ਆਈਸੀਸੀ ਮਹਿਲਾ ਵਿਸ਼ਵ ਟੀ 20 'ਚ ਭਾਰਤੀ ਟੀਮ ਦੀ ਕਮਾਨ ਹਰਮਨਪ੍ਰੀਤ ਕੌਰ ਸੰਭਾਲੇਗੀ
ਮੁੰਬਈ : ਆਈਸੀਸੀ ਮਹਿਲਾ ਵਿਸ਼ਵ ਕੱਪ ਟੀ 20 'ਚ ਭਾਰਤੀ ਟੀਮ ਦੀ ਕਮਾਨ ਹਰਮਨਪ੍ਰੀਤ ਕੌਰ ਸੰਭਾਲੇਗੀ। ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਸ਼ੁਕਰਵਾਰ ਨੂੰ 15 ਮੈਂਬਰੀ ਟੀਮ ਦੀ ਘੋਸ਼ਣਾ ਕੀਤੀ ਹੈ। ਇਹ ਟੂਰਨਾਮੈਂਟ 9 ਨਵੰਬਰ ਤੋਂ ਵੈਸਟ ਇੰਡੀਜ਼ ਵਿਚ ਖੇਡਿਆ ਜਾਣਾ ਹੈ।ਭਾਰਤੀ ਮਹਿਲਾ ਚੋਣ ਕਮੇਟੀ ਨੇ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਨੂੰ ਬਣਾਇਆ ਹੈ, ਅਤੇ ਸਮ੍ਰਿਤੀ ਮੰਧਾਨਾ ਨੂੰ ਉਪ ਕਪਤਾਨ ਦੀ ਜ਼ਿੰਮੇਵਾਰੀ ਸੰਭਾਲੀ ਹੈ। ਭਾਰਤ ਨੇ ਹਾਲ ਹੀ ਵਿਚ ਹਰਮਨਪ੍ਰੀਤ ਦੀ ਕਪਤਾਨੀ ਵਿਚ ਸ੍ਰੀਲੰਕਾ ਨੂੰ ਟੀ 20 ਮੈਚ ਦੀ ਸੀਰੀਜ਼ ਵਿਚ 4-0 ਨਾਲ ਹਰਾਇਆ ਹੈ।
ਹਰ ਮਹਿਲਾ ਵਿਸ਼ਵ ਟੀ 20 ਟੂਰਨਾਮੈਂਟ ਦਾ ਛੇਵਾਂ ਐਡੀਸ਼ਨ ਹੈ। ਭਾਰਤ ਇਸ ਟੂਰਨਾਮੈਂਟ ਦੇ ਫਾਈਨਲ ਵਿਚ ਕਦੇ ਨਹੀਂ ਪਹੁੰਚਿਆ। ਟੂਰਨਾਮੈਂਟ 16 ਦਿਨ ਤਕ (9 ਤੋਂ 24 ਨਵੰਬਰ ਤਕ) ਤਕ ਚਲੇਗਾ। ਇਸ ਲਈ ਭਾਰਤੀ ਟੀਮ ਨੂੰ ਗਰੁੱਪ ਬੀ ਵਿਚ ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਪਾਕਿਸਤਾਨ ਅਤੇ ਆਇਰਲੈਂਡ ਦੇ ਨਾਲ ਸ਼ਾਮਿਲ ਕੀਤੀ ਗਿਆ ਹੈ। ਭਾਰਤੀ ਟੀਮ ਇਸ ਟੂਰਨਾਮੈਂਟ ਦਾ ਆਗਾਜ਼ ਗੁਯਾਣਾ ਵਿਚ ਨਿਊਜ਼ੀਲੈਂਡ ਦੇ ਖ਼ਿਲਾਫ਼ 9 ਨਵੰਬਰ ਨੂੰ ਖੇਡੇ ਜਾਣ ਵਾਲੇ ਮੈਚ ਵਿਚ ਕਰੇਗੀ।ਇਸ ਤੋਂ ਬਾਅਦ ਉਹਨਾਂ ਦਾ ਅਗਲਾ ਮੈਚ 11 ਨਵੰਬਰ ਨੂੰ ਪਾਕਿਸਤਾਨ, 15 ਨਵੰਬਰ ਨੂੰ ਆਇਰਲੈਂਡ ਅਤੇ 17 ਨਵੰਬਰ ਨੂੰ ਆਸਟ੍ਰੇਲੀਆ ਨਾਲ ਹੋਵੇਗਾ।
ਟੀਮ ਇੰਡੀਆ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ), ਮਿਤਾਲੀ ਰਾਜ, ਜੇਮਿਮਾਹ ਰੋਡ੍ਰਿਗੇਜ, ਵੇਦਾ ਕ੍ਰਿਸ਼ਣ ਮੂਰਤੀ, ਦੀਪਤੀ ਸ਼ਰਮਾ, ਤਾਨੀਆ ਭਾਟੀਆ (ਵਿਕੇਟਕੀਪਰ), ਪੂਨਮ ਯਾਦਵ, ਰਾਧਾ ਯਾਦਵ, ਅਨੁਜ਼ਾ ਪਾਟਿਲ, ਏਕਤਾ ਵਿਸ਼ਟ, ਡੀ ਹੇਮਲਤਾ, ਮਾਨਵੀ ਜੋਸ਼ੀ, ਪੂਜਾ ਵਸਤਰਕਾਰ ਅਤੇ ਅਰੁਣਦੇਤਿ ਰੈਡੀ।