ਰਾਹਤ ਕਮਿਸ਼ਨਰ ਦਫ਼ਤਰ ਨੇ ਜ਼ਿਲ੍ਹਾ ਅਧਿਕਾਰੀਆਂ ਨੂੰ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ ਸਹਾਇਤਾ ਅਤੇ ਐਕਸ-ਗ੍ਰੇਸ਼ੀਆ ਪ੍ਰਦਾਨ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

49 people die in rain-related incidents in Uttar Pradesh:  ਉੱਤਰ ਪ੍ਰਦੇਸ਼ ਵਿੱਚ ਤੂਫਾਨ, ਮੀਂਹ ਅਤੇ ਗੜੇਮਾਰੀ ਕਾਰਨ ਬੁੱਧਵਾਰ ਰਾਤ ਤੋਂ ਵੀਰਵਾਰ ਸ਼ਾਮ 4 ਵਜੇ ਤੱਕ ਘੱਟੋ-ਘੱਟ 49 ਲੋਕਾਂ ਦੀ ਮੌਤ ਹੋ ਗਈ। ਇਹ ਜਾਣਕਾਰੀ ਸ਼ੁੱਕਰਵਾਰ ਨੂੰ ਇੱਕ ਅਧਿਕਾਰਤ ਬਿਆਨ ਵਿੱਚ ਦਿੱਤੀ ਗਈ।

ਲਖਨਊ ਸਥਿਤ ਏਕੀਕ੍ਰਿਤ ਆਫ਼ਤ ਕੰਟਰੋਲ ਕੇਂਦਰ, ਰਾਹਤ ਕਮਿਸ਼ਨਰ ਦਫ਼ਤਰ ਦੀ ਰਿਪੋਰਟ ਦੇ ਅਨੁਸਾਰ, 21 ਮਈ ਨੂੰ ਰਾਤ 8 ਵਜੇ ਤੋਂ 22 ਮਈ 2025 ਨੂੰ ਸ਼ਾਮ 4 ਵਜੇ ਦੇ ਵਿਚਕਾਰ ਉੱਤਰ ਪ੍ਰਦੇਸ਼ ਵਿੱਚ ਮੀਂਹ ਅਤੇ ਤੂਫ਼ਾਨ ਨਾਲ ਸਬੰਧਤ ਘਟਨਾਵਾਂ ਕਾਰਨ ਘੱਟੋ-ਘੱਟ 49 ਲੋਕਾਂ ਦੀ ਮੌਤ ਹੋ ਗਈ।

ਇਸ ਅਨੁਸਾਰ, 21 ਅਤੇ 22 ਮਈ ਦੀ ਵਿਚਕਾਰਲੀ ਰਾਤ ਨੂੰ, ਰਾਜ ਦੇ ਜ਼ਿਆਦਾਤਰ ਜ਼ਿਲ੍ਹਿਆਂ ਵਿੱਚ ਤੇਜ਼ ਹਵਾਵਾਂ ਦੇ ਨਾਲ ਭਾਰੀ ਮੀਂਹ ਪਿਆ।

ਏਕੀਕ੍ਰਿਤ ਆਫ਼ਤ ਕੰਟਰੋਲ ਕੇਂਦਰ ਦੇ ਅਨੁਸਾਰ, ਇਹ ਮੌਤਾਂ ਕਈ ਜ਼ਿਲ੍ਹਿਆਂ ਵਿੱਚ ਦਰੱਖ਼ਤਾਂ ਦੇ ਡਿੱਗਣ, ਕੰਧਾਂ ਅਤੇ ਛੱਤਾਂ ਦੇ ਡਿੱਗਣ ਅਤੇ ਬਿਜਲੀ ਡਿੱਗਣ ਕਾਰਨ ਹੋਈਆਂ ਹਨ।

ਰਾਹਤ ਕਮਿਸ਼ਨਰ ਦਫ਼ਤਰ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਸਭ ਤੋਂ ਵੱਧ ਮੌਤਾਂ ਕਾਸਗੰਜ (ਪੰਜ), ਫਤਿਹਪੁਰ (ਪੰਜ), ਮੇਰਠ (ਚਾਰ) ਅਤੇ ਔਰਈਆ (ਚਾਰ) ਜ਼ਿਲ੍ਹਿਆਂ ਵਿੱਚ ਹੋਈਆਂ।

ਇਸ ਤੋਂ ਇਲਾਵਾ ਬੁਲੰਦਸ਼ਹਿਰ, ਗੌਤਮ ਬੁੱਧ ਨਗਰ, ਕਨੌਜ, ਕਾਨਪੁਰ ਨਗਰ, ਏਟਾ, ਗਾਜ਼ੀਆਬਾਦ, ਫ਼ਿਰੋਜ਼ਾਬਾਦ, ਇਟਾਵਾ, ਕਾਨਪੁਰ, ਅਲੀਗੜ੍ਹ, ਹਾਥਰਸ, ਚਿਤਰਕੂਟ, ਅੰਬੇਡਕਰ ਨਗਰ, ਅਮੇਠੀ, ਅਯੁੱਧਿਆ, ਆਜ਼ਮਗੜ੍ਹ ਅਤੇ ਉਨਾਵ ਵਿਚ ਵੀ ਮੌਤਾਂ ਹੋਈਆਂ ਹਨ।

ਰਾਹਤ ਕਮਿਸ਼ਨਰ ਦਫ਼ਤਰ ਨੇ ਜ਼ਿਲ੍ਹਾ ਅਧਿਕਾਰੀਆਂ ਨੂੰ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ ਸਹਾਇਤਾ ਅਤੇ ਐਕਸ-ਗ੍ਰੇਸ਼ੀਆ ਪ੍ਰਦਾਨ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।