ਪੰਕਜ ਅਡਵਾਨੀ ਫਿਰ ਵਰਲਡ ਚੈਂਪੀਅਨ ਬਣ ਗਏ ਹਨ। ਅਪਣੇ ਲਈ ਉਨ੍ਹਾਂ ਨੇ ਖਿਤਾਬ ਨੰਬਰ 21 ‘ਤੇ ਕਬਜਾ...
ਨਵੀਂ ਦਿੱਲੀ (ਭਾਸ਼ਾ) : ਪੰਕਜ ਅਡਵਾਨੀ ਫਿਰ ਵਰਲਡ ਚੈਂਪੀਅਨ ਬਣ ਗਏ ਹਨ। ਅਪਣੇ ਲਈ ਉਨ੍ਹਾਂ ਨੇ ਖਿਤਾਬ ਨੰਬਰ 21 ‘ਤੇ ਕਬਜਾ ਕੀਤਾ ਹੈ। ਬੈਂਗਲੁਰੂ ਦੇ 33 ਸਾਲ ਦੇ ਦਿੱਗਜ ਕਿਊ ਖਿਡਾਰੀ ਨੇ ਐਤਵਾਰ ਨੂੰ ਯੰਗੂਨ ਵਿਚ ਆਈਬੀਐਸਐਫ ਵਿਸ਼ਵ ਬਿਲੀਅਰਡਸ ਚੈਂਪੀਅਨਸ਼ਿਪ ਦੇ ਲੰਬੇ ਅਤੇ ਛੋਟੇ ਦੋਵਾਂ ਫਾਰਮੈਟਾਂ ਦੇ ਖਿਤਾਬ ਦਾ ਰਿਕਾਰਡ ਚੌਥੀ ਵਾਰ ਅਪਣੇ ਨਾਮ ਕੀਤਾ ਹੈ।
Pankaj Advaniਅਡਵਾਨੀ ਨੇ ਫਾਈਨਲ ਵਿਚ ਦੋ ਵਾਰ ਦੇ ਏਸ਼ਿਆਈ ਗੋਲਡ ਮੈਡਲ ਜੇਤੂ ਭਾਰਤ ਦੇ ਹੀ ਬੀ ਭਾਸਕਰ ਨੂੰ ਫਰਸਟ ਟੂ 1500 (1500 ਅੰਕ ਪਹਿਲਾਂ ਪੂਰਾ ਕਰਨ ਦਾ ਫਾਰਮੈਟ) ਮੁਕਾਬਲੇ ਵਿਚ ਹਾਰ ਦਿਤੀ। ਅਡਵਾਨੀ ਨੇ 190 ਦੀ ਬ੍ਰੇਕ ਦੇ ਨਾਲ ਸ਼ੁਰੁਆਤ ਕਰਨ ਤੋਂ ਬਾਅਦ 173 ਅਤੇ 198 ਦਾ ਬ੍ਰੇਕ ਬਣਾ ਕੇ ਭਾਸਕਰ ‘ਤੇ ਵੱਡੀ ਵਾਧੇ ਦੀ ਪੋਜ਼ੀਸ਼ਨ ਕਾਇਮ ਕਰ ਲਈ ਹੈ। ਉਹ ਜਦੋਂ 1000 ਅੰਕ ਤੱਕ ਪਹੁੰਚੇ ਉਸ ਸਮੇਂ ਭਾਸਕਰ ਦੇ ਸਿਰਫ਼ 206 ਅੰਕ ਸਨ।
Advani wins double titleਅਡਵਾਣੀ ਦੁਨੀਆ ਦੇ ਇਕਲੌਤੇ ਖਿਡਾਰੀ ਹਨ ਜੋ ਵਿਸ਼ਵ ਪੱਧਰ ‘ਤੇ ਬਿਲੀਅਰਡਸ ਅਤੇ ਸਨੂਕਰ ਖੇਡਦੇ ਹਨ ਅਤੇ ਲਗਾਤਾਰ ਜਿੱਤ ਹਾਸਲ ਕਰਦੇ ਹਨ। ਅਡਵਾਣੀ ਇਸ ਸਾਲ ਤਿੰਨ ਵਿਸ਼ਵ ਖਿਤਾਬ ਜਿੱਤ ਚੁੱਕੇ ਹਨ। ਪੰਕਜ ਅਡਵਾਨੀ ਨੇ ਤਿੰਨ ਦਿਨ ਪਹਿਲਾਂ ਹੀ 150-ਅਪ ਫਾਰਮੈਟ ਵਿਚ ਅਪਣਾ ਲਗਾਤਾਰ ਤੀਜਾ ਆਈਬੀਐਸਐਫ ਬਿਲੀਅਰਡਸ ਖਿਤਾਬ ਜਿੱਤਿਆ ਸੀ। ਜਿਸ ਨਾਲ ਉਨ੍ਹਾਂ ਦੇ ਕੁਲ ਵਿਸ਼ਵ ਖਿਤਾਬਾਂ ਦੀ ਗਿਣਤੀ 20 ਹੋ ਗਈ ਸੀ।
Pankaj Advaniਅਡਵਾਨੀ ਨੇ ਬੇਹੱਦ ਰੋਮਾਂਚਕ ਫਾਈਨਲ ਵਿਚ ਮਿਆਮਾਂਰ ਦੇ ਨਾਏ ਥਵਾਏ ਓ ਨੂੰ ਹਰਾਇਆ ਸੀ। ਅਡਵਾਨੀ ਨੇ ਫਾਈਨਲ ਵਿਚ 6-2 (150-21, 0 -151, 151- 0, 4 -151, 151- 11, 150 -81, 151 -109, 151 -0) ਨਾਲ ਜਿੱਤ ਦਰਜ ਕੀਤੀ। ਅਡਵਾਨੀ ਦੁਨੀਆ ਦੇ ਇਕ ਮਾਤਰ ਅਜਿਹੇ ਖਿਡਾਰੀ ਹਨ, ਜਿਨ੍ਹਾਂ ਨੇ ਸਨੂਕਰ ਵਿਚ ਛੋਟੇ ਅਤੇ ਲੰਬੇ ਦੋਵਾਂ ਫਾਰਮੈਟਸ ਵਿਚ ਵਿਸ਼ਵ ਖਿਤਾਬ ਅਪਣੇ ਨਾਮ ਕੀਤਾ ਹੈ।
ਇਸ ਤੋਂ ਇਲਾਵਾ ਉਹ ਇੰਗਲਿਸ਼ ਬਿਲੀਅਡਰਸ (ਪਾਇੰਟ ਅਤੇ ਟਾਇਮ ਫਾਰਮੈਟ) ਵਿਚ ਵਿਸ਼ਵ ਚੈਂਪੀਅਨ ਬਣਨ ਵਾਲੇ ਵੀ ਪਹਿਲੇ ਖਿਡਾਰੀ ਹਨ। ਉਹ ਭਾਰਤ ਦੇ ਪਹਿਲੇ ਖਿਡਾਰੀ ਹਨ, ਜਿਨ੍ਹਾਂ ਨੇ ਸਿਕਸ ਰੇਡ ਸਨੂਕਰ ਖਿਤਾਬ ਜਿੱਤਿਆ ਹੈ।
