21 ਜੁਲਾਈ ਤੋਂ 29 ਅਗਸਤ ਤੱਕ ਚੱਲੇਗਾ ਕੈਂਪ
Hockey India: ਹਾਕੀ ਇੰਡੀਆ ਨੇ 21 ਜੁਲਾਈ ਤੋਂ 29 ਅਗਸਤ ਤੱਕ ਇੱਥੇ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ ਸੈਂਟਰ (SAI) ਵਿਖੇ ਹੋਣ ਵਾਲੇ ਸੀਨੀਅਰ ਮਹਿਲਾ ਰਾਸ਼ਟਰੀ ਕੋਚਿੰਗ ਕੈਂਪ ਲਈ 40 ਖਿਡਾਰੀਆਂ ਦੇ ਨਾਵਾਂ ਦਾ ਐਲਾਨ ਕੀਤਾ।
ਇਹ ਕੈਂਪ 5 ਸਤੰਬਰ ਤੋਂ ਚੀਨ ਦੇ ਹਾਂਗਜ਼ੂ ਵਿੱਚ ਹੋਣ ਵਾਲੇ ਮਹਿਲਾ ਏਸ਼ੀਆ ਕੱਪ ਦੇ ਮੱਦੇਨਜ਼ਰ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਹ ਟੂਰਨਾਮੈਂਟ 2026 FIH ਮਹਿਲਾ ਵਿਸ਼ਵ ਕੱਪ ਲਈ ਸਿੱਧੇ ਕੁਆਲੀਫਾਈ ਦਾ ਸਾਧਨ ਵੀ ਹੋਵੇਗਾ।
ਪਿਛਲੇ ਕੈਂਪ ਵਿੱਚ ਸ਼ਾਮਲ ਸਾਰੀਆਂ ਖਿਡਾਰੀਆਂ ਨੂੰ ਇਸ ਵਿੱਚ ਵੀ ਮੌਕਾ ਦਿੱਤਾ ਗਿਆ ਹੈ।
ਭਾਰਤੀ ਮਹਿਲਾ ਹਾਕੀ ਟੀਮ ਦੇ ਮੁੱਖ ਕੋਚ ਹਰਿੰਦਰ ਸਿੰਘ ਨੇ ਇੱਕ ਰਿਲੀਜ਼ ਵਿੱਚ ਕਿਹਾ, "ਇਹ ਕੈਂਪ ਬਹੁਤ ਮਹੱਤਵਪੂਰਨ ਸਮੇਂ 'ਤੇ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਏਸ਼ੀਆ ਕੱਪ ਇੱਕ ਵੱਕਾਰੀ ਟੂਰਨਾਮੈਂਟ ਹੈ ਅਤੇ ਇਹ 2026 ਦੇ ਵਿਸ਼ਵ ਕੱਪ ਵਿੱਚ ਸਿੱਧਾ ਸਥਾਨ ਬਣਾਉਣ ਦਾ ਇੱਕ ਸਾਧਨ ਵੀ ਹੈ। ਸਾਡਾ ਪੂਰਾ ਧਿਆਨ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਆਪਣੇ ਆਪ ਨੂੰ ਤਿਆਰ ਕਰਨ 'ਤੇ ਹੋਵੇਗਾ।"
ਉਨ੍ਹਾਂ ਕਿਹਾ, "ਅਸੀਂ ਪ੍ਰਦਰਸ਼ਨ ਵਿੱਚ ਇਕਸਾਰਤਾ ਬਣਾਈ ਰੱਖਣ ਲਈ ਪਿਛਲੇ ਕੈਂਪ ਦੇ ਕੋਰ ਗਰੁੱਪ ਨੂੰ ਬਰਕਰਾਰ ਰੱਖਿਆ ਹੈ। ਸਾਨੂੰ ਯੂਰਪ ਵਿੱਚ ਪ੍ਰੋ ਲੀਗ ਵਿੱਚ ਲੋੜੀਂਦੇ ਨਤੀਜੇ ਨਹੀਂ ਮਿਲੇ ਪਰ ਇਹ ਕੈਂਪ ਸਾਨੂੰ ਆਤਮ-ਪੜਚੋਲ ਕਰਨ ਅਤੇ ਮਜ਼ਬੂਤੀ ਨਾਲ ਵਾਪਸੀ ਕਰਨ ਦਾ ਮੌਕਾ ਦੇਵੇਗਾ।”
ਭਾਰਤੀ ਸੀਨੀਅਰ ਕੋਰ ਗਰੁੱਪ ਦੀ ਸੂਚੀ ਇਸ ਪ੍ਰਕਾਰ ਹੈ।
ਗੋਲਕੀਪਰ: ਸਵਿਤਾ, ਬਿਛੂ ਦੇਵੀ ਖਰੀਬਮ, ਬੰਸਾਰੀ ਸੋਲੰਕੀ, ਮਾਧੁਰੀ ਕਿੰਦੋ, ਸਮੀਕਸ਼ਾ ਸਕਸੈਨਾ
ਡਿਫੈਂਡਰ: ਮਹਿਮਾ ਚੌਧਰੀ, ਨਿੱਕੀ ਪ੍ਰਧਾਨ, ਸੁਸ਼ੀਲਾ ਚਾਨੂ, ਉਦਿਤਾ, ਇਸ਼ਿਕਾ ਚੌਧਰੀ, ਜੋਤੀ ਛੱਤਰੀ, ਜੋਤੀ, ਅਕਸ਼ਾ ਢੇਕਲੇ, ਅੰਜਨਾ ਡੰਗਡੁੰਗ, ਸੁਮਨ ਦੇਵੀ।
ਮਿਡਫੀਲਡਰ: ਸੁਜਾਤਾ ਕੁਜੂਰ, ਵੈਸ਼ਨਵੀ ਵਿੱਠਲ ਫਾਲਕੇ, ਨੇਹਾ, ਸਲੀਮਾ ਟੇਟੇ, ਮਨੀਸ਼ਾ ਚੌਹਾਨ, ਅਜ਼ਮੀਨਾ ਕੁਜੂਰ, ਸੁਨੇਲਿਤਾ ਟੋਪੋ, ਲਾਲਰੇਮਸਿਆਮੀ, ਸ਼ਰਮੀਲਾ ਦੇਵੀ, ਬਲਜੀਤ ਕੌਰ, ਮਹਿਮਾ ਟੇਟੇ, ਅਲਬੇਲਾ ਰਾਣੀ ਟੋਪੋ, ਪੂਜਾ ਯਾਦਵ।
ਫਾਰਵਰਡ: ਦੀਪੀਮੋਨਿਕਾ ਟੋਪੋ, ਰਿਤਿਕਾ ਸਿੰਘ, ਦੀਪਿਕਾ ਸੋਰੇਂਗ, ਨਵਨੀਤ ਕੌਰ, ਸੰਗੀਤਾ ਕੁਮਾਰੀ, ਦੀਪਿਕਾ, ਰੁਤੁਜਾ ਪਿਸਲ, ਬਿਊਟੀ ਡੰਗਡੰਗ, ਮੁਮਤਾਜ਼ ਖਾਨ, ਅੰਨੂ, ਚੰਦਨਾ ਜਗਦੀਸ਼, ਕਾਜਲ ਅਟਪਡਕਰ।
