾਲ...
ਨਵੀਂ ਦਿੱਲੀ: ਕ੍ਰਿਕਟਰ ਜਸਪ੍ਰੀਤ ਬੁਮਰਾਹ ਨੇ ਸਟਾਰ ਸਪੋਰਟਸ ਪ੍ਰੇਜੇਂਟਰ ਸੰਜਨਾ ਗਨੇਸ਼ਨ ਦੇ ਨਾਲ ਵਿਆਹ ਕਰਵਾ ਲਿਆ ਹੈ। ਸੰਜਨਾ ਨੇ ਸੋਸ਼ਲ ਮੀਡੀਆ ਉਤੇ ਇਸਦੀ ਤਸਵੀਰ ਵੀ ਸਾਂਝੀ ਕੀਤੀ ਹੈ। ਦੱਸ ਦਈਏ ਕਿ ਵਿਆਹ ਕਰਾਉਣ ਦੇ ਕਾਰਨ ਹੀ ਬੁਮਰਾਹ ਇਸ ਸਮੇਂ ਭਾਰਤੀ ਟੀਮ ਵੱਲੋਂ ਨਹੀਂ ਖੇਡ ਰਹੇ। ਦੋਨਾਂ ਦਾ ਵਿਆਹ ਗੋਆ ਚ ਹੋਇਆ ਹੈ। ਦੋਨਾਂ ਦੇ ਵਿਆਹ ਦੀ ਚਰਚਾ ਕਈਂ ਦਿਨਾਂ ਤੋਂ ਚੱਲ ਰਹੀ ਸੀ। ਜਸਪ੍ਰੀਤ ਬੁਮਰਾਹ ਅਤੇ ਸੰਜਨਾ ਵੱਲੋਂ ਵਿਆਹ ਨੂੰ ਪ੍ਰਾਈਵੇਟ ਰੱਖਿਆ ਗਿਆ ਜਿਸ ਸਿਰਫ਼ ਵਿਚ ਪਰਿਵਾਰ ਵਾਲੇ ਹੀ ਸ਼ਾਮਲ ਰਹੇ।
Jaspreet Bumrah
ਸੰਜਨਾ ਨੇ ਸੋਸ਼ਲ ਮੀਡੀਆ ਉਤੇ ਵਿਆਹ ਦੀ ਤਸਵੀਰ ਸ਼ੇਅਰ ਕੀਤੀ ਤੇ ਲਿਖਿਆ, “ਪਿਆਰ ਤੋਂ ਪ੍ਰੇਰਿਤ ਹੋਕੇ, ਅਸੀਂ ਇਕੱਠਿਆ ਇਕ ਨਵੀਂ ਯਾਤਰਾ ਸ਼ੁਰੂ ਕੀਤੀ ਹੈ। ਅੱਜ ਸਾਡੇ ਜੀਵਨ ਦੇ ਸਭ ਤੋਂ ਖੁਸ਼ੀ ਦੇ ਦਿਨਾਂ ਵਿਚੋਂ ਇਕ ਹੈ ਅਤੇ ਅਸੀਂ ਅਪਣੇ ਵਿਆਹ ਦੀਆਂ ਖਬਰਾਂ ਅਤੇ ਅਪਣੀ ਖੁਸ਼ੀ ਤੁਹਾਡੇ ਨਾਲ ਸਾਝੀ ਕਰਨ ਵਿਚ ਖੁਸ਼ੀ ਮਹਿਸੂਸ ਕਰ ਰਹੇ ਹਾਂ। ਸੰਜਨਾ ਤੇ ਜਸਪ੍ਰੀਤ..”
“Love, if it finds you worthy, directs your course.”
— Jasprit Bumrah (@Jaspritbumrah93) March 15, 2021
Steered by love, we have begun a new journey together. Today is one of the happiest days of our lives and we feel blessed to be able to share the news of our wedding and our joy with you.
Jasprit & Sanjana pic.twitter.com/EQuRUNa0Xc
ਦੱਸ ਦਈਏ ਕਿ ਆਈਪੀਐਲ ਦੌਰਾਨ ਸੰਜਨਾ ਕ੍ਰਿਕਟ ਦੀ ਐਕਰਿੰਗ ਕਰਦੀ ਹੁੰਦੀ ਸੀ, ਇਹ ਹੀ ਨਹੀਂ 2009 ਵਿਸ਼ਵ ਕੱਪ ਦੌਰਾਨ ਵੀ ਟੀਵੀ ਸਪੋਰਟਸ ਚੈਨਲ ਦੇ ਲਈ ਐਂਕਰਿੰਗ ਕਰਦੀ ਹੋਈ ਨਜ਼ਰ ਆਈ ਸੀ। ਬੁਮਰਾਹ ਨਾਲ ਵਿਆਹ ਕਰਾਉਣ ਵਾਲੀ ਸੰਜਨਾ ਆਈਪੀਐਲ ਵਿਚ ਕੇਕੇਆਰ ਦੇ ਲਈ ਸਪੈਸ਼ਲ ਸ਼ੋਅ ਨਾਈਟ ਕਲੱਬ ਹੋਸਟ ਕਰਦੀ ਹੈ। ਉਥੇ ਹੀ, ਕਈਂ ਕ੍ਰਿਕਟ ਸ਼ੋਅ ਵਿਚ ਐਂਕਰਿੰਗ ਕਰਦੇ ਹੋਏ ਦੇਖਿਆ ਗਿਆ ਹੈ।
Anand Karj
ਦੱਸ ਦਈਏ ਕਿ ਸੰਜਨਾ ਗਨੇਸ਼ਨ ਨੇ ਅਪਣੇ ਟੀਵੀ ਦੀ ਸ਼ੁਰੂਆਤ ਲੋਕ ਪਸੰਦੀਦਾ ਰਿਅਲਿਟੀ ਸ਼ੋਅ ਐਮਟੀਵੀ ਸਿਪਲਟਸਵਿਲਾ 7 ਤੋਂ ਕੀਤੀ ਸੀ। ਬੁਮਰਾਹ ਨੇ ਵੀ ਅਪਣੇ ਸੋਸ਼ਲ ਮੀਡੀਆ ਅਕਾਉਂਟ ਉਤੇ ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਜਿਸ ਉਤੇ ਕ੍ਰਿਕਟਰ ਖੂਬ ਕੁਮੈਂਟ ਕਰ ਰਹੇ ਹਨ। ਸ਼ਿਖਰ ਧਵਨ, ਕੇਐਲ ਰਾਹੁਲ ਅਤੇ ਕੁਨਾਲ ਪਾਂਡੇ ਨੇ ਦੋਨਾਂ ਨੂੰ ਵਿਆਹ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਤਸਵੀਰ ਉਤੇ ਕੁਮੈਂਟ ਕੀਤੇ ਹਨ। ਦੋਨਾਂ ਨੇ ਗੁਰਦੁਆਰੇ ਵਿਚ ਪਰਵਾਰ ਵਾਲਿਆਂ ਦੀ ਮੌਜੂਦਗੀ ਵਿਚ ਵਿਆਹ ਕਰਵਾਇਆ ਹੈ।
