ਮਰੀਕਾ ਵਿਚ ਸਿੱਖ ਧਰਮ ਨੂੰ ਵਖਰੇ ਧਰਮ ਵਜੋਂ ਜਨਗਣਨਾ ਵਿਚ ਸਥਾਨ ਦੇਣ ਤੇ ਸਿੱਖਾਂ 'ਚ ਵੱਡੀ ਖ਼ੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਇਹ ਜਾਣਕਾਰੀ ਦਿੰਦਿਆ ਯੂਨਾਈਟਿਡ ਸਿੱਖਸ ਦੇ...
ਕੈਲੀਫ਼ੌਰਨੀਆ (ਜੰਗ ਸਿੰਘ) : ਅਮਰੀਕਾ ਵਿਚ ਸਿੱਖ ਧਰਮ ਨੂੰ ਵਖਰੇ ਧਰਮ ਵਜੋਂ ਜਨਗਣਨਾ ਵਿਚ ਸਥਾਨ ਦੇਣ ਤੇ ਸਿੱਖਾਂ 'ਚ ਵੱਡੀ ਖ਼ੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਇਹ ਜਾਣਕਾਰੀ ਦਿੰਦਿਆ ਯੂਨਾਈਟਿਡ ਸਿੱਖਸ ਦੇ ਡਾਇਰੈਕਟਰ ਜਸਮੀਤ ਸਿੰਘ ਨੇ ਦਸਿਆ ਕਿ ਸਿੱਖ ਧਰਮ ਨੁੰ ਵਖਰੇ ਧਰਮ ਵਜੋਂ ਦਰਜਾ ਦੇਣ ਸਬੰਧੀ ਅਧਿਕਾਰੀਆਂ ਨਾਲ ਸਿੱਖ ਜਥੇਬੰਦੀਆਂ ਦੀ ਪਿਛਲੇ ਲਗਭਗ 10 ਸਾਲਾਂ ਤੋਂ ਮੀਟਿੰਗਾਂ ਕੀਤੀਆਂ ਜਾ ਰਹੀਆਂ ਸਨ ।
File Photo
ਉਨ੍ਹਾਂ ਨੇ ਦਸਿਆ ਕਿ ਸਿੱਖਾਂ ਦੇ ਇਸ ਗੰਭੀਰ ਮਸਲੇ ਸਬੰਧੀ ਸੇਨ ਡਿਏਗੋ ਯੂਨੀਵਰਸਟੀ ਵਿਖੇ ਯੂ ਐਸ ਸੈਨਸਜ ਬਿਓਰੋ ਦੀ ਮੀਟਿੰਗ ਹੋਈ, ਜਿਸ ਵਿਚ ਫ਼ੈਸਲਾ ਕੀਤਾ ਗਿਆ ਕਿ ਸਿੱਖਾਂ ਦੀ ਗਿਣਤੀ ਨੂੰ ਮਰਦਮਸ਼ੁਮਾਰੀ ਵਿਚ ਵੱਖਰੇ ਧਰਮ ਵਜੋਂ ਦਰਜ ਕੀਤਾ ਜਾਵੇਗਾ। ਯੂ ਐਸ ਸੇਨਸਜ ਦੇ ਡਿਪਟੀ ਡਾਇਰੈਕਟਰ ਰੋਨ ਜਰਮਨ ਨੇ ਦਸਿਆ ਕਿ ਸਿੱਖਾਂ ਦੀ ਵੱਖਰੀ ਪਛਾਣ ਵਜੋਂ ਇਕ ਵੱਖਰੇ ਕੋਡ ਦੁਆਰਾ ਪ੍ਰਵਾਨਗੀ ਦਿਤੀ ਗਈ ਹੈ ।
File Photo
ਅਜਿਹਾ ਹੋਣ ਨਾਲ ਪਤਾ ਲੱਗ ਸਕੇਗਾ ਕਿ ਅਮਰੀਕਾ ਵਿਚ ਸਿੱਖਾਂ ਦੀ ਕੁੱਲ ਕਿੰਨੀ ਗਿਣਤੀ ਹੈ। ਇਸ ਫ਼ੈਸਲੇ ਨਾਲ ਸਿੱਖ ਭਾਈਚਾਰੇ ਦਾ ਵਧੀਆ ਤਰੀਕੇ ਨਾਲ ਕੰਮ ਕੀਤਾ ਜਾ ਸਕੇਗਾ। ਅਮਰੀਕਾ ਸਰਕਾਰ ਵਲੋਂ ਲਏ ਇਸ ਫ਼ੈਸਲੇ ਨਾਲ ਸਿੱਖਾਂ ਵਿਚ ਖੁਸ਼ੀ ਦੀ ਲਹਿਰ ਦੌੜ੍ਹ ਗਈ ਹੈ। ਅਮਰੀਕਾ ਵਿਚ ਹਰ ਦਸ ਸਾਲ ਬਾਅਦ ਜਨਗਣਨਾ ਕਰਾਈ ਜਾਂਦੀ ਹੈ ।
File Photo
ਸਿੱਖ ਸੁਸਾਇਟੀ ਸੇਨ ਡਿਏਗੋ ਦੇ ਪ੍ਰਧਾਨ ਬਲਜੀਤ ਸਿੰਘ ਨੇ ਇਸ ਫ਼ੈਸਲੇ 'ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦੇ ਕਿਹਾ ਕਿ ਸਿੱਖ ਭਾਈਚਾਰਾ ਜਿਹੜਾ ਪਿਛਲੇ ਕਈ ਸਾਲਾਂ ਤੋਂ ਵਖਰੇ ਧਰਮ ਦੀ ਲੜਾਈ ਲੜ੍ਹ ਰਿਹਾ ਸੀ, ਉਸ ਵਿਚ ਵੱਡੀ ਜਿੱਤ ਮਿਲੀ ਹੈ। ਇਸ ਫ਼ੈਸਲੇ ਨਾਲ ਹੋਰ ਧਰਮਾਂ ਨੂੰ ਵੀ ਮਾਨਤਾ ਮਿਲਣ ਦਾ ਰਾਹ ਸਾਫ਼ ਹੋ ਗਿਆ ਹੈ।
File Photo
ਉਨ੍ਹਾਂ ਨੇ ਕਿਹਾ ਕਿ ਜਨਗਣਨਾ ਦੇ ਸਬੰਧ ਵਿਚ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਇਸ ਸਬੰਧ ਵਿਚ ਮਾਰਚ ਦੇ ਅੱਧ ਵਿਚ ਫ਼ਾਰਮ ਮੇਲ ਕੀਤੇ ਜਾਣਗੇ। ਸਿੱਖ ਧਰਮ ਨੂੰ ਵਖਰੀ ਪਛਾਣ ਮਿਲਣ ਨਾਲ ਸਿੱਖਾਂ ਤੇ ਅਮਰੀਕਾ ਵਿਚ ਹੁੰਦੇ ਨਸਲੀ ਹਮਲਿਆਂ ਨੁੰ ਰੋਕਣ ਵਿਚ ਭਾਰੀ ਮਦਦ ਮਿਲੇਗੀ।
