ਨਵੀਂ ਦਿੱਲੀ, 27
ਸਤੰਬਰ : ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਅਪਣੀ ਖੇਡ ਤੋਂ ਇਲਾਵਾ ਅਪਣੀ ਵਧੀਆ
ਲੁੱਕਸ ਅਤੇ ਅਪਣੀ ਫਿਟਨੈੱਸ ਲਈ ਜਾਣੇ ਜਾਂਦੇ ਹਨ। ਮੈਦਾਨ 'ਚ ਉਸ ਨੂੰ ਟੱਕਰ ਦੇਣਾ ਕਿਸੇ
ਲਈ ਅਸਾਨ ਨਹੀਂ ਹੈ ਪਰ ਮੈਦਾਨ ਤੋਂ ਬਾਹਰ ਇਕ ਕ੍ਰਿਕਟਰ ਉਸ ਨੂੰ ਚਣੌਤੀ ਦੇਣ ਦੀ ਸਮਰੱਥਾ
ਰਖਦਾ ਹੈ। ਇਹ ਖਿਡਾਰੀ ਹਿਮਾਚਲ ਪ੍ਰਦੇਸ਼ ਦਾ ਨੌਜਵਾਨ ਕ੍ਰਿਕਟਰ 20 ਸਾਲਾ ਮਯੰਕ ਡਾਗਰ ਹੈ।
ਇਸ
ਕ੍ਰਿਕਟਰ ਨੇ ਹੁਣ ਕੌਮਾਂਤਰੀ ਕ੍ਰਿਕਟਰ 'ਚ ਕਦਮ ਨਹੀਂ ਰੱਖਿਆ ਹੈ ਪਰ ਇਸ ਦੀ ਚਰਚਾ ਚਾਰੇ
ਪਾਸੇ ਹੈ। ਇਸ ਦੀ ਵਜ੍ਹਾ ਉਸ ਦੀ ਗੁੱਡ ਲੁੱਕ ਹੈ। ਅਪਣੀ ਇਸ ਲੁੱਕ ਦੀ ਬਦੌਲਤ ਉਹ ਭਾਰਤੀ
ਕਪਤਾਨ ਵਿਰਾਟ ਕੋਹਲੀ ਨੂੰ ਵੀ ਹਰਾਉਣ 'ਚ ਨਜ਼ਰ ਆ ਰਹੇ ਹਨ।
ਮਯੰਕ ਕੋਲ ਕੇਵਲ ਗੁੱਡ
ਲੁੱਕਸ ਹੀ ਨਹੀਂ ਬਲਕਿ ਉਸ ਦੀ ਸ਼ਾਨਦਾਰ ਫਿਟਨੈੱਸ ਵੀ ਹੈ। ਇਸ ਮਾਮਲੇ 'ਚ ਵੀ ਉਹ ਵਿਰਾਟ
ਕੋਹਲੀ ਨੂੰ ਪੂਰੀ ਟੱਕਰ ਦੇ ਰਹੇ ਹਨ। ਮਯੰਕ ਅਤੇ ਕੋਹਲੀ 'ਚ ਇਕ ਅੰਤਰ ਹੈ ਕਿ ਕੋਹਲੀ
ਬੱਲੇਬਾਜ਼ੀ ਕਰਦੇ ਹਨ ਅਤੇ ਮਯੰਕ ਗੇਂਦਬਾਜ਼ ਹੈ।
ਮਯੰਕ ਹਿਮਾਚਲ ਪ੍ਰਦੇਸ਼ ਦੀ ਟੀਮ 'ਚ ਖੇਡਦੇ ਹਨ।
ਮਯੰਕ
ਨੇ ਹੁਣ ਤਕ 8 ਪਹਿਲੀ ਸ਼੍ਰੇਣੀ ਮੈਚ ਖੇਡੇ ਹਨ ਅਤੇ ਜਿਸ 'ਚ ਉਨ੍ਹਾਂ ਨੇ 28 ਵਿਕਟਾਂ
ਅਪਣੇ ਨਾਂ ਕੀਤੀਆਂ ਹਨ। ਬੱਲੇਬਾਜ਼ੀ 'ਚ ਉਨ੍ਹਾਂ ਨੇ ਕੁਲ 126 ਦੌੜਾਂ ਬਣਾਈਆਂ ਹਨ। ਉਮੀਦ
ਹੈ ਕਿ ਉਹ ਜਲਦੀ ਹੀ ਭਾਰਤੀ ਟੀਮ ਦੇ ਲਈ ਖੇਡਦੇ ਨਜ਼ਰ ਆਉਣਗੇ। (ਪੀ.ਟੀ.ਆਈ.)
