ਨਵੀਂ ਦਿੱਲੀ, 28 ਸਤੰਬਰ
: ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਮਿਤਾਲੀ ਰਾਜ ਨੂੰ ਬੀ. ਸੀ. ਸੀ. ਆਈ. ਨੇ
ਭਾਰਤ 'ਚ ਸੱਭ ਤੋਂ ਪ੍ਰਭਾਵਸ਼ਾਲੀ ਮਹਿਲਾਵਾਂ 'ਚ ਚੁਣਿਆ ਹੈ। ਮਿਤਾਲੀ ਇਸ ਸਮੇਂ ਵਨ ਡੇ 'ਚ
ਸੱਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਪਹਿਲੀ ਮਹਿਲਾ ਹੈ। ਉਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ
ਹੋਏ ਟੀਮ ਨੂੰ ਫ਼ਾਈਨਲ ਤਕ ਪਹੁੰਚਾਉਣ 'ਚ ਕਾਫ਼ੀ ਭੂਮਿਕਾ ਨਿਭਾਈ ਸੀ, ਪਰ ਟੀਮ ਨੂੰ ਫ਼ਾਈਨਲ
ਮੈਚ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਵਿਸ਼ਵ ਕੱਪ ਦੌਰਾਨ ਹੀ ਮਿਤਾਲੀ ਰਾਜ ਵਨ ਡੇ
ਕ੍ਰਿਕਟ 'ਚ ਸੱਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਮਹਿਲਾ ਕ੍ਰਿਕਟਰ ਬਣੀ। ਇਨ੍ਹਾਂ ਹੀ ਨਹੀਂ
ਮਿਤਾਲੀ ਰਾਜ ਨੂੰ ਮਹਿਲਾ ਟੀਮ ਦਾ ਸਚਿਨ ਤੇਂਦੁਲਕਰ ਵੀ ਕਿਹਾ ਜਾਂਦਾ ਹੈ। (ਪੀ.ਟੀ.ਆਈ.)
