ਭਾਰਤੀ ਕ੍ਰਿਕਟਰ ਗੌਤਮ ਗੰਭੀਰ ਦੀ ਦਰਿਆਦਿਲੀ ਇੱਕ ਵਾਰ ਫਿਰ ਦੇਖਣ ਨੂੰ ਮਿਲੀ ਹੈ। ਇਸ ਵਾਰ ਉਨ੍ਹਾਂ ਨੇ ਇੱਕ ਸ਼ਹੀਦ ਦੀ ਧੀ ਦੀ ਪੜਾਈ ਦਾ ਖਰਚ ਚੁੱਕਣ ਦਾ ਐਲਾਨ ਕੀਤਾ ਹੈ। ਜੰਮੂ ਕਸ਼ਮੀਰ ਵਿੱਚ ਹੋਏ ਅੱਤਵਾਦੀ ਹਮਲੇ ਵਿੱਚ ਸ਼ਹੀਦ ASI ਅਬਦੁਲ ਰਾਸ਼ਿਦ ਦੀ ਧੀ ਜੋਹਰਾ ਦੀ ਪੜਾਈ ਦਾ ਖਰਚ ਹੁਣ ਗੌਤਮ ਗੰਭੀਰ ਉਠਾਉਣਗੇ। ਉਨ੍ਹਾਂ ਨੇ ਟਵੀਟ ਕਰਦੇ ਹੋਏ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ।
ਟਵਿਟਰ ਉੱਤੇ ਜੋਹਰਾ ਦੀ ਰੋਂਦੀ ਹੋਈ ਤਸਵੀਰ ਸ਼ੇਅਰ ਕਰਦੇ ਹੋਏ ਗੰਭੀਰ ਨੇ ਇੱਕ ਭਾਵੁਕ ਮੈਸੇਜ ਲਿਖਿਆ। ਇਸ ਵਿੱਚ ਉਨ੍ਹਾਂ ਨੇ ਲਿਖਿਆ ਜੋਹਰਾ ਮੈਂ ਤੈਨੂੰ ਲੋਰੀ ਸੁਣਾਕੇ ਸਵਾ ਨਹੀਂ ਸਕਦਾ ਪਰ ਤੁਹਾਡੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਤੈਨੂੰ ਜਗਾ ਜਰੂਰ ਸਕਦਾ ਹਾਂ, ਅਸੀਂ ਜੀਵਨਭਰ ਤੁਹਾਡੀ ਪੜਾਈ ਦਾ ਖਰਜ ਉਠਾਵਾਂਗੇ। ਦੱਸ ਦਈਏ ਕਿ ਇਸਤੋਂ ਪਹਿਲਾਂ ਵੀ ਗੌਤਮ ਸ਼ਹੀਦਾਂ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਲਈ ਅਜਿਹਾ ਹੀ ਸਨਮਾਨ ਵਿਅਕਤ ਕਰ ਚੁੱਕੇ ਹਨ।
ਦੂਜੇ ਟਵੀਟ ਵਿੱਚ ਗੌਤਮ ਨੇ ਲਿਖਿਆ ਜੋਹਰਾ ਪਲੀਜ ਇਨ੍ਹਾਂ ਹੰਝੂਆਂ ਨੂੰ ਜ਼ਮੀਨ ਉੱਤੇ ਨਾ ਡਿੱਗਣ ਦਵੋ, ਕਿਉਂਕਿ ਮੈਨੂੰ ਸ਼ੱਕ ਹੈ ਕਿ ਧਰਤੀ ਮਾਂ ਵੀ ਇਸ ਦਰਦ ਦਾ ਬੋਝ ਉਠਾ ਸਕਦੀ ਹੈ, ਤੁਹਾਡੇ ਸ਼ਹੀਦ ਪਿਤਾ ਨੂੰ ਸਲਾਮ। ਪਹਿਲਾਂ ਵੀ ਗੰਭੀਰ ਸੁਕਮਾ 'ਚ ਨਕਸਲੀ ਹਮਲੇ ਵਿੱਚ ਸ਼ਹੀਦ ਹੋਏ ਜਵਾਨਾਂ ਦੇ ਪਰਿਵਾਰਾਂ ਦੀ ਮਦਦ ਲਈ ਹੱਥ ਵਧਾ ਚੁੱਕੇ ਹਨ। ਉਹ ਗੌਤਮ ਗੰਭੀਰ ਫਾਉਂਡੇਸ਼ਨ ਦੇ ਜਰੀਏ ਸ਼ਹੀਦ 25 ਸੀਰੀਆਰਪੀਫ ਜਵਾਨਾਂ ਦੇ ਬੱਚਿਆਂ ਦੀ ਪੜਾਈ ਦਾ ਖਰਚ ਉਠਾ ਰਹੇ ਹਨ।
ਜਾਣਕਾਰੀ ਮੁਤਾਬਿਕ ਜੋਹਰਾ ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਵਾਇਰਲ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ ਦੱਖਣ ਕਸ਼ਮੀਰ ਪੁਲਿਸ ਦੇ DIG ਨੇ ਜੋਹਰਾ ਦੇ ਨਾਮ ਖੁੱਲ੍ਹਾ ਖੱਤ ਵੀ ਲਿਖਿਆ। ਤੁਹਾਡੇ ਪਿਤਾ ਨੇ ਜੋ ਕੁਰਬਾਨੀ ਦਿੱਤੀ ਹੈ, ਉਹ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।
