ਦੇਸ਼ ਦੇ ਨੰਬਰ ਇਕ ਖਿਡਾਰੀ ਸੌਰਭ ਘੋਸ਼ਾਲ ਤੇ ਜੋਸ਼ਨਾ ਚਿਨੱਪਾ ਸਮੇਤ 554 ਖਿਡਾਰੀ 23 ਤੋਂ 26 ਅਗਸਤ ਤਕ ਗ੍ਰੇਟਰ ਨੋਇਡਾ ਸਥਿਤ ਸ਼ਿਵ ਨਾਦਰ ਯੂਨੀਵਰਸਿਟੀ..
ਦੇਸ਼ ਦੇ ਨੰਬਰ ਇਕ ਖਿਡਾਰੀ ਸੌਰਭ ਘੋਸ਼ਾਲ ਤੇ ਜੋਸ਼ਨਾ ਚਿਨੱਪਾ ਸਮੇਤ 554 ਖਿਡਾਰੀ 23 ਤੋਂ 26 ਅਗਸਤ ਤਕ ਗ੍ਰੇਟਰ ਨੋਇਡਾ ਸਥਿਤ ਸ਼ਿਵ ਨਾਦਰ ਯੂਨੀਵਰਸਿਟੀ ‘ਚ ਹੋਣ ਵਾਲੀ ਐੱਚ.ਸੀ.ਐੱਲ. 74ਵੀਂ ਰਾਸ਼ਟਰੀ ਸਕੁਐਸ਼ ਚੈਂਪੀਅਨਸ਼ਿਪ ‘ਚ ਹਿੱਸਾ ਲੈਣਗੇ। ਭਾਰਤੀ ਸਕੁਐਸ਼ ਰੈਕੇਟ ਸੰਘ (ਐੱਸ.ਆਰ.ਐੱਫ.ਆਈ.) ਦੇ ਰਾਸ਼ਟਰੀ ਸਕੁਐਸ਼ ਵਿਕਾਸ ਅਧਿਕਾਰੀ ਹਰੀਸ਼ ਪ੍ਰਸਾਦ ਤੇ ਐੱਚ.ਸੀ.ਐੱਲ. ਕਾਰਪੋਰੇਸ਼ਨ ਦੇ ਅਫਸਰ ਸੁੰਦਰ ਮਹਾਲਿੰਗਮ ਨੇ ਦੇਸ਼ ਦੇ ਨੰਬਰ ਇਕ ਖਿਡਾਰੀ ਸੌਰਭ ਘੋਸ਼ਾਲ ਤੇ ਜੋਸ਼ਨਾ ਚਿਨੱਪਾ ਦੀ ਮੌਜੂਦਗੀ ਵਿਚ ਮੰਗਲਵਾਰ ਇਥੇ ਪੱਤਰਕਾਰ ਸੰਮੇਲਨ ‘ਚ ਇਹ ਐਲਾਨ ਕੀਤਾ।
ਹਰੀਸ਼ ਨੇ ਦੱਸਿਆ ਕਿ ਚੈਂਪੀਅਨਸ਼ਿਪ ਵਿਚ 25 ਸੂਬਿਆਂ ਤੋਂ 554 ਖਿਡਾਰੀ 9 ਵੱਖ-ਵੱਖ ਵਰਗਾਂ ਵਿਚ ਮੁਕਾਬਲਿਆਂ ਲਈ ਉਤਰਨਗੇ। ਟੂਰਨਾਮੈਂਟ ਵਿਚ 11 ਲੱਖ ਰੁਪਏ ਤੋਂ ਵੱਧ ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ ਤੇ ਪੁਰਸ਼ ਤੇ ਮਹਿਲਾ ਜੇਤੂਆਂ ਨੂੰ ਇਕ ਬਰਾਬਰ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ। ਪੁਰਸ਼ਾਂ ਵਿਚ 312 ਖਿਡਾਰੀ ਤੇ ਮਹਿਲਾਵਾਂ ਵਿਚ 65 ਖਿਡਾਰੀ ਉਤਰਨਗੇ। ਚੈਂਪੀਅਨਸ਼ਿਪ ਨਾਕਆਊਟ ਆਧਾਰ ‘ਤੇ ਖੇਡੀ ਜਾਵੇਗੀ ਤੇ 8 ਚੋਟੀ ਦੇ ਖਿਡਾਰੀ ਪੁਰਸ਼, ਮਹਿਲਾ ਤੇ ਪ੍ਰੋਫੈਸ਼ਨਲ ਕੋਚ ਵਰਗਾਂ ਵਿਚ ਇਨਾਮੀ ਰਾਸ਼ੀ ਲਈ ਭਿੜਨਗੇ।
ਚੋਟੀ ਦੇ ਖਿਡਾਰੀਆਂ ਨੂੰ ਰੈਂਕਿੰਗ ਅੰਕ ਵੀ ਮਿਲਣਗੇ,ਜਿਹੜੇ ਉਨ੍ਹਾਂ ਦੀ ਸੰਬੰਧਤ ਉਮਰ ਵਰਗ ਦੀ ਰਾਸ਼ਟਰੀ ਰੈਂਕਿੰਗ ਸੂਚੀ ਵਿਚ ਜੋੜੇ ਜਾਣਗੇ,ਸਾਬਕਾ ਚੈਂਪੀਅਨ ਦੀਪਿਕਾ ਪੱਲੀਕਲ ਨੇ ਗੋਡੇ ਦੀ ਸੱਟ ਕਾਰਨ ਆਖਰੀ ਸਮੇਂ ਵਿਚ 74ਵੀਂ ਸੀਨੀਅਰ ਰਾਸ਼ਟਰੀ ਸਕੁਐਸ਼ ਚੈਂਪੀਅਨਸ਼ਿਪ ਤੋਂ ਹਟਣ ਦਾ ਫੈਸਲਾ ਕੀਤਾ ਹੈ, ਜਿਸ ਨਾਲ ਘਰੇਲੂ ਚੈਂਪੀਅਨਸ਼ਿਪ ਨੂੰ ਕਰਾਰਾ ਝਟਕਾ ਲੱਗਾ ਹੈ।
ਪੱਲੀਕਲ ਨੇ 29 ਅਗਸਤ ਤੋਂ 3 ਸਤੰਬਰ ਤਕ ਹੋਣ ਵਾਲੇ ਚਾਈਨਾ ਓਪਨ ਤੋਂ ਪਹਿਲਾਂ ਸੱਟ ਦੇ ਵਧਣ ਦੇ ਡਰੋਂ ਕੱਲ ਪਹਿਲੇ ਦੌਰ ਦਾ ਮੈਚ ਨਾ ਖੇਡਣ ਦਾ ਫੈਸਲਾ ਕੀਤਾ ਹੈ। ਪੱਲੀਕਲ ਨੇ ਕਿਹਾ ਕਿ ਇਹ ਕਾਫੀ ਮੰਦਭਾਗਾ ਹੈ ਕਿ ਮੈਨੂੰ ਹਟਣਾ ਪਿਆ। ਮੇਰਾ ਆਗਾਮੀ ਸੈਸ਼ਨ ਕਾਫੀ ਅਹਿਮ ਹੈ, ਮੈਂ ਸੋਚਿਆ ਕਿ ਨਵਾਂ ਸੈਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਮੈਨੂੰ ਪੂਰੀ ਤਰ੍ਹਾਂ ਫਿੱਟ ਹੋਣਾ ਚਾਹੀਦਾ ਹੈ।
