ਜਾਣੋ ਕੌਣ ਹੈ ਆਸਟ੍ਰੇਲੀਆਈ ਸਪਿਨਰ ਤਨਵੀਰ ਸੰਘਾ

Who is Tanveer Sangha?: ਆਸਟ੍ਰੇਲੀਆ ਵਿਰੁਧ ਪਹਿਲੇ ਟੀ-20 ਮੈਚ ਦੌਰਾਨ ਆਸਟ੍ਰੇਲੀਆਈ ਸਪਿਨਰ ਤਨਵੀਰ ਸੰਘਾ ਨੇ ਭਾਰਤ ਦੀਆਂ 2 ਅਹਿਮ ਵਿਕਟਾਂ ਲਈਆਂ। ਭਾਰਤੀ ਬੱਲੇਬਾਜ਼ਾਂ ਨੇ ਤਨਵੀਰ ਸੰਘਾ ਦੇ 4 ਓਵਰਾਂ ਵਿਚ 47 ਦੌੜਾਂ ਬਣਾਈਆਂ। ਹਾਲਾਂਕਿ ਤਨਵੀਰ ਸੰਘਾ ਨੇ ਈਸ਼ਾਨ ਕਿਸ਼ਨ ਅਤੇ ਤਿਲਕ ਵਰਮਾ ਨੂੰ ਅਪਣਾ ਸ਼ਿਕਾਰ ਬਣਾਇਆ।

ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤਨਵੀਰ ਸੰਘਾ ਦਾ ਭਾਰਤ ਨਾਲ ਖਾਸ ਰਿਸ਼ਤਾ ਹੈ। ਦਰਅਸਲ, ਤਨਵੀਰ ਸੰਘਾ ਦਾ ਜਨਮ 26 ਨਵੰਬਰ 2001 ਨੂੰ ਸਿਡਨੀ ਵਿਚ ਹੋਇਆ ਸੀ। ਇਸ ਤੋਂ ਬਾਅਦ ਉਸ ਨੇ ਈਸਟ ਹਿੱਲ ਬੁਆਏਜ਼ ਹਾਈ ਸਕੂਲ, ਸਿਡਨੀ ਤੋਂ ਅਪਣੀ ਸਕੂਲੀ ਪੜ੍ਹਾਈ ਪੂਰੀ ਕੀਤੀ।

ਪੰਜਾਬ ਨਾਲ ਹੈ ਖ਼ਾਸ ਰਿਸ਼ਤਾ

ਤਨਵੀਰ ਸੰਘਾ ਦਾ ਪਿਛੋਕੜ ਜਲੰਧਰ ਨਾਲ ਸਬੰਧਤ ਹੈ। ਉਨ੍ਹਾਂ ਦੇ ਪਿਤਾ ਜਲੰਧਰ ਦੇ ਇਕ ਪਿੰਡ ਦੇ ਵਸਨੀਕ ਸਨ ਪਰ ਉਹ ਸਿਡਨੀ ਵਿਚ ਟੈਕਸੀ ਡਰਾਈਵਰ ਵਜੋਂ ਕੰਮ ਕਰਦਾ ਸੀ। ਇਸ ਤੋਂ ਇਲਾਵਾ ਤਨਵੀਰ ਸੰਘਾ ਦੀ ਮਾਤਾ ਅਕਾਊਂਟੈਂਟ ਹਨ। ਤਨਵੀਰ ਸੰਘਾ ਦਾ ਭਾਰਤ ਨਾਲ ਖਾਸ ਰਿਸ਼ਤਾ ਹੈ ਪਰ ਹੁਣ ਉਹ ਆਸਟ੍ਰੇਲੀਆ ਲਈ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡ ਰਿਹਾ ਹੈ। ਹਾਲ ਹੀ ਵਿਚ ਤਨਵੀਰ ਸੰਘਾ ਵਿਸ਼ਵ ਕੱਪ ਵਿਚ ਆਸਟ੍ਰੇਲੀਆਈ ਟੀਮ ਦਾ ਹਿੱਸਾ ਸੀ।
ਤਨਵੀਰ ਸੰਘਾ ਦਾ ਕਰੀਅਰ

ਤਨਵੀਰ ਸੰਘਾ ਦਾ ਕਰੀਅਰ

ਜੇਕਰ ਤਨਵੀਰ ਸੰਘਾ ਦੇ ਕਰੀਅਰ 'ਤੇ ਨਜ਼ਰ ਮਾਰੀਏ ਤਾਂ ਹੁਣ ਤਕ ਇਹ ਖਿਡਾਰੀ 2 ਵਨਡੇ ਮੈਚਾਂ ਤੋਂ ਇਲਾਵਾ 3 ਟੀ-20 ਮੈਚਾਂ 'ਚ ਆਸਟ੍ਰੇਲੀਆ ਦੀ ਨੁਮਾਇੰਦਗੀ ਕਰ ਚੁੱਕਾ ਹੈ। ਤਨਵੀਰ ਸੰਘਾ ਨੇ 2 ਵਨਡੇ ਮੈਚਾਂ 'ਚ 2 ਵਿਕਟਾਂ ਲਈਆਂ ਹਨ। ਇਸ ਤੋਂ ਇਲਾਵਾ 3 ਅੰਤਰਰਾਸ਼ਟਰੀ ਟੀ-20 ਮੈਚਾਂ 'ਚ ਤਨਵੀਰ ਸੰਘਾ ਨੇ 7 ਬੱਲੇਬਾਜ਼ਾਂ ਨੂੰ ਅਪਣਾ ਸ਼ਿਕਾਰ ਬਣਾਇਆ ਹੈ। ਇਸ ਤੋਂ ਇਲਾਵਾ ਤਨਵੀਰ ਸੰਘਾ ਆਸਟ੍ਰੇਲੀਆ ਅੰਡਰ-19, ਬਿਗ ਬੈਸ਼ 'ਚ ਸਿਡਨੀ ਥੰਡਰਸ, ਨਿਊ ਸਾਊਥ ਵੇਲਜ਼, ਆਸਟ੍ਰੇਲੀਆ-ਏ, ਬਰਮਿੰਘਮ ਫੀਨਿਕਸ ਅਤੇ ਵਾਸ਼ਿੰਗਟਨ ਫਰੀਡਮ ਲਈ ਖੇਡ ਚੁੱਕਾ ਹੈ।

 (For more news apart from Who is Tanveer Sangha Australia bowler in IND vs AUS T20 series 2023, stay tuned to Rozana Spokesman)