Cricket World Cup 2023 : ਆਸਟਰੇਲੀਆ ਛੇਵੀਂ ਵਾਰੀ ਬਣਿਆ ਵਿਸ਼ਵ ਚੈਂਪੀਅਨ, ਫ਼ਾਈਨਲ ਮੈਚ ’ਚ ਭਾਰਤ ਨੂੰ 6 ਵਿਕੇਟਾਂ ਨਾਲ ਹਰਾਇਆ
Published : Nov 19, 2023, 9:48 pm IST
Updated : Nov 19, 2023, 10:14 pm IST
SHARE ARTICLE
Cricket World Cup 2023 : India Vs Australia
Cricket World Cup 2023 : India Vs Australia

ਸਭ ਤੋਂ ਵੱਧ 137 ਦੌੜਾਂ ਬਣਾ ਕੇ ਟਰੇਵਿਡ ਹੇਡ ਬਣੇ ‘ਪਲੇਅਰ ਆਫ਼ ਦ ਮੈਚ’

Cricket World Cup 2023 : ਕ੍ਰਿਕੇਟ ਵਿਸ਼ਵ ਕੱਪ ਫ਼ਾਈਨਲ ਮੈਚ ’ਚ ਭਾਰਤ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਆਸਟਰੇਲੀਆ ਨੇ ਰੀਕਾਰਡ ਛੇਵੀਂ ਵਾਰੀ ਵਿਸ਼ਵ ਕੱਪ ਅਪਣੇ ਨਾਂ ਕਰ ਲਿਆ ਹੈ। ਇਸ ਤਰ੍ਹਾਂ ਸ਼ੁਰੂਆਤੀ ਦੋ ਮੈਚ ਹਾਰ ਕੇ ਕਮਜ਼ੋਰ ਸਮਝੀ ਜਾ ਰਹੀ ਇਸ ਟੀਮ ਨੇ ਕ੍ਰਿਕੇਟ ਦੀ ਦੁਨੀਆਂ ’ਚ ਅਪਣਾ ਦਬਦਬਾ ਮੁੜ ਸਥਾਪਤ ਕਰ ਦਿਤਾ ਹੈ। ਪਿਛਲੇ ਦਸ ਵਿਸ਼ਵ ਕੱਪ ਟੂਰਨਾਮੈਂਟ ’ਚ ਆਸਟਰੇਲੀਆ ਨੇ ਛੇ ਵਾਰੀ ਇਹ ਜਿੱਤ ਦਰਜ ਕੀਤੀ ਹੈ। ਇਸ ਦੇ ਨਾਲ ਹੀ ਕਰੋੜਾਂ ਭਾਰਤੀਆਂ ਦੀਆਂ ਉਮੀਦਾਂ ’ਤੇ ਤੀਜੀ ਵਾਰੀ ਵਿਸ਼ਵ ਕੱਪ ਜਿੱਤਣ ਦੀਆਂ ਉਮੀਦਾਂ ’ਤੇ ਪਾਣੀ ਫਿਰ ਗਿਆ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਗੇਂਦਬਾਜ਼ ਸਿਰਾਜ ਟੀਮ ਦੀ ਹਾਰ ਤੋਂ ਬਾਅਦ ਮੈਦਾਨ ’ਤੇ ਰੋਂਦੇ ਹੋਏ ਦਿਸੇ। 

ਇਸ ਹਾਰ ਨੇ ਭਾਰਤੀ ਪ੍ਰਸ਼ੰਸਕਾਂ ਨੂੰ 2003 ਦੇ ਵਿਸ਼ਵ ਕੱਪ ਫ਼ਾਈਨਲ ਦੀ ਯਾਦ ਦਿਵਾ ਦਿਤੀ। 20 ਸਾਲ ਪਹਿਲਾਂ ਜੋਹਾਨਸਬਰਗ ਵਿਚ ਕੰਗਾਰੂਆਂ ਨੇ ਸਾਨੂੰ 125 ਦੌੜਾਂ ਨਾਲ ਹਰਾਇਆ ਸੀ। 2011 ’ਚ ਭਾਰਤ ਵਲੋਂ ਸ਼ੁਰੂ ਕੀਤਾ ਗਿਆ ਘਰੇਲੂ ਟੀਮ ਦੇ ਵਿਸ਼ਵ ਕੱਪ ਜਿੱਤਣ ਦਾ ਰਿਵਾਜ ਵੀ ਆਸਟਰੇਲੀਆ ਨੇ ਤੋੜ ਦਿਤਾ ਹੈ। ਭਾਰਤੀ ਬੱਲੇਬਾਜ਼ੀ ਵਿਰਾਟ ਕੋਹਲੀ ਨੂੰ ਟੂਰਨਾਮੈਂਟ ’ਚ ਸਭ ਤੋਂ ਵੱਧ 765 ਦੌੜਾਂ ਬਣਾਉਣ ਲਈ ‘ਪਲੇਅਰ ਆਫ਼ ਦ ਟੂਰਨਾਮੈਂਟ’ ਪੁਰਸਕਾਰ ਦਿਤਾ ਗਿਆ। 

ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਕੇ.ਐਲ. ਰਾਹੁਲ ਅਤੇ ਵਿਰਾਟ ਕੋਹਲੀ ਦੇ ਅਰਧ ਸੈਂਕੜਿਆਂ ਦੇ ਬਾਵਜੂਦ ਭਾਰਤ 240 ਦੌੜਾਂ ਤਕ ਹੀ ਸੀਮਤ ਰਿਹਾ। ਜਵਾਬ ’ਚ ਆਸਟਰੇਲੀਆ ਦੀ ਟੀਮ ਨੇ ਚਾਰ ਵਿਕਟਾਂ ਗੁਆ ਕੇ 43 ਓਵਰਾਂ ’ਚ ਹੀ ਟੀਚਾ ਹਾਸਲ ਕਰ ਲਿਆ। ਭਾਰਤ ਵਲੋਂਂ ਜਸਪ੍ਰੀਤ ਬੁਮਰਾਹ ਨੇ 2 ਅਤੇ ਮੁਹੰਮਦ ਸ਼ਮੀ ਤੇ ਮੁਹੰਮਦ ਸਿਰਾਜ ਨੇ ਇਕ-ਇਕ ਵਿਕੇਟ ਲਿਆ। ਆਸਟਰੇਲੀਆ ਵਲੋਂ ਓਪਨਰ ਟਰੇਵਿਡ ਹੇਡ ਨੇ ਸਭ ਤੋਂ ਵੱਧ 137 ਦੌੜਾਂ ਬਣਾਈਆਂ। ਇਕ ਸਮੇਂ ਆਸਟਰੇਲੀਆ ਦੀਆਂ ਤਿੰਨ ਵਿਕਟਾਂ 47 ਦੌੜਾਂ ’ਤੇ ਡਿੱਗ ਗਈਆਂ ਸਨ ਅਤੇ ਮੈਚ ਭਾਰਤ ਦੇ ਹੱਕ ’ਚ ਜਾਂਦਾ ਦਿਸ ਰਿਹਾ ਸੀ ਪਰ ਮਾਰਨਸ ਲੇਬੁਸਚਾਂਗ ਨੇ ਹੇਡ ਨਾਲ ਮਿਲ ਕੇ 191 ਦੌੜਾਂ ਦੀ ਸਾਂਝੇਦਾਰੀ ਨਾਲ ਟੀਮ ਨੂੰ ਜਿੱਤ ਤਕ ਪਹੁੰਚਾਇਆ। ਮਾਰਨਸ ਨੇ 110 ਗੇਂਦਾਂ ’ਤੇ 58 ਦੌੜਾਂ ਬਣਾਈਆਂ। ਹੀਡ ਨੂੰ ‘ਪਲੇਅਰ ਆਫ਼ ਦ ਮੈਚ’ ਐਲਾਨ ਕੀਤਾ ਗਿਆ। 

ਓਵਰ ਡਿਫੈਂਸਿਵ ਰਵੱਈਏ ਲੈ ਡੁੱਬਿਆ ਭਾਰਤੀ ਟੀਮ ਨੂੰ!

ਇਸ ਤੋਂ ਪਹਿਲਾਂ ਆਸਟਰੇਲੀਆ ਨੇ ਟਾਸ ਜਿੱਤ ਨੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿਤਾ ਸੀ ਅਤੇ ਗੇਂਦਬਾਜ਼ਾਂ ਨੇ ਉਸ ਦੇ ਫੈਸਲੇ ਨੂੰ ਸਹੀ ਸਾਬਤ ਕੀਤਾ। ਮਿਸ਼ੇਲ ਸਟਾਰਕ ਦੀ ਅਗਵਾਈ ’ਚ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਆਸਟਰੇਲੀਆ ਨੇ 50 ਓਵਰਾਂ ’ਚ ਭਾਰਤ ਨੂੰ 240 ਦੌੜਾਂ ’ਤੇ ਆਊਟ ਕਰ ਦਿਤਾ ਸੀ। ਆਸਟਰੇਲੀਆ ਦੀ ਫ਼ੀਲਡਿੰਗ ਸ਼ਾਨਦਾਰ ਰਹੀ। 

ਰਾਹੁਲ (107 ਗੇਂਦਾਂ ’ਚ 66 ਦੌੜਾਂ, ਇਕ ਚੌਕਾ) ਅਤੇ ਕੋਹਲੀ (63 ਗੇਂਦਾਂ ’ਚ 54 ਦੌੜਾਂ) ਨੇ ਚੌਥੀ ਵਿਕਟ ਲਈ 67 ਦੌੜਾਂ ਦੀ ਸਾਂਝੇਦਾਰੀ ਕਰ ਕੇ ਭਾਰਤ ਨੂੰ ਸ਼ੁਰੂਆਤੀ ਝਟਕੇ ਤੋਂ ਬਚਾਇਆ। ਹਾਲਾਂਕਿ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ਨੇ ਲਗਾਤਾਰ ਭਾਰਤ ਨੂੰ ਝਟਕੇ ਦਿਤੇ ਜਿਸ ਕਾਰਨ ਮੇਜ਼ਬਾਨ ਟੀਮ ਕਦੇ ਵੀ ਵੱਡੇ ਸਕੋਰ ਵਲ ਵਧਦੀ ਨਜ਼ਰ ਨਹੀਂ ਆਈ ਅਤੇ ਆਖਰਕਾਰ ਟੀਮ 50ਵੇਂ ਓਵਰ ਦੀ ਆਖਰੀ ਗੇਂਦ ’ਤੇ ਚੱਲ ਰਹੇ ਵਿਸ਼ਵ ਕੱਪ ’ਚ ਪਹਿਲੀ ਵਾਰ ਆਲ ਆਊਟ ਹੋ ਗਈ। ਕਪਤਾਨ ਰੋਹਿਤ ਸ਼ਰਮਾ (47) ਨੇ ਸ਼ੁਰੂਆਤ ’ਚ ਤੇਜ਼ ਪਾਰੀ ਖੇਡੀ।

ਆਸਟ੍ਰੇਲੀਆ ਲਈ ਸਟਾਰਕ ਸਭ ਤੋਂ ਸਫਲ ਗੇਂਦਬਾਜ਼ ਰਿਹਾ, ਜਿਸ ਨੇ 55 ਦੌੜਾਂ ਅਤੇ ਤਿੰਨ ਵਿਕਟਾਂ ਲਈਆਂ। ਕਪਤਾਨ ਪੈਟ ਕਮਿੰਸ (34 ਦੌੜਾਂ ’ਤੇ ਦੋ ਵਿਕਟਾਂ) ਅਤੇ ਜੋਸ਼ ਹੇਜ਼ਲਵੁੱਡ (60 ਦੌੜਾਂ ’ਤੇ ਦੋ ਵਿਕਟਾਂ) ਨੇ ਵੀ ਦੋ-ਦੋ ਵਿਕਟਾਂ ਲਈਆਂ। ਹਾਲਾਂਕਿ ਬੱਲੇਬਾਜ਼ਾਂ ਦੇ ਓਵਰ ਡਿਫੈਂਸਿਵ ਰਵੱਈਏ ਕਾਰਨ ਭਾਰਤ ਨੂੰ ਵੀ ਨੁਕਸਾਨ ਝੱਲਣਾ ਪਿਆ। ਭਾਰਤੀ ਪਾਰੀ ’ਚ ਕੁਲ 12 ਚੌਕੇ ਅਤੇ ਤਿੰਨ ਛੱਕੇ ਲੱਗੇ। ਇਸ ’ਚੋਂ ਆਖਰੀ 40 ਓਵਰਾਂ ’ਚ ਸਿਰਫ ਚਾਰ ਚੌਕੇ ਲੱਗੇ ਜੋ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ਦੇ ਦਬਦਬੇ ਨੂੰ ਦਰਸਾਉਂਦੇ ਹਨ।

ਕਪਤਾਨ ਰੋਹਿਤ ਸ਼ਰਮਾ (47) ਨੇ ਇਕ ਵਾਰ ਫਿਰ ਅਪਣਾ ਤਿੱਖਾ ਰਵੱਈਆ ਵਿਖਾਇਆ। ਜੋਸ਼ ਹੇਜ਼ਲਵੁੱਡ ’ਤੇ ਦੋ ਚੌਕੇ ਲਗਾਉਣ ਤੋਂ ਬਾਅਦ ਉਸ ਨੇ ਅਪਣੇ ਅਗਲੇ ਓਵਰ ’ਚ ਲਗਾਤਾਰ ਗੇਂਦਾਂ ’ਤੇ ਇਕ ਛੱਕਾ ਅਤੇ ਇਕ ਚੌਕਾ ਲਗਾਇਆ। ਸ਼ੁਭਮਨ ਗਿੱਲ (04) ਹਾਲਾਂਕਿ ਮਿਸ਼ੇਲ ਸਟਾਰਕ ਦੀ ਗੇਂਦ ’ਤੇ ਜ਼ੋਰਦਾਰ ਵਾਰ ਕਰਨ ਦੀ ਕੋਸ਼ਿਸ਼ ਕਰਦੇ ਹੋਏ ਮਿਡ-ਆਨ ’ਤੇ ਐਡਮ ਜ਼ੰਪਾ ਦੇ ਹੱਥੋਂ ਕੈਚ ਹੋ ਗਿਆ।

ਸ਼ਾਨਦਾਰ ਫਾਰਮ ’ਚ ਚੱਲ ਰਹੇ ਵਿਰਾਟ ਕੋਹਲੀ ਨੇ ਸਟਾਰਕ ’ਤੇ ਲਗਾਤਾਰ ਤਿੰਨ ਚੌਕੇ ਲਗਾ ਕੇ ਸੱਤਵੇਂ ਓਵਰ ’ਚ ਭਾਰਤ ਦਾ ਸਕੋਰ 50 ਦੌੜਾਂ ਤੋਂ ਪਾਰ ਪਹੁੰਚਾਇਆ। ਭਾਰਤ ਨੇ 6.3 ਓਵਰਾਂ ’ਚ ਅਪਣਾ ਅੱਧਾ ਸੈਂਕੜਾ ਪੂਰਾ ਕੀਤਾ, ਜੋ ਇਕ ਦਿਨਾ ਵਿਸ਼ਵ ਕੱਪ ਦੇ ਫਾਈਨਲ ’ਚ ਕਿਸੇ ਵੀ ਟੀਮ ਦਾ ਸਭ ਤੋਂ ਤੇਜ਼ ਅਰਧ ਸੈਂਕੜਾ ਹੈ।

ਇਸ ਤੋਂ ਬਾਅਦ ਰੋਹਿਤ ਨੇ ਗਲੇਨ ਮੈਕਸਵੈੱਲ ਦੀਆਂ ਲਗਾਤਾਰ ਗੇਂਦਾਂ 'ਤੇ ਇਕ ਛੱਕਾ ਅਤੇ ਇਕ ਚੌਕਾ ਜੜਿਆ ਪਰ ਅਗਲੀ ਗੇਂਦ ’ਤੇ ਹਵਾ ਵਿਚ ਲਹਿਰਾਇਆ ਗਿਆ ਅਤੇ ਟ੍ਰੈਵਿਸ ਹੈੱਡ ਨੇ ਕਵਰ ਤੋਂ ਪਿੱਛੇ ਵੱਲ ਭੱਜਦੇ ਹੋਏ ਸ਼ਾਨਦਾਰ ਕੈਚ ਲਿਆ। ਉਸ ਨੇ 31 ਗੇਂਦਾਂ ਦੀ ਅਪਣੀ ਪਾਰੀ ਵਿਚ ਚਾਰ ਚੌਕੇ ਤੇ ਤਿੰਨ ਛੱਕੇ ਲਾਏ।
ਪਿਛਲੇ ਦੋ ਮੈਚਾਂ ’ਚ ਸੈਂਕੜੇ ਲਗਾਉਣ ਵਾਲੇ ਸ਼੍ਰੇਅਸ ਅਈਅਰ (04) ਨੇ ਮੈਕਸਵੈੱਲ ’ਤੇ ਚੌਕਾ ਲਗਾ ਕੇ ਅਪਣਾ ਖਾਤਾ ਖੋਲ੍ਹਿਆ ਪਰ ਅਗਲੇ ਹੀ ਓਵਰ ’ਚ ਉਹ ਕਮਿੰਸ ਦੀ ਗੇਂਦ ’ਤੇ ਵਿਕਟਕੀਪਰ ਜੋਸ਼ ਇੰਗਲਿਸ ਦੇ ਹੱਥੋਂ ਕੈਚ ਹੋ ਗਿਆ, ਜਿਸ ਕਾਰਨ ਭਾਰਤ ਦਾ ਸਕੋਰ 81 ਦੌੜਾਂ ਹੋ ਗਿਆ। ਕੋਹਲੀ ਨੇ 16ਵੇਂ ਓਵਰ ’ਚ ਐਡਮ ਜ਼ੈਂਪਾ ਦੇ ਇਕ ਗੇਂਦ ਨਾਲ ਭਾਰਤ ਦਾ ਸੈਂਕੜਾ ਪੂਰਾ ਕੀਤਾ।

ਆਸਟਰੇਲਿਆਈ ਗੇਂਦਬਾਜ਼ਾਂ ਨੇ ਮੱਧ ਓਵਰਾਂ 'ਚ ਭਾਰਤ 'ਤੇ ਸ਼ਿਕੰਜਾ ਕੱਸਿਆ, ਜਿਸ ਕਾਰਨ ਰਨ ਰੇਟ 'ਚ ਗਿਰਾਵਟ ਆਈ। 10ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਅਈਅਰ ਦੇ ਚੌਕੇ ਲਗਾਉਣ ਤੋਂ ਬਾਅਦ ਭਾਰਤ ਨੂੰ ਅਗਲੀ ਚੌਕੇ ਲਈ 97 ਗੇਂਦਾਂ ਦਾ ਇੰਤਜ਼ਾਰ ਕਰਨਾ ਪਿਆ। ਲੋਕੇਸ਼ ਰਾਹੁਲ ਨੇ 27ਵੇਂ ਓਵਰ 'ਚ ਮੈਕਸਵੈੱਲ ਦੀ ਗੇਂਦ 'ਤੇ ਪੈਡਲ ਸਕੂਪ ਨਾਲ ਫਾਈਨ ਲੈੱਗ 'ਤੇ ਚੌਕਾ ਜੜ ਦਿੱਤਾ।

ਕੋਹਲੀ ਨੇ ਜ਼ੈਂਪਾ ਦੀ ਗੇਂਦ 'ਤੇ 56 ਗੇਂਦਾਂ 'ਤੇ ਇਕ ਦੌੜ ਨਾਲ ਮੌਜੂਦਾ ਵਿਸ਼ਵ ਕੱਪ ਦਾ ਛੇਵਾਂ ਅਰਧ ਸੈਂਕੜਾ ਪੂਰਾ ਕੀਤਾ। ਹਾਲਾਂਕਿ ਕੋਹਲੀ ਆਪਣਾ ਅਰਧ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਵਿਕਟਾਂ 'ਤੇ ਕਮਿੰਸ ਦੀ ਉਛਾਲ ਵਾਲੀ ਗੇਂਦ ਖੇਡ ਕੇ ਬੋਲਡ ਹੋ ਗਏ। ਉਸ ਨੇ 63 ਗੇਂਦਾਂ ਦੀ ਆਪਣੀ ਪਾਰੀ ਵਿੱਚ ਚਾਰ ਚੌਕੇ ਲਾਏ। ਰਾਹੁਲ ਨੇ ਆਪਣਾ ਅਰਧ ਸੈਂਕੜਾ 86 ਗੇਂਦਾਂ ਵਿੱਚ ਸਟਾਰਕ ਦੇ ਇੱਕ ਰਨ ਨਾਲ ਪੂਰਾ ਕੀਤਾ। ਹਾਲਾਂਕਿ ਹੇਜ਼ਲਵੁੱਡ ਗੇਂਦਬਾਜ਼ੀ 'ਚ ਪਰਤਿਆ ਅਤੇ ਰਵਿੰਦਰ ਜਡੇਜਾ (09) ਨੂੰ ਵਿਕਟਕੀਪਰ ਇੰਗਲਿਸ ਹੱਥੋਂ ਕੈਚ ਕਰਵਾ ਕੇ ਭਾਰਤ ਦਾ ਸਕੋਰ ਪੰਜ ਵਿਕਟਾਂ 'ਤੇ 178 ਦੌੜਾਂ ਤੱਕ ਪਹੁੰਚਾ ਦਿੱਤਾ।

ਰਾਹੁਲ ਦੇ ਪਹਿਲੇ ਚੌਕੇ ਤੋਂ ਬਾਅਦ ਭਾਰਤ ਨੂੰ ਇਕ ਵਾਰ ਫਿਰ ਬਾਊਂਡਰੀ ਲਈ 75 ਗੇਂਦਾਂ ਦਾ ਇੰਤਜ਼ਾਰ ਕਰਨਾ ਪਿਆ। ਸੂਰਿਆਕੁਮਾਰ ਨੇ 39ਵੇਂ ਓਵਰ 'ਚ ਜੰਪਾ 'ਤੇ ਚੌਕਾ ਲਗਾਇਆ। ਇਸ ਤਰ੍ਹਾਂ ਭਾਰਤ 11ਵੇਂ ਤੋਂ 40ਵੇਂ ਓਵਰ ਤੱਕ ਸਿਰਫ਼ ਦੋ ਚੌਕੇ ਹੀ ਲਗਾ ਸਕਿਆ। ਰਾਹੁਲ ਨੇ 41ਵੇਂ ਓਵਰ 'ਚ ਜ਼ੈਂਪਾ ਦੀ ਗੇਂਦ 'ਤੇ ਆਊਟ ਹੋ ਕੇ ਭਾਰਤ ਦੀਆਂ 200 ਦੌੜਾਂ ਪੂਰੀਆਂ ਕੀਤੀਆਂ। ਇਸ ਤੋਂ ਬਾਅਦ ਕਮਿੰਸ ਨੇ ਇਕ ਵਾਰ ਫਿਰ ਸਟਾਰਕ ਨੂੰ ਗੇਂਦ ਸੌਂਪੀ ਅਤੇ ਇਸ ਵਾਰ ਇਕ ਵਾਰ ਫਿਰ ਰਾਹੁਲ ਨੂੰ ਵਿਕਟਕੀਪਰ ਇੰਗਲਿਸ ਹੱਥੋਂ ਕੈਚ ਕਰਵਾ ਕੇ ਕਪਤਾਨ ਦੀਆਂ ਉਮੀਦਾਂ 'ਤੇ ਖਰਾ ਉਤਰਿਆ। ਰਾਹੁਲ ਨੇ 107 ਗੇਂਦਾਂ ਵਿੱਚ ਸਿਰਫ਼ ਇੱਕ ਚੌਕਾ ਜੜਿਆ।

ਸਟਾਰਕ ਨੇ ਅਗਲੇ ਓਵਰ ਵਿੱਚ ਮੁਹੰਮਦ ਸ਼ਮੀ (06) ਨੂੰ ਵੀ ਇੰਗਲਿਸ਼ ਹੱਥੋਂ ਕੈਚ ਕਰਵਾਇਆ। ਭਾਰਤ ਨੂੰ ਉਮੀਦ ਸੀ ਕਿ ਸੂਰਿਆਕੁਮਾਰ ਆਖਰੀ ਓਵਰਾਂ 'ਚ ਤੇਜ਼ ਦੌੜਾਂ ਬਣਾਉਣਗੇ ਪਰ ਉਹ ਵੀ ਹੇਜ਼ਲਵੁੱਡ ਦੇ ਹੌਲੀ ਬਾਊਂਸਰ 'ਤੇ ਇੰਗਲਿਸ਼ ਹੱਥੋਂ ਕੈਚ ਹੋ ਗਏ। ਉਸ ਨੇ 28 ਗੇਂਦਾਂ ਵਿੱਚ 18 ਦੌੜਾਂ ਬਣਾਈਆਂ। ਭਾਰਤੀ ਪਾਰੀ ਦਾ ਅੰਤ ਪਾਰੀ ਦੀ ਆਖਰੀ ਗੇਂਦ 'ਤੇ ਕੁਲਦੀਪ ਯਾਦਵ (10) ਦੇ ਰਨ ਆਊਟ ਨਾਲ ਹੋਇਆ।

(For more news apart from Cricket World Cup 2023, stay tuned to Rozana Spokesman)

SHARE ARTICLE

ਏਜੰਸੀ

Advertisement

Punjab Weather Update : ਬੱਚਿਆਂ ਦੀ ਜਾਨ ਲੈ ਸਕਦੀਆਂ ਨੇ ਗਰਮ ਹਵਾਵਾਂ, ਡਾਕਟਰ ਨੇ ਦੱਸਿਆ ਬਚਾਅ !

19 May 2024 5:13 PM

Spokesman Live || Sidhi Gaal || Public Review Elections 2024

19 May 2024 4:41 PM

ਰੈਲੀ ਦੌਰਾਨ Karamjit Anmol ਕਰ ਗਏ ਵੱਡਾ ਦਾਅਵਾ Anmol ਦਾ ਸਾਥ ਦੇਣ ਲਈ ਪਹੁੰਚੇ ਵੱਡੇ ਪੰਜਾਬੀ ਕਲਾਕਾਰ.......

19 May 2024 4:26 PM

ਸ੍ਰੀ ਫ਼ਤਿਹਗੜ੍ਹ ਸਾਹਿਬ 'ਚ ਕੌਣ ਮਾਰੇਗਾ ਬਾਜ਼ੀ? ਕਿਹੜੇ ਉਮੀਦਵਾਰ ਦਾ ਪਲੜਾ ਭਾਰੀ?ਕੀ ਕਾਂਗਰਸ ਬਚਾਅ ਸਕੇਗੀ ਆਪਣਾ ਕਿਲ੍ਹ

19 May 2024 1:18 PM

2 ਤਰੀਕ ਨੂੰ ਵੱਜਣਗੇ ਛਿੱਤਰ,Hans Raj Hans ਨੇ ਬਣਾਈ List! ਵਾਲੀਬਾਲ ਤੇ ਚਿੱੜੀ ਛਿੱਕਾ ਵੀ ਖੇਡ ਲੈਦੇ ਨੇ ਚੰਨੀ ਸਾਬ੍ਹ

19 May 2024 12:52 PM
Advertisement