ਜੇਕਰ ਪੰਜਾਬ ਕਿੰਗਜ਼ ਬਨਾਮ ਰਾਇਲ ਚੈਲੇਂਜਰਜ਼ ਬੰਗਲੌਰ ਮੈਚ ਰੱਦ ਹੋ ਜਾਂਦਾ ਹੈ ਤਾਂ ਪੰਜਾਬ ਨੂੰ ਫ਼ਾਈਨਲ ਲਈ ਟਿਕਟ ਮਿਲ ਜਾਵੇਗੀ।
PBKS vs RCB, IPL 2025 Qualifier 1 Weather Update Forecast News in Punjabi: ਮੋਹਾਲੀ ਵਿੱਚ ਭਲਕੇ ਮੀਂਹ ਪੈਣ ਦੀ ਸੰਭਾਵਨਾ ਹੈ, ਇਸ ਦਿਨ ਪਹਿਲਾ ਕੁਆਲੀਫਾਇਰ ਮੈਚ ਪੰਜਾਬ ਕਿੰਗਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਚਕਾਰ ਮੁੱਲਾਂਪੁਰ ਕ੍ਰਿਕਟ ਸਟੇਡੀਅਮ (ਨਵਾਂ ਪੀਸੀਏ ਸਟੇਡੀਅਮ) ਵਿਖੇ ਖੇਡਿਆ ਜਾਣਾ ਹੈ।
ਜਿੱਤਣ ਵਾਲੀ ਟੀਮ ਫ਼ਾਈਨਲ ਵਿੱਚ ਪ੍ਰਵੇਸ਼ ਕਰੇਗੀ ਜਦੋਂ ਕਿ ਹਾਰਨ ਵਾਲੀ ਟੀਮ ਨੂੰ ਇੱਕ ਹੋਰ ਮੌਕਾ ਮਿਲੇਗਾ ਅਤੇ ਉਹ ਐਲੀਮੀਨੇਟਰ ਦੇ ਜੇਤੂ ਨਾਲ ਭਿੜੇਗੀ।
ਪਰ ਜੇ ਮੀਂਹ ਕਾਰਨ ਖੇਡ ਖ਼ਰਾਬ ਹੋ ਜਾਵੇ, ਤਾਂ ਕਿਹੜੀ ਟੀਮ ਫ਼ਾਈਨਲ ਵਿੱਚ ਪ੍ਰਵੇਸ਼ ਕਰੇਗੀ ਅਤੇ ਕਿਹੜੀ ਟੀਮ ਕੁਆਲੀਫਾਇਰ 2 ਵਿੱਚ ਜਾਵੇਗੀ? ਕੀ ਇੱਥੇ ਕੋਈ ਰਿਜ਼ਰਵ ਡੇ ਹੈ? ਇਨ੍ਹਾਂ ਸਾਰੇ ਸਵਾਲਾਂ ਦੇ ਜਵਾਬ ਅਸੀਂ ਤੁਹਾਨੂੰ ਦੇਵਾਂਗੇ।
ਪਹਿਲਾਂ ਕੁਆਲੀਫ਼ਾਇਰ 1 ਅਤੇ ਐਲੀਮੀਨੇਟਰ ਮੈਚ ਹੈਦਰਾਬਾਦ ਵਿੱਚ ਖੇਡੇ ਜਾਣੇ ਸਨ ਪਰ ਆਈਪੀਐਲ ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਕਿ ਹੁਣ ਇਹ ਦੋਵੇਂ ਮੈਚ ਮੁੱਲਾਂਪੁਰ ਵਿੱਚ ਤਬਦੀਲ ਕਰ ਦਿੱਤੇ ਗਏ ਹਨ। ਪਲੇਆਫ਼ ਮੈਚ ਵੀਰਵਾਰ ਤੋਂ ਸ਼ੁਰੂ ਹੋ ਰਹੇ ਹਨ।
ਕੁਆਲੀਫ਼ਾਇਰ 1 ਅੰਕ ਸੂਚੀ ਵਿੱਚ ਸਿਖ਼ਰ 'ਤੇ ਮੌਜੂਦ ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਵਾਲੀ ਪੰਜਾਬ ਕਿੰਗਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਚਕਾਰ ਖੇਡਿਆ ਜਾਵੇਗਾ। ਆਰਸੀਬੀ ਨੇ ਲਖਨਊ ਨੂੰ ਹਰਾ ਕੇ ਟੇਬਲ ਵਿੱਚ ਦੂਜਾ ਸਥਾਨ ਹਾਸਲ ਕੀਤਾ। ਜੇਕਰ ਪੰਜਾਬ ਕਿੰਗਜ਼ ਬਨਾਮ ਰਾਇਲ ਚੈਲੇਂਜਰਜ਼ ਬੰਗਲੌਰ ਮੈਚ ਰੱਦ ਹੋ ਜਾਂਦਾ ਹੈ ਤਾਂ ਪੰਜਾਬ ਨੂੰ ਫ਼ਾਈਨਲ ਲਈ ਟਿਕਟ ਮਿਲ ਜਾਵੇਗੀ। ਜਦੋਂ ਕਿ ਆਰਸੀਬੀ ਨੂੰ ਫ਼ਾਈਨਲ ਵਿੱਚ ਪਹੁੰਚਣ ਲਈ ਕੁਆਲੀਫ਼ਾਇਰ 2 ਖੇਡਣਾ ਪਵੇਗਾ। ਨਿਯਮਾਂ ਅਨੁਸਾਰ, ਅੰਕ ਸੂਚੀ ਵਿੱਚ ਸਿਖ਼ਰਲੀ ਟੀਮ ਨੂੰ ਤਰਜੀਹ ਦਿੱਤੀ ਜਾਂਦੀ ਹੈ।
ਕੀ ਪਲੇਆਫ਼ ਮੈਚਾਂ ਵਿੱਚ ਰਿਜ਼ਰਵ ਦਿਨ ਹੁੰਦੇ ਹਨ?
ਨਹੀਂ, ਪਲੇਆਫ਼ ਮੈਚਾਂ ਦੇ ਰਿਜ਼ਰਵ ਡੇਅ ਬਾਰੇ ਅਜੇ ਤੱਕ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਪਿਛਲੇ ਸੀਜ਼ਨ ਵਿੱਚ ਆਈਪੀਐਲ ਫ਼ਾਈਨਲ ਲਈ ਰਿਜ਼ਰਵ ਡੇਅ ਦਾ ਫ਼ੈਸਲਾ ਕੀਤਾ ਗਿਆ ਸੀ ਪਰ ਬੀਸੀਸੀਆਈ ਨੇ ਇੱਕ ਨਵਾਂ ਨਿਯਮ ਬਣਾਇਆ ਹੈ, ਜਿਸ ਨਾਲ ਮੈਚ ਰੱਦ ਹੋਣ ਦੀ ਸੰਭਾਵਨਾ ਬਹੁਤ ਹੱਦ ਤੱਕ ਘੱਟ ਜਾਂਦੀ ਹੈ।
BCCI New Rules: ਜਾਣੋ ਨਵੇਂ ਨਿਯਮ
ਬੀਸੀਸੀਆਈ ਨੇ ਆਈਪੀਐਲ 2025 ਮੈਚਾਂ ਦੇ ਵਾਧੂ ਸਮੇਂ ਵਿੱਚ 120 ਮਿੰਟ ਜੋੜੇ ਹਨ, ਜਿਸ ਅਨੁਸਾਰ ਪੂਰਾ 20 ਓਵਰਾਂ ਦਾ ਮੈਚ ਰਾਤ 9:30 ਵਜੇ ਤੱਕ ਸ਼ੁਰੂ ਹੋ ਸਕਦਾ ਹੈ।
PBKS vs RCB, IPL 2025 Qualifier 1 Weather Update Forecast: ਮੋਹਾਲੀ ਵਿੱਚ ਮੀਂਹ ਪੈਣ ਦੀ ਸੰਭਾਵਨਾ
ਮੋਹਾਲੀ ਦੇ ਮੌਸਮ ਦੀ ਗੱਲ ਕਰੀਏ ਤਾਂ ਵੀਰਵਾਰ ਨੂੰ ਤਾਪਮਾਨ 36 ਡਿਗਰੀ ਸੈਲਸੀਅਸ ਰਹੇਗਾ। ਬੱਦਲਵਾਈ ਰਹੇਗੀ ਅਤੇ ਹਲਕੀ ਬਾਰਿਸ਼ ਦੀ ਸੰਭਾਵਨਾ ਹੈ ਪਰ ਸ਼ੁੱਕਰਵਾਰ ਨੂੰ ਇੱਥੇ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ, ਇਸ ਦਿਨ ਇੱਥੇ ਐਲੀਮੀਨੇਟਰ ਮੈਚ ਖੇਡਿਆ ਜਾਵੇਗਾ।
ਇਸ ਵਿੱਚ ਮੁੰਬਈ ਇੰਡੀਅਨਜ਼ ਅਤੇ ਗੁਜਰਾਤ ਟਾਈਟਨਜ਼ ਆਹਮੋ-ਸਾਹਮਣੇ ਹੋਣਗੇ ਅਤੇ ਹਾਰਨ ਵਾਲੀ ਟੀਮ ਬਾਹਰ ਹੋ ਜਾਵੇਗੀ। ਅੰਕ ਸੂਚੀ ਵਿੱਚ ਗੁਜਰਾਤ ਤੀਜੇ ਸਥਾਨ 'ਤੇ ਹੈ ਅਤੇ ਮੁੰਬਈ ਚੌਥੇ ਸਥਾਨ 'ਤੇ ਹੈ।
(For more news apart from PBKS vs RCB, IPL 2025 Qualifier 1 Weather Update Forecast News in Punjabi, stay tuned to Rozana Spokesman)
