Australia vs Afghanistan t20: ਨਵੀਨ ਉਲ ਹੱਕ ਅਤੇ ਗੁਲਬਦੀਨ ਨਾਇਬ ਇਸ ਜਿੱਤ ਦੇ ਹੀਰੋ ਬਣੇ।
Australia vs Afghanistan t20 world cup: ਅਫਗਾਨਿਸਤਾਨ ਨੇ ਆਸਟਰੇਲੀਆ ਨੂੰ ਹਰਾ ਕੇ ਟੀ-20 ਵਿਸ਼ਵ ਕੱਪ 2024 ਦਾ ਸਭ ਤੋਂ ਵੱਡਾ ਉਲਟਫੇਰ ਕੀਤਾ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਅਫਗਾਨਿਸਤਾਨ ਨੇ ਨਿਰਧਾਰਤ 20 ਓਵਰਾਂ 'ਚ 6 ਵਿਕਟਾਂ ਗੁਆ ਕੇ 148 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ। ਜਿਸ ਦੇ ਜਵਾਬ 'ਚ ਆਸਟ੍ਰੇਲੀਆ ਦੀ ਮਜ਼ਬੂਤ ਟੀਮ 127 ਦੌੜਾਂ 'ਤੇ ਆਲ ਆਊਟ ਹੋ ਗਈ ਅਤੇ 21 ਦੌੜਾਂ ਨਾਲ ਮੈਚ ਹਾਰ ਗਈ।
ਇਹ ਵੀ ਪੜ੍ਹੋ: Ludhiana News: ਵਿਆਹ ਤੋਂ 6 ਦਿਨ ਪਹਿਲਾਂ ਲਾੜੀ ਨੇ ਕੀਤੀ ਖ਼ੁਦਕੁਸ਼ੀ, ਪ੍ਰੇਮੀ ਨੇ ਵਿਆਹ ਕਰਵਾਉਣ ਤੋਂ ਕਰ ਦਿਤਾ ਇਨਕਾਰ
ਕ੍ਰਿਕਟ ਇਤਿਹਾਸ ਵਿੱਚ ਇਹ ਪਹਿਲਾ ਮੌਕਾ ਸੀ ਜਦੋਂ ਅਫਗਾਨਿਸਤਾਨ ਨੇ ਆਸਟਰੇਲੀਆ ਨੂੰ ਕਿਸੇ ਵੀ ਫਾਰਮੈਟ ਵਿੱਚ ਹਰਾਇਆ ਹੋਵੇ। ਇਸ ਹਾਰ ਨਾਲ ਆਸਟ੍ਰੇਲੀਆ ਦੀਆਂ ਸੈਮੀਫਾਈਨਲ 'ਚ ਪਹੁੰਚਣ ਦੀਆਂ ਉਮੀਦਾਂ ਨੂੰ ਕਰਾਰਾ ਝਟਕਾ ਲੱਗਾ ਹੈ, ਕਿਉਂਕਿ ਹੁਣ ਕੰਗਾਰੂਆਂ ਨੂੰ 24 ਜੂਨ ਨੂੰ ਸੁਪਰ-8 ਦੇ ਆਪਣੇ ਆਖਰੀ ਮੈਚ 'ਚ ਭਾਰਤ ਨੂੰ ਕਿਸੇ ਵੀ ਕੀਮਤ 'ਤੇ ਹਰਾਉਣਾ ਹੋਵੇਗਾ।
ਇਹ ਵੀ ਪੜ੍ਹੋ:Mohali News: UK ਭੇਜਣ ਦੇ ਨਾਂ 'ਤੇ 1 ਕਰੋੜ ਦੀ ਠੱਗੀ ਮਾਰਨ ਵਾਲਾ ਏਜੰਟ ਇੰਦਰਜੀਤ ਸਿੰਘ ਸੋਹੀ ਕਾਬੂ
ਅਫਗਾਨਿਸਤਾਨ ਨੇ ਇਹ ਸ਼ਾਨਦਾਰ ਜਿੱਤ ਜੋਨਾਥਨ ਟ੍ਰੌਟ ਅਤੇ ਡਵੇਨ ਬ੍ਰਾਵੋ ਵਰਗੇ ਦਿੱਗਜ ਖਿਡਾਰੀਆਂ ਦੀ ਕੋਚਿੰਗ ਅਤੇ ਮਾਰਗਦਰਸ਼ਨ ਹੇਠ ਹਾਸਲ ਕੀਤੀ ਹੈ। ਆਖ਼ਰੀ ਓਵਰ ਦੀ ਦੂਜੀ ਗੇਂਦ 'ਤੇ ਜਿਵੇਂ ਹੀ ਮੁਹੰਮਦ ਨਬੀ ਨੇ ਐਡਮ ਜ਼ਾਂਪਾ ਦਾ ਕੈਚ ਫੜਿਆ ਤਾਂ ਮੈਦਾਨ 'ਚ ਖੁਸ਼ੀ ਦੀ ਲਹਿਰ ਦੌੜ ਗਈ। ਅਫਗਾਨ ਖਿਡਾਰੀਆਂ ਦਾ ਜਸ਼ਨ ਦੇਖਣ ਯੋਗ ਸੀ। ਗੁਲਬਦੀਨ ਨਾਇਬ ਨੂੰ ਮੋਢਿਆਂ 'ਤੇ ਚੁੱਕ ਲਿਆ ਗਿਆ। ਸਟੇਡੀਅਮ 'ਚ ਮੌਜੂਦ ਅਫਗਾਨ ਟੀਮ ਦੇ ਪ੍ਰਸ਼ੰਸਕ ਨੱਚ ਰਹੇ ਸਨ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
T20 ਵਿਸ਼ਵ ਕੱਪ 2024
ਆਸਟ੍ਰੇਲੀਆ ਨੂੰ ਹਰਾ ਕੇ ਅਫਗਾਨਿਸਤਾਨ ਨੇ ਜਿਉਂਦੀ ਰੱਖੀ ਸੈਮੀਫਾਈਨਲ 'ਚ ਪਹੁੰਚਣ ਦੀ ਉਮੀਦ
ਦੋਵੇਂ ਟੀਮਾਂ ਲਈ ਆਪਣਾ ਅਖੀਰਲਾ ਮੈਚ "ਕਰੋ ਜਾਂ ਮਰੋ"
ਸੈਮੀਫਾਈਨਲ ਪਹੁੰਚਣ ਲਈ ਰਾਹ
ਆਸਟ੍ਰੇਲੀਆ: ਭਾਰਤ ਨੂੰ ਹਰਾਵੇ ਤੇ ਉਮੀਦ ਕਰੇ ਕਿ ਅਫ਼ਗ਼ਾਨਿਸਤਾਨ ਬੰਗਲਾਦੇਸ਼ ਤੋਂ ਹਾਰੇ
ਅਫਗਾਨਿਸਤਾਨ: ਉਮੀਦ ਕਰੇ ਕਿ ਆਸਟ੍ਰੇਲੀਆ ਭਾਰਤ ਤੋਂ ਹਾਰੇ ਤੇ ਬਾਅਦ 'ਚ ਖੁਦ ਬੰਗਲਾਦੇਸ਼ ਨੂੰ ਹਰਾਵੇ
ਜੇਕਰ ਆਸਟ੍ਰੇਲੀਆ ਤੇ ਅਫਗਾਨਿਸਤਾਨ ਦੋਵੇਂ ਅਖੀਰਲਾ ਮੈਚ ਜਿੱਤ ਜਾਂਦੇ ਤਾਂ NRR ਦੇ ਆਧਾਰ 'ਤੇ ਹੋਵੇਗਾ ਫੈਸਲਾ
(For more Punjabi news apart from Australia vs Afghanistan t20 world cup, stay tuned to Rozana Spokesman)
