ਫ਼ਰਾਂਸ ਦੇ ਸ਼ਾਨਦਾਰ ਸਟ੍ਰਾਈਕਰ ਕੀਲੀਅਨ ਐਂਬਾਪੇ ਨੇ ਖ਼ੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੇ ਪਿੱਠ 'ਤੇ ਸੱਟ ਨਾਲ ਵਿਸ਼ਵ ਕੱਪ ਸੈਮੀਫ਼ਾਈਨਲ ਅਤੇ ਫ਼ਾਈਨਲ 'ਚ ਖੇਡਿਆ ਸੀ............

ਪੈਰਿਸ : ਫ਼ਰਾਂਸ ਦੇ ਸ਼ਾਨਦਾਰ ਸਟ੍ਰਾਈਕਰ ਕੀਲੀਅਨ ਐਂਬਾਪੇ ਨੇ ਖ਼ੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੇ ਪਿੱਠ 'ਤੇ ਸੱਟ ਨਾਲ ਵਿਸ਼ਵ ਕੱਪ ਸੈਮੀਫ਼ਾਈਨਲ ਅਤੇ ਫ਼ਾਈਨਲ 'ਚ ਖੇਡਿਆ ਸੀ। ਫ਼ਰਾਂਸ ਦੀ ਫ਼ੁਟਬਾਲ ਪੱਤ੍ਰਿਕਾ ਨੂੰ ਦਿਤੇ ਗਏ ਇਕ ਇੰਟਰਵਿਊ 'ਚ 19 ਸਾਲਾ ਐਂਬਾਪੇ ਨੇ ਕਿਹਾ ਕਿ ਰੂਸ 'ਚ ਟੂਰਨਾਮੈਂਟ ਦੇ ਸੈਮੀਫ਼ਾਈਨਲ ਤੋਂ ਤਿੰਨ ਦਿਨ ਪਹਿਲਾਂ ਉਨ੍ਹਾਂ ਦੀ ਰੀੜ ਦੀਆਂ ਹੱਡੀਆਂ 'ਚੋਂ ਤਿੰਨ ਖਿਸਕ ਗਈਆਂ ਸਨ।  ਫ਼ਰਾਂਸ ਨੇ ਕਰੋਏਸ਼ੀਆ ਨੂੰ 4-2 ਨਾਲ ਹਰਾ ਕੇ ਖ਼ਿਤਾਬ ਜਿੱਤਿਆ।

ਉਨ੍ਹਾਂ ਕਿਹਾ ਕਿ ਮੈਂ ਵਿਰੋਧੀਆਂ ਨੂੰ ਇਸ ਦੀ ਭਾਫ਼ ਵੀ ਨਹੀਂ ਕੱਢਣੀ ਚਾਹੁੰਦਾ ਸੀ, ਕਿਉਂ ਕਿ ਮੇਰੀ ਪਿੱਠ ਨੂੰ ਨਿਸ਼ਾਨਾ ਬਣਾ ਸਕਦੇ ਸੀ।  ਐਂਬਾਪੇ ਨੇ ਕਿਹਾ ਕਿ ਅਸੀਂ ਫ਼ਾਈਨਲ 'ਚ ਵੀ ਇਸ ਨੂੰ ਲੁਕਾ ਕੇ ਰਖਿਆ। ਐਂਬਾਪੇ ਨੇ ਫ਼ਾਈਨਲ 'ਚ ਇਕ ਗੋਲ ਸਮੇਤ ਟੂਰਨਾਮੈਂਟ 'ਚ ਚਾਰ ਗੋਲ ਕਰ ਕੇ ਵਿਸ਼ਵ ਕੱਪ 'ਚ ਸਰਬੋਤਮ ਨੌਜਵਾਨ ਖਿਡਾਰੀ ਦਾ ਪੁਰਸਕਾਰ ਜਿੱਤਿਆ। ਉਹ ਪੇਲੇ ਤੋਂ ਬਾਅਦ ਵਿਸ਼ਵ ਕੱਪ 'ਚ ਦੋ ਜਾਂ ਜ਼ਿਆਦਾ ਗੋਲ ਕਰਨ ਵਾਲਾ ਦੂਜਾ ਨੌਜਵਾਨ ਖਿਡਾਰੀ ਬਣਾ ਗਿਆ ਹੈ।   (ਏਜੰਸੀ)