Bowie
ਅਮਰੀਕਾ ਦੀ ਟੋਰੀ ਬੋਵੀ ਨੇ ਮਹਿਲਾ 100 ਮੀਟਰ ਵਿਸ਼ਵ ਖ਼ਿਤਾਬ ਅਪਣੇ ਨਾਮ ਕਰਦੇ ਹੋਏ ਪਿਛਲੇ ਸਾਲ ਉਲੰਪਿਕ 'ਚ ਸੋਨ ਤਮਗ਼ੇ ਤੋਂ ਖੁੰਝਨ ਦੀ ਕਮੀ ਪੂਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਜਦਕਿ
ਲੰਡਨ, 7 ਅਗੱਸਤ: ਅਮਰੀਕਾ ਦੀ ਟੋਰੀ ਬੋਵੀ ਨੇ ਮਹਿਲਾ 100 ਮੀਟਰ ਵਿਸ਼ਵ ਖ਼ਿਤਾਬ ਅਪਣੇ ਨਾਮ ਕਰਦੇ ਹੋਏ ਪਿਛਲੇ ਸਾਲ ਉਲੰਪਿਕ 'ਚ ਸੋਨ ਤਮਗ਼ੇ ਤੋਂ ਖੁੰਝਨ ਦੀ ਕਮੀ ਪੂਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਜਦਕਿ ਰੀਉ 'ਚ ਸੋਨ ਤਮਗ਼ਾ ਜਿੱਤਣ ਵਾਲੀ ਥਾ ਪਸਨ ਪੰਜਵੇਂ ਸਥਾਨ 'ਤੇ ਰਹੀ।
ਰੀਉ ਉਲੰਪਿਕ ਦੀ ਚਾਂਦੀ ਦਾ ਤਮਗ²ਾ ਜੇਤੂ 26 ਸਾਲਾਂ ਦੀ ਬੋਵੀ ਨੇ ਅੰਤਿਮ ਪਲਾਂ 'ਚ ਆਈਵਰੀ ਕੋਸਟ ਦੀ ਮਾਰੀ ਜੋਸੀ ਟਾ ਲਾਊ ਨੂੰ ਪਛਾੜ ਕੇ ਸੋਨ ਤਮਗ਼ਾ ਜਿੱਤਿਆ। ਰੇਸ ਪੂਰੀ ਕਰਦੇ ਹੀ ਬੋਵੀ ਟਰੈਕ 'ਤੇ ਡਿੱਗ ਗਈ ਅਤੇ ਸ਼ੁਰੂਆਤ 'ਚ ਟਾ ਲਾਊ ਜਸ਼ਨ ਮਨਾ ਰਹੀ ਸੀ ਪਰ ਸਕੋਰ ਬੋਰਡ 'ਤੇ ਬੋਵੀ ਨੂੰ ਜੇਤੂ ਐਲਾਨਿਆ ਸੀ।
ਬੋਵੀ ਨੇ 10.85 ਸਕਿੰਟ 'ਚ ਰੇਸ ਪੂਰੀ ਕੀਤੀ ਜਦਕਿ ਟਾ ਲਾਊ 10.86 ਸਕਿੰਟ ਦੇ ਨਾਲ ਦੂਜੇ ਸਥਾਨ 'ਤੇ ਰਹੀ। ਨੀਦਰਲੈਂਡ ਦੀ ਡੇਫ਼ਨੇ ਸ਼ਿਪਰਸ ਨੇ 10.96 ਸਕਿੰਟ ਨਾਲ ਕਾਂਸੀ ਤਮਗ²ਾ ਜਿੱਤਿਆ। ਥਾ ਪਸਨ 10.98 ਸਕਿੰਟ ਦੇ ਨਾਲ ਪੰਜਵਾਂ ਸਥਾਨ ਹੀ ਹਾਸਲ ਕਰ ਸਕੀ। (ਪੀਟੀਆਈ)
