'ਪਲੇਅਰ ਆਫ਼ ਦੀ ਮੈਚ' ਦਾ ਖ਼ਿਤਾਬ ਵੈਸਟਇੰਡੀਜ਼ ਦੇ ਤੇਜ਼ ਗੇਂਦਬਾਜ਼ ਓਸਾਨੇ ਥਾਮਸ ਨੂੰ ਦਿੱਤਾ ਗਿਆ
ਨੋਟਿੰਘਮ : ਆਈਸੀਸੀ ਵਿਸ਼ਵ ਕੱਪ 2019 ਦੇ ਦੂਜੇ ਮੈਚ 'ਚ ਵੈਸਟਇੰਡੀਜ਼ ਨੇ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਪਾਕਿਸਤਾਨ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਬਹੁਤ ਮਾੜਾ ਪ੍ਰਦਰਸ਼ਨ ਕੀਤਾ ਅਤੇ ਸਿਰਫ਼ 105 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ। ਜਵਾਬ 'ਚ ਵੈਸਟਇੰਡੀਜ਼ ਟੀਮ ਨੇ 13.4 ਓਵਰਾਂ 'ਚ ਹੀ 3 ਵਿਕਟਾਂ ਗੁਆ ਕੇ 108 ਦੌੜਾਂ ਬਣਾ ਲਈਆਂ। ਵੈਸਟਇੰਡੀਜ਼ ਵੱਲੋਂ ਕ੍ਰਿਸ ਗੇਲ ਨੇ 34 ਗੇਂਦਾਂ 'ਚ 50 ਅਤੇ ਨਿਕੋਲਸ ਪੂਰਨ ਨੇ ਅਜੇਤੂ 34 ਦੌੜਾਂ ਬਣਾਈਆਂ।
???
— ICC (@ICC) 31 May 2019
Windies cruising in Nottingham.#MenInMaroon #CWC19#WIvPAK LIVE ?https://t.co/dZMkLSM6LX pic.twitter.com/M6h5GDKuUX
ਵਿਸ਼ਵ ਕੱਪ 'ਚ ਪਾਕਿਸਤਾਨ ਦਾ ਇਹ ਦੂਜਾ ਸੱਭ ਤੋਂ ਘੱਟ ਸਕੋਰ ਹੈ। ਪਾਕਿਸਤਾਨ ਦੀ ਟੀਮ ਸਿਰਫ਼ 21.4 ਓਵਰ ਹੀ ਖੇਡ ਸਕੀ। ਪਾਕਿਸਤਾਨ ਦੀ ਟੀਮ 1992 'ਚ ਇੰਗਲੈਂਡ ਵਿਰੁੱਧ ਸਿਰਫ਼ 74 ਦੌੜਾਂ 'ਤੇ ਆਊਟ ਹੋਈ ਸੀ। ਟਾਸ ਜਿੱਤ ਕੇ ਵੈਟਸਇੰਡੀਜ਼ ਨੇ ਪਾਕਿਸਤਾਨ ਟੀਮ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ। ਪਾਕਿਸਤਾਨ ਵੱਲੋਂ ਸਲਾਮੀ ਬੱਲੇਬਾਜ਼ ਇਮਾਮ ਉਲ ਹੱਕ ਨੇ 2 ਅਤੇ ਫ਼ਖਰ ਜਮਾਂ ਨੇ 22 ਦੌੜਾਂ ਬਣਾਈਆਂ।
West Indies win!
— Cricket World Cup (@cricketworldcup) 31 May 2019
Oshane Thomas starred with the ball while Chris Gayle top-scored with a quick fifty as the #MenInMaroon cruised to a comfortable seven-wicket win in their #CWC19 opener against Pakistan. #WIvPAK SCORECARD ?https://t.co/YTelzKYwRl pic.twitter.com/HYW65Bn7yD
ਇਸ ਤੋਂ ਬਾਅਦ ਹੈਰਿਸ ਸੋਹੇਲ ਨੇ 8, ਬਾਬਰ ਆਜ਼ਮ ਨੇ 22, ਕਪਤਾਨ ਸਰਫ਼ਰਾਜ਼ ਅਹਿਮਦ ਨੇ 8 ਦੌੜਾਂ ਬਣਾਈਆਂ। ਪਾਕਿਸਤਾਨ ਦੀ ਅੱਧੀ ਟੀਮ 75 ਦੌੜਾਂ 'ਤੇ ਪਵੇਲੀਅਨ ਵਾਪਸ ਚਲੀ ਗਈ। ਇਸ ਮਗਰੋਂ ਮੁਹੰਮਦ ਹਫ਼ੀਜ਼ 16, ਇਮਾਦ ਵਸੀਮ 1, ਸ਼ਾਦਾਬ ਖ਼ਾਨ 0, ਹਸਨ ਅਲੀ 1 ਅਤੇ ਵਹਾਬ ਰਿਆਜ਼ 18 ਦੌੜਾਂ ਕੇ ਆਊਟ ਹੋ ਗਏ।
That first victory feeling! ?#CWC19 #MenInMaroon #WIvPAK pic.twitter.com/cVEd0w9eoT
— ICC (@ICC) 31 May 2019
ਵੈਸਟਇੰਡੀਜ਼ ਵੱਲੋਂ ਓਸਾਨੇ ਥਾਮਸ ਨੇ 4, ਕਪਤਾਨ ਜੇਸਨ ਹੋਲਡਰ ਨੇ 3, ਆਂਦਰੇ ਰਸੇਲ ਨੇ 2 ਅਤੇ ਸ਼ੇਲਡਨ ਕਾਟਰੇਲ ਨੇ 1 ਵਿਕਟ ਹਾਸਲ ਕੀਤੀ। ਆਸਾਨ ਜਿਹੇ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਵੈਸਟਇੰਡੀਜ਼ ਟੀਮ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਕ੍ਰਿਸ ਗੇਲ ਨੇ 50, ਸ਼ਾਈ ਹੋਪ ਨੇ 11, ਡਾਰੇਨ ਬ੍ਰਾਵੋ ਨੇ 0, ਨਿਕੋਲਸ ਪੂਰਨ ਨੇ 34 ਅਤੇ ਸ਼ਿਮਰੋਨ ਹੈਟਮੇਅਰ ਨੇ 7 ਦੌੜਾਂ ਬਣਾਈਆਂ।
Reporting for duty!#MenInMaroon #CWC19 pic.twitter.com/JXARU7bQ7n
— ICC (@ICC) 31 May 2019
ਪਾਕਿਸਤਾਨ ਲਈ ਤਿੰਨੇ ਵਿਕਟਾਂ ਤੇਜ਼ ਗੇਂਦਬਾਜ਼ ਮੁਹੰਮਦ ਆਮਿਰ ਨੇ ਲਈਆਂ। 'ਪਲੇਅਰ ਆਫ਼ ਦੀ ਮੈਚ' ਦਾ ਖ਼ਿਤਾਬ ਵੈਸਟਇੰਡੀਜ਼ ਦੇ ਤੇਜ਼ ਗੇਂਦਬਾਜ਼ ਓਸਾਨੇ ਥਾਮਸ ਨੂੰ ਦਿੱਤਾ ਗਿਆ।