ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਫਾਈਨਲ 19 ਨਵੰਬਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਦੁਪਹਿਰ 2 ਵਜੇ ਖੇਡਿਆ ਜਾਣਾ ਹੈ।

World Cup Final: ਆਈਸੀਸੀ ਵਨ ਡੇ ਕ੍ਰਿਕਟ ਵਿਸ਼ਵ ਕੱਪ-2023 ਦੇ ਫਾਈਨਲ ਤੋਂ ਇਕ ਦਿਨ ਪਹਿਲਾਂ ਅਹਿਮਦਾਬਾਦ ਜਾਣ ਵਾਲੀ ਉਡਾਣ ਲਈ ਇਕ ਤਰਫਾ ਟਿਕਟ ਦੀ ਕੀਮਤ 6-7 ਗੁਣਾ ਵਧ ਗਈ ਹੈ। ਮੁੰਬਈ, ਦਿੱਲੀ ਅਤੇ ਬੈਂਗਲੁਰੂ ਵਰਗੇ ਸ਼ਹਿਰਾਂ ਤੋਂ ਅਹਿਮਦਾਬਾਦ ਵਿਚ ਕਿਰਾਏ ਵਿਚ 30,000 ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਫਾਈਨਲ 19 ਨਵੰਬਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਦੁਪਹਿਰ 2 ਵਜੇ ਖੇਡਿਆ ਜਾਣਾ ਹੈ।

ਮੈਚ ਦੇ ਕਾਰਨ, ਇੰਡੀਗੋ ਸ਼ਨਿਚਰਵਾਰ ਨੂੰ ਬੈਂਗਲੁਰੂ ਤੋਂ ਅਹਿਮਦਾਬਾਦ ਲਈ ਛੇ ਸਿੱਧੀਆਂ ਉਡਾਣਾਂ ਚਲਾ ਰਹੀ ਹੈ। ਸਵੇਰ ਦੀ ਟਿਕਟ ਦੀ ਕੀਮਤ 30,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਆਮ ਦਿਨਾਂ 'ਤੇ, ਬੈਂਗਲੁਰੂ ਤੋਂ ਅਹਿਮਦਾਬਾਦ ਲਈ ਇਕ ਤਰਫਾ ਫਲਾਈਟ ਟਿਕਟ ਦੀ ਸ਼ੁਰੂਆਤੀ ਕੀਮਤ 5,700 ਰੁਪਏ ਹੈ। ਇਸ ਦੇ ਨਾਲ ਹੀ ਅਹਿਮਦਾਬਾਦ ਦੇ ਇਕ ਲਗਜ਼ਰੀ ਹੋਟਲ ਦਾ ਰਾਤ ਦਾ ਕਿਰਾਇਆ 2 ਲੱਖ ਰੁਪਏ ਤਕ ਪਹੁੰਚ ਗਿਆ ਹੈ।

ਇਕ ਈ-ਕਾਮਰਸ ਫਰਮ ਦੇ ਮੈਨੇਜਰ ਮਧੂ ਪ੍ਰਸਾਦ (31)  ਨੇ ਦਸਿਆ ਕਿ ਉਸ ਨੇ ਭਾਰਤ ਅਤੇ ਆਸਟ੍ਰੇਲੀਆ ਵਿਸ਼ਵ ਕੱਪ ਫਾਈਨਲ ਮੈਚ ਦੇਖਣ ਲਈ ਸ਼ਨਿਚਰਵਾਰ ਰਾਤ ਨੂੰ ਬੈਂਗਲੁਰੂ ਤੋਂ ਅਹਿਮਦਾਬਾਦ ਲਈ ਰਾਤ 9:00 ਵਜੇ ਦੀ ਇੰਡੀਗੋ ਫਲਾਈਟ ਦੀ ਟਿਕਟ ਬੁੱਕ ਕੀਤੀ ਹੈ। ਉਸ ਨੂੰ ਇਹ ਟਿਕਟ 32,999 ਰੁਪਏ ਵਿਚ ਮਿਲੀ। ਇਨ੍ਹਾਂ ਤੋਂ ਇਲਾਵਾ ਹੋਰ ਵੀ ਕਈ ਲੋਕਾਂ ਨੇ ਮਹਿੰਗੀਆਂ ਟਿਕਟਾਂ ਬੁੱਕ ਕਰਵਾਈਆਂ ਹਨ।

ਅਹਿਮਦਾਬਾਦ ਦੇ ਗੁਆਂਢੀ ਜ਼ਿਲ੍ਹੇ ਵਡੋਦਰਾ ਲਈ ਟਿਕਟਾਂ ਦੀਆਂ ਕੀਮਤਾਂ ਵੀ ਵਧ ਗਈਆਂ ਹਨ। ਵਡੋਦਰਾ ਤੋਂ ਸੜਕ ਦੁਆਰਾ ਅਹਿਮਦਾਬਾਦ ਲਗਭਗ ਦੋ ਘੰਟਿਆਂ ਵਿਚ ਪਹੁੰਚਿਆ ਜਾ ਸਕਦਾ ਹੈ। ਮੁੰਬਈ, ਦਿੱਲੀ ਅਤੇ ਬੈਂਗਲੁਰੂ ਤੋਂ ਵਡੋਦਰਾ ਤਕ ਫਲਾਈਟ ਦਾ ਕਿਰਾਇਆ 20,000-25,000 ਰੁਪਏ ਤਕ ਪਹੁੰਚ ਗਿਆ ਹੈ।

ਹੋਟਲ ਦਾ ਕਿਰਾਇਆ 2 ਲੱਖ ਰੁਪਏ ਤਕ ਪਹੁੰਚਿਆ

ਅਹਿਮਦਾਬਾਦ ਵਿਚ 4 ਸਟਾਰ, 5 ਸਟਾਰ ਅਤੇ 7 ਸਟਾਰ ਵਰਗੇ ਲਗਜ਼ਰੀ ਹੋਟਲਾਂ ਦਾ ਰਾਤ ਦਾ ਕਿਰਾਇਆ ਵੀ 2 ਲੱਖ ਰੁਪਏ ਤਕ ਪਹੁੰਚ ਗਿਆ ਹੈ। ਆਮ ਤੌਰ 'ਤੇ ਉਨ੍ਹਾਂ ਦਾ ਕਿਰਾਇਆ 20-25 ਹਜ਼ਾਰ ਰੁਪਏ ਹੈ। ਇਸ ਦੇ ਨਾਲ ਹੀ ਇਕ ਆਮ ਹੋਟਲ ਦਾ ਕਿਰਾਇਆ ਵੀ 10,000 ਰੁਪਏ ਹੋ ਗਿਆ ਹੈ।

 (For more news apart from World Cup Final: Ahmedabad hotels charge and flight tickets up, stay tuned to Rozana Spokesman)