ਨੌਜਵਾਨ ਸਟਰਾਇਕਰ ਦਿਲਪ੍ਰੀਤ ਸਿੰਘ ਦੀ ਹ੍ਰੈਟਿਕ ਨਾਲ ਮੌਜੂਦਾ ਚੈਂਪਿਅਨ ਭਾਰਤ ਨੇ ਮੇਜ਼ਬਾਨ ਓਮਾਨ ਨੂੰ 11-0 ਨਾਲ ਕਰਾਰੀ ਮਾਤ ਦੇ ਕੇ ਏਸ਼ਆਈ ਚੈਂਪਿਅਨਜ਼ ਟ੍ਰਾਫ਼ੀ ਹਾਕੀ......

ਮਸਕਟ : ਨੌਜਵਾਨ ਸਟਰਾਇਕਰ ਦਿਲਪ੍ਰੀਤ ਸਿੰਘ ਦੀ ਹ੍ਰੈਟਿਕ ਨਾਲ ਮੌਜੂਦਾ ਚੈਂਪਿਅਨ ਭਾਰਤ ਨੇ ਮੇਜ਼ਬਾਨ ਓਮਾਨ ਨੂੰ 11-0 ਨਾਲ ਕਰਾਰੀ ਮਾਤ ਦੇ ਕੇ ਏਸ਼ਆਈ ਚੈਂਪਿਅਨਜ਼ ਟ੍ਰਾਫ਼ੀ ਹਾਕੀ ਟੂਰਨਾਮੈਂਟ ਵਿਚ ਆਪਣੇ ਅਭਿਆਨ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਓਮਾਨ ਨੇ ਪਹਿਲੇ ਕੁਆਟਰ ਵਿਚ ਭਾਰਤ ਨੂੰ ਗੋਲ ਨਹੀਂ ਕਰਨ ਦਿਤਾ। ਭਾਰਤੀ ਟੀਮ ਨੇ 17 ਵੇਂ ਮਿੰਟ ਵਿਚ ਲਲਿਤ ਦੇ ਗੋਲ ਨਾਲ ਖਾਤਾ ਖੋਲ੍ਹਿਆ। ਇਸ ਮੈਚ ਵਿਚ ਦੂਸਰੇ ਕੁਆਟਰ ਵਿਚ ਭਾਰਤੀ ਟੀਮ ਨੇ ਕੁੱਲ ਚਾਰ ਗੋਲ ਕੀਤੇ।

ਲਲਿਤ ਤੋਂ ਇਲਾਵਾ ਹਰਮਨਪ੍ਰੀਤ ਸਿੰਘ ਨੇ 22ਵੇਂ ਮਿੰਟ, ਨੀਲਕਾਂਤ ਸ਼ਰਮਾਂ ਨੇ 23ਵੇਂ ਮਿੰਟ ਅਤੇ ਮਨਦੀਪ ਸਿੰਘ ਨੇ 30ਵੇਂ ਮਿੰਟ ਵਿਚ ਗੋਲ ਕੀਤੇ।ਦਿਲਪ੍ਰੀਤ ਨੇ ਤਿੰਨ ਗੋਲ ਕੀਤੇ ਅਤੇ ਮੈਨ ਆਫ਼ ਦਾ ਮੈਚ ਲਈ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਗੁਰਜੰਟ ਸਿੰਘ, ਆਕਾਸ਼ਦੀਪ ਸਿੰਘ, ਵਰੁਣ ਕੁਮਾਰ ਅਤੇ ਚਿੰਗਲੇਨਸਨਾ ਸਿੰਘ ਨੇ ਵੀ ਭਾਰਤ ਦੀ ਤਰਫ਼ੋਂ ਗੋਲ ਕੀਤੇ। ਅਜ ਅਗਲਾ ਮੈਚ ਵਿਰੋਧੀ ਪਾਕਿਸਤਾਨ ਨਾਲ ਖੇਡਿਆ ਜਾਵੇਗਾ।