ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੇ ਗੁਜ਼ਰੇ ਸ਼ਨੀਵਾਰ ਨੂੰ ਦੱਖਣੀ ਅਫਰੀਕਾ ਦੌਰੇ ਉੱਤੇ ਜਾਣ ਵਾਲੀ ਟੀਮ ਇੰਡੀਆ ਦਾ ਐਲਾਨ ਕਰ ਦਿੱਤਾ ਹੈ । ਇਸ 17 ਮੈਂਬਰੀ ਟੀਮ ਵਿੱਚ ਇੱਕ ਨਵੇਂ ਖਿਡਾਰੀ ਸ਼ਾਰਦੁਲ ਠਾਕੁਰ ਨੂੰ ਜਗ੍ਹਾ ਮਿਲੀ ਹੈ, ਜਦੋਂਕਿ ਸ਼੍ਰੀਲੰਕਾ ਦੇ ਖਿਲਾਫ ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਕੇ.ਐੱਲ. ਰਾਹੁਲ ਨੂੰ ਬਾਹਰ ਰੱਖਿਆ ਗਿਆ ਹੈ ।
ਸ਼ਾਰਦੁਲ ਠਾਕੁਰ ਦੇ ਨਾਲ-ਨਾਲ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੂੰ ਵੀ ਟੀਮ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ । ਜਦਕਿ, ਸੱਟ ਦੇ ਕਾਰਨ ਸ਼੍ਰੀਲੰਕਾ ਦੇ ਖਿਲਾਫ ਵਨ-ਡੇ ਸੀਰੀਜ਼ ਵਿੱਚ ਨਹੀਂ ਖੇਡ ਸਕਣ ਵਾਲੇ ਬੱਲੇਬਾਜ਼ ਕੇਦਾਰ ਜਾਧਵ ਦੀ ਵੀ ਟੀਮ ਵਿੱਚ ਵਾਪਸੀ ਹੋਈ ਹੈ । ਜਦਕਿ ਹਾਲ ਵਿੱਚ ਯੋ-ਯੋ ਟੈਸਟ ਪਾਸ ਕਰਨ ਵਾਲੇ ਟੀਮ ਆਲਰਾਉਂਡਰ ਯੁਵਰਾਜ ਸਿੰਘ ਅਤੇ ਬੱਲੇਬਾਜ਼ ਸੁਰੇਸ਼ ਰੈਨਾ ਨੂੰ ਟੀਮ ਇੰਡੀਆ ਦੀ 17 ਮੈਂਬਰੀ ਟੀਮ ਵਿੱਚ ਜਗ੍ਹਾ ਨਹੀਂ ਦਿੱਤੀ ਗਈ । ਇਹ ਦੋਵੇਂ ਖਿਡਾਰੀ ਕਾਫ਼ੀ ਦਿਨਾਂ ਤੋਂ ਟੀਮ ਇੰਡੀਆ ਤੋਂ ਬਾਹਰ ਚੱਲ ਰਹੇ ਸਨ । ਯੋ-ਯੋ ਟੈਸਟ ਪਾਸ ਕਰਨ ਦੇ ਬਾਅਦ ਇਨ੍ਹਾਂ ਦੋਹਾਂ ਖਿਡਾਰੀਆਂ ਨੂੰ ਉਮੀਦ ਸੀ ਦੀ ਅਫਰੀਕੀ ਦੌਰੇ ਉੱਤੇ ਇਨ੍ਹਾਂ ਨੂੰ ਮੌਕਾ ਮਿਲ ਸਕਦਾ ਹੈ, ਪਰ ਉਨ੍ਹਾਂ ਦੀਆਂ ਉਮੀਦਾਂ ਉੱਤੇ ਪਾਣੀ ਫਿਰ ਗਿਆ ।
ਇਸ ਵਿਚਾਲੇ ਮੁੱਖ ਚੋਣਕਰਤਾ ਐੱਮ.ਐੱਸ.ਕੇ. ਪ੍ਰਸਾਦ ਨੇ ਰੈਨਾ ਅਤੇ ਯੁਵਰਾਜ ਸਿੰਘ ਦੀ ਦੱਖਣੀ ਅਫਰੀਕੀ ਦੌਰੇ ਲਈ ਚੋਣ ਨਾ ਹੋਣ ਦੇ ਕਾਰਨ ਦਾ ਖੁਲ੍ਹਾਸਾ ਕੀਤਾ ਹੈ । ਉਨ੍ਹਾਂ ਨੇ ਕਿਹਾ ਹੈ ਕਿ ਯੁਵਰਾਜ ਸਿੰਘ ਅਤੇ ਰੈਨਾ ਦੋਨਾਂ ਨੇ ਯੋ-ਯੋ ਟੈਸਟ ਕਰਨ ਵਿੱਚ ਕਾਫ਼ੀ ਸਮਾਂ ਲਗਾਇਆ । ਹਾਲ ਤੱਕ ਇਹ ਦੋਵੇ ਖਿਡਾਰੀ ਟੈਸਟ ਪਾਸ ਕਰਨ ਵਿੱਚ ਅਸਫਲ ਰਹੇ ਸਨ । ਹਾਲਾਂਕਿ, ਇਹ ਖੁਸ਼ੀ ਦੀ ਗੱਲ ਹੈ ਕਿ ਦੋਵੇਂ ਖਿਡਾਰੀ ਹੁਣ ਯੋ-ਯੋ ਟੈਸਟ ਪਾਸ ਕਰਨ ਵਿੱਚ ਸਫਲ ਰਹੇ ਅਤੇ ਛੇਤੀ ਹੀ ਉਨ੍ਹਾਂ ਦੋਨਾਂ ਕੋਲ ਚੰਗਾ ਮੈਚ ਖੇਡਣ ਦਾ ਮੌਕਾ ਹੋ ਸਕਦਾ ਹੈ ।
ਯੁਵਰਾਜ ਸਿੰਘ ਨੂੰ ਲੈ ਕੇ ਪ੍ਰਸਾਦ ਨੇ ਕਿਹਾ, ਯੁਵਰਾਜ ਸਿੰਘ ਦੇ ਨਾਲ ਕਾਫ਼ੀ ਸਮੇਂ ਤੋਂ ਫਿੱਟਨੈਸ ਦੀ ਸਮੱਸਿਆ ਚੱਲ ਰਹੀ ਹੈ । ਮੈਨੂੰ ਖੁਸ਼ੀ ਹੈ ਕਿ ਉਨ੍ਹਾਂ ਨੇ ਫਿੱਟਨੈਸ ਟੈਸਟ ਪਾਸ ਕਰ ਲਿਆ ਹੈ । ਉਨ੍ਹਾਂ ਨੇ ਕੁਝ ਸਮੇ ਤੋਂ ਕ੍ਰਿਕਟ ਨਹੀਂ ਖੇਡਿਆ ਹੈ । ਹੁਣ ਉਨ੍ਹਾਂ ਕੋਲ ਖੇਡਣ ਦਾ ਚੰਗਾ ਮੌਕਾ ਹੈ । ਅਸੀਂ ਛੇਤੀ ਹੀ ਉਨ੍ਹਾਂ ਨੂੰ ਯਕੀਨੀ ਤੌਰ 'ਤੇ ਖੇਡਦੇ ਵੇਖਣਾ ਚਾਹਾਂਗੇ ।
ਉਨ੍ਹਾਂ ਨੇ ਕਿਹਾ ਕਿ ਯੁਵਰਾਜ ਸਿੰਘ ਦੇ ਨਾਲ ਫਿੱਟਨੈਸ ਦੀ ਸਮੱਸਿਆ ਸੀ, ਜਦਕਿ ਰੈਨਾ ਬੱਲੇ ਨਾਲ ਦੌੜਾਂ ਬਣਾਉਣ ਵਿੱਚ ਅਸਫ਼ਲ ਰਹੇ । ਪ੍ਰਸਾਦ ਨੇ ਕਿਹਾ ਕਿ ਉਹ ਆਪਣੇ ਬੱਲੇ ਨਾਲ ਔਸਤ ਦਰ ਦੇ ਨਾਲ ਦੌੜਾਂ ਬਣਾਉਣ ਵਿੱਚ ਅਸਫਲ ਰਹੇ । ਰੈਨਾ ਨੇ ਇਸ ਸਾਲ ਉੱਤਰ ਪ੍ਰਦੇਸ਼ ਲਈ ਰਣਜੀ ਖੇਡਿਆ ਹੈ । ਉਨ੍ਹਾਂ ਨੇ 12 ਪਾਰੀਆਂ ਵਿੱਚ ਸਿਰਫ 105 ਦੌੜਾਂ ਹੀ ਬਣਾਈਆਂ । ਉਨ੍ਹਾਂ ਦੀ ਔਸਤ ਦਰ 11.66 ਤੋਂ ਘੱਟ ਰਹੀ, ਜਦਕਿ ਉੱਚ ਸਕੋਰ 33 ਰਿਹਾ । ਇਸ ਲਈ ਉਨ੍ਹਾਂ ਨੂੰ ਕਲੇਮ ਕਰਨ ਦਾ ਕੋਈ ਮਤਲਬ ਨਹੀਂ ਬਣਦਾ ਕਿ ਉਨ੍ਹਾਂ ਨੂੰ ਟੀਮ ਵਿੱਚ ਕਿਉਂ ਨਹੀਂ ਸ਼ਾਮਿਲ ਕੀਤਾ ਗਿਆ ।
